Автогонщик Дмитрий Гвазава

Ӷәазаа авиртуалтә еиԥхныҩлара атәы далацәажәеит

12
Мшаԥы 15 рзы аԥсуа спортсмен Дмитри Ӷәазаа далахәхеит авиртуалтә автоеиԥхныҩлара "LADA Sport ROSNEFT eRace".

АҞӘА, мшаԥы 16 – Sputnik, Бадри Есиава. Аинтерес зҵоу форматуп, аха ареализм рыҵам ҳәа дрыхцәажәеит Дмитри Ӷәазаа дызлахәыз авиртуалтә еиԥхныҩларақәа "LADA Sport ROSNEFT eRace".

"Лҵшәа дук сзаамырԥшит. Урҭ рзы иҟоуп амзызқәа. Астимулиатор аплатформа ахаҭагьы рацәак исгәамԥхеит. Автомашьына амҩаҿы ахы шымҩаԥнаго зынӡа иазааигәам. Ус, ҳәарада, аформат аинтерес аҵоуп. Авиртуалтә еиԥхныҩлараан иуоуа ацәаныррақәеи аиԥхныҩлара хаҭақәа рҿы иуоуа ацәаныррақәеи еицәыхарам", - иҳәеит иара.

Ӷәазаа автомашьына Huyndai ала "дыҵҟьеит" 15-тәи апозициаҟынтә, аха изныкымкәа иеиндаҭлоз рмашьынақәа дрынҟьеит. Уи иахҟьаны 27-тәи апозициахь дагеит. 40 минуҭ рышьҭахь афиниш ахь днеит жәохәтәины.

Аицлабрақәа "LADA Sport ROSNEFT eRace" ирылахәын 33-ҩык апрофессионалтә пилотцәа. Дара ықәгылон акласс "Туринг" иатәу автомашьынақәа рыла. Атрассазы иалхын малаизиатәи Сепанг.

Иара убас шәаԥхьар ҟалоит:

12

Жәлар рдоуҳа: Ҭаниаԥҳа аԥсуаа аҵлақәа ишырзыҟаз атәы

2
(ирҿыцуп 17:28 05.08.2020)
Аҵлақәа ркульт ҳажәлар рытрадициатә культураҟны ҭыԥс иааннакыло, зымшьҭа бзиоу ма ицәгьоу ҳәа ирԥхьаӡо аҵлақәа арбану арадио Sputnik аефир аҟны еиҭалҳәеит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа.
Жәлар рдоуҳа: Ҭаниаԥҳа аԥсуаа аҵлақәа ишырзыҟаз атәы

Шәазыӡырҩла арубрика "Жәлар рдоуҳа" арадио Sputnik аефир аҟны.

Абри анҵамҭа атексттә версиа шәаԥхьар ҟалоит абра:

2

Урыстәылеи Аԥсни рҳәаа аадыртызар аахыс 92 нызқьҩык ауаа ахысхьеит

7
(ирҿыцуп 16:52 05.08.2020)
Аԥсни Урыстәылеи рҳәаа ахысразы официалла аԥкырақәа аԥырхит нанҳәа 1 азы.

АҞӘА, нанҳәа 5 - Sputnik, Асмаҭ Ҵәыџьԥҳа. Урыстәылеи Аԥсни рыбжьара аҳәаа аадыртызар аахыс 92 нызқьи 61-ҩык аҳәаа иахысит ҳәа аанацҳауеит Шәачатәи аҳазалхырҭа апресс-маҵзура.

Нанҳәа 1-5 ирылагӡаны  аушьҭырҭатә ҭыԥ "Адлер" ала ииасит 18 821  транспорттә хархәага.

Урҭ рҟынтәи: 17 614  автомашьына ласы, 751 еидарамҩангага, 456 автобус.

"Иалшо ауснагӡатәқәа зегьы мҩаԥаагоит аҳазалхратә хылаԥшра арласразы, аҳәаа аамҭарацәада ахысразы. Наҟ-ааҟ аус руеит 23 цәаҳәа.  Убри аан еизҳауеит апассаџьырцәеи атранспорти рхыԥхьаӡара", - ҳәа азгәарҭеит апресс-маҵзураҿы.

Иахьа, нанҳәа 5 рзы Шәача ақалақь ахадараҿы Шәача ахада Алексеи Копаигородски амчратә структурақәеи атуристтә усхк анаплакқәеи алархәны Аԥсни Урыстәылеи рҳәааҿ аҭагылазаашьеи аҳәаахьчаратә ҭыԥ "Адлер" аусура аиӷьтәышьеи рзы аилацәажәара мҩаԥигеит.

Уаанӡа, Урыстәылеи Аԥсни рыбжьара аҳәаа аадыртызар, нанҳәа 1-3 рыла 30 нызқьҩык аҳәаа ихысит ҳәа аанацҳаит Шәачатәи аҳазалхырҭа апресс-маҵзура.

7
Аптечка

Россотрудничество Ливан арыцҳара иақәшәаз рзы ахәшәқәа реизгара хацнаркит

3
(ирҿыцуп 18:03 05.08.2020)
Ливан аҭыԥ змаз аԥжәара иахҟьаны, аҵыхәтәантәи адыррақәа рыла, шәҩык ауааԥсыра ҭахеит, ԥшь-нызқьҩык рҟынӡа аахақәа роуит. Иҟоуп иара убас хабарда ибжьаӡыз. Аџьар Ҟаԥшь ливантәи аилазаара адырра ҟанаҵеит 60-ҩык рҭагылазаашьа акыр ихьанҭоуп ҳәа.

АҞӘА, нанҳәа 5 -  Sputnik. Россотрудничество алаҳәара ҟанаҵеит аҿаҳәага материалқәеи зыда ԥсыхәа ыҟам ахәшәқәеи еизгазарц Беирут арыцҳара иақәшәаз рзы ҳәа аанацҳауеит Ливантәи ареспубликаҿ иҟоу Россотрудничество ахаҭарнакра.

Ахәшәқәа рнагара ҟалоит Беирут иҟоу Урыстәылатәи акультуратә центр ахь.

"Еизгахо ахәшәқәа зегьы Ливантәи ареспублика Агәабзиарахьчара аминистррахь инашьҭхоит", - ҳәа ҳәоуп адырраҭараҿы.

Уи адагьы изҭаху зегьы ирымоуп алшара ааха зауз рзы ашьа арҭарц.

Уаанӡа, Ливантәи ареспублика Агәабзиарахьчара аминистр Хамад Хасан аҳәамҭа ҟаиҵахьан аԥжәараан ахәышәтәырҭақәа ԥшьба шьаҭанкыла ишырхәашоу азы. Уа ишьҭаз ачымазцәа егьырҭ ахәышәтәырҭақәа рахь ииагахеит. Уи еиҳагьы иаруадаҩит аҭагылазаашьа ҳәа иҳәеит иара.

Иара убас шәаԥхьар ҟалоит:

3