Аԥсны аџьармыкьақәа русура аграфик шьақәырӷәӷәоуп

25
(ирҿыцуп 13:21 22.04.2020)
Аԥсны аиҳабыра мшаԥы 20 инаркны аџьармыкьақәа раартра азин ҟарҵеит. Аџьармыкьақәа мчыбжьык аҩныҵҟа хымш аус рулоит.

Аусурамшқәа, аҭиҩцәа ашәарҭадара рықәныҟәара, ахәаахәҭратә обиектқәа рырзҩыдара уҳәа ртәы – Sputnik аматериал аҿы.

Сариа Кәарцхьиаԥҳа, Sputnik

Акоронавирустә инфекциа аҿагылараз иаԥҵоу аԥкыратә уснагӡатәқәа ррежим ыҟанаҵ аџьармыкьақәа русура мчыбжьык ахь хымш имҩаԥгахалоит. Убри аан аџьармыкьақәа рхадарақәеи араионқәа рхадарақәеи еилацәажәаны арҭ амшқәа алыркааит.

Аҟәа

Аҟәатәи аџьармыкьа хада аус ауеит ахәаша, асабша, амҽыша.

"Аҟәа асанитартә ҳақьым хада далархәны ақалақь ахада имҩаԥигаз аилацәажәараҿы аӡбра рыдкылан аџьармыкьа хада аус ауразы иалкаазарц ахәаша, асабша, амҽыша. Ашәахьа инаркны аԥшьашанӡа санитартә мшқәаны ишьоуп", - иҳәеит аџьармыкьа адиректор Алхас Гәыргәлиа.

Аҟәатәи аџьармыкьа аадыртуеит ашьыжь асааҭ 6:00 рзы, аус ауеит асааҭ 16:00 рҟынӡа. Асааҭ 16:00- 19:00 аилыргаратә усурақәа мҩаԥысуеит, асааҭ 19:00 - арзҩыдара.

Гагра араион

Гагра аџьармыкьатә мшқәа ҳәа иалхуп: аҩаша, аԥшьаша, асабша. Убри аан ахәаахәҭыҩцәа ашәарҭадара азыԥхьагәарҭалароуп – асабардақәеи анапҭырԥақәеи ныҟәыргалароуп. Аџьармыкьа аҵакыра дырзҩыдоит.

Абарҭ амшқәа рзы аус ауеит Пицундатәи аџьармыкьагьы. Цандрыԥшьтәи аџьармыкьа аус ауеит аԥшьашеи амҽышеи.

Гагреи Гали араионқәа рҟны акоменданттә сааҭ аԥыхуп

Гәдоуҭа

Гәдоуҭа ақалақь аҿы усутә мшхоит ахәаша, асабша, амҽыша.

Араион ахада Руслан Ладариа иажәақәа рыла, аџьармыкьа ауаа рацәа еизнагоит. Хадара амоуп ашәарҭадара аԥҟарақәа рықәныҟәара.

Гәдоуҭатәи аџьармыкьа аартра аҿҳәаранӡа аусура иалагар алшоит

Очамчыра

Очамчыратәи аџьармыкьа есыҽны аус аулоит. Араион ахада Геннади Ҵәыџьба ишиҳәаз ала ара ауаа маҷуп, аепидемиологиатә шәарҭара ыҟам.

"Очамчыра акарантин аамҭазгьы иаркын ҳәа узҳәом. 15-ҩык рҟынӡа аҭиҩцәа ааир ҟалон. Афатәаалыҵтә дәқьанқәа аус руан. Акоординациатә штаб аӡбра аднакылеит аџьармыкьа адмыркырц. Коронавирус алақәаразы ҳџьармыкьа шәарҭара аҵам", - иҳәеит иара.

Тҟәарчал, Гал

Тҟәарчали Гали аџьармыкьақәа аус руеит ахаша, ахәаша, амҽыша.

Амшаԥныҳәа аламҭалазы галаа аџьармыкьаҿы ахәаахәҭра азин рырҭеит

"Арегламент ҿыци уаанӡатәи ҳаграфики еиқәшәоит. Уаанӡагьы Гал аџьармыкьа хымш аус ауан", - ҳәа иҳәоит Гал араион ахада Омар Бганба.

Аџьармыкьақәа абас аус рулоит лаҵара 1 рҟынӡа. Sputnik аинтервиу азҭаз ареспублика асанитартә ҳақьым хада Лиудмила Скорик илҳәеит иахьазы аџьармыкьақәа русура ауаа рыԥсҭазаара ашәарҭара ишҭанамыргыло.

Бганба Галтәи аџьармыкьа аусуразы: аԥҟара ҿыцқәа ирықәшәеит

"Аҳәынҭқарра иалшо зегь ҟанаҵоит уаҳа авирус ареспубликахь аагара алмыршахарц. Аҭагылазаашьа хылаԥшра амоуп", - лҳәеит лара.

Иахьатәи аамҭазы ахәышәтәырҭа иҭоуп ҩыџьа ауааԥсыра акоронавирус рыманы. Руаӡәк хара имгакәа ахәышәтәырҭа дылырҩрааны дыҟоуп, егьи – COVID-19 ахәышәтәратә стандарт дахрыжьуеит.

Акоронавирус иазку аҵыхәтәантәи ажәабжьқәа шәрыԥхьар ҟалоит абра>>

25
Атемақәа:
Ачымазара ҿкы – акоронавирус Аԥсни адунеи аҿи: иалкаау (610)

Аршба Тҟәарчал АҶА аҟәша аусура иазкны: ҳмашьынақәа еснагь аҭыҵра иазыхиоуп

5
(ирҿыцуп 19:39 05.08.2020)
Тҟәарчал араион аҿы иҟоу АҶА аҟәша аиҳабы Едуард Аршба арадио Sputnik Аԥсны аефир аҿы еиҭеиҳәеит амцарцәаратә ҟәшаҿы аусура шеиҿкаау, насгьы ауааԥысра рҟнытә ироуа азыҳәақәа ртәы.
Раионк аԥсҭазаараҟынтә: Аршба Тҟәарчал АҶА аҟәша аусура иазкны

"Тҟәарчал иаҵанакуа абылраҽацәыхьчаратә маҵзура еиқәшәоуп 32-ҩык аусзуҩцәа рыла, амцарцәагатә машьынақәа ракәзар, ҩба ҳамоуп. Амашьынакәа еиқәшәоуп, дара еснагь аҭыҵра иазыхианы игылоуп. Ашьыжь аусура иааиз амацарцәаҩцәа амашьынақәа гәарҭоит. Мышкы аус руеит быжьҩык, урҭ рахьынтә иҟоуп амцарцәаҩцәа, аҟарул аиҳабы, амашьынарныҟәцаҩ, аҭел иаҿатәоу. Амцарцәарақәа рыдагьы иҟоуп аҭагылазаашьақәа аҭыҵра анҳақәшәо ақалақь аҭахрақәа рзы. Иара уи адагьы ауааԥсыра рырахә-рышәахә џьара машәырк ахьзаргьы ианаҳзасуа ыҟоуп. Егьырҭ араионқәа рҿы џьа машәырк ҟалазаргьы, Тҟәарчалтәи амцарцәаратә ҟәша ацхырааразы иҭыҵуеит. Ус, Гал аӡхыҵра аныҟаз ауааԥысра ацхыраара рыҭаразы ааԥхьара ҳаман", - ҳәа еиҭеиҳәеит Аршба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

5

Акоронавирустә хҭыс ҿыцқәа ҩба аарԥшуп Аԥсны

15
(ирҿыцуп 19:13 05.08.2020)
Абри аамҭазы Гәдоуҭатәи ахәышәтәырҭаҿы ишьҭоуп акоронавирус зцәа иалоу 37-ҩык апациентцәа.

АҞӘА, нанҳәа 5 - Sputnik. Даҽа ҩыџьа Аԥсны ауааԥсыра акоронавирус рыдбалоуп ҳәа аанацҳауеит Ауааԥсыра акоронавирустә ҿкы рацәыхьчаразы аоперативтә штаб.

"Ииасыз уахыки-ҽнаки рыла акоронавирустә чымазара амазааразы агәаҭара иахысит 105-ҩык ауааԥсыра. Урҭ рахьтә адиагноз COVID-19 рзықәыргылоуп ҩыџьа. Ачымазцәа ирныруаз ауаа ргәаҭарақәа ирыцҵахоит", - ҳәа аҳәоит аштаб аацҳамҭа.

Иахьазы Аԥсны акоронавирус здырбалахьоу рхыԥхьаӡара 109-ҩык ыҟоуп. Урҭ рахьтә 37-ҩык ргәы бзиахеит, хҩык рыԥсҭазаара иалҵит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

15
Атемақәа:
Ачымазара ҿкы – акоронавирус Аԥсни адунеи аҿи: иалкаау (610)

Игәышьҭыхгоу аланарԥшыра: ансамбль "Кавказ" аконцерт шымҩаԥысыз

0
(ирҿыцуп 20:47 05.08.2020)
Кандид Ҭарба ихьӡ зху жәлар рыкәашаратә ансамбль "Кавказ" аконцерт мҩаԥысит Аԥснытәи аҳәынҭқарратә филармониаҟны нанҳәа 4 рзы. Ихамышҭыхәу аконцерт аимгеимцарақәа шәыдаагалоит Sputnik афотолентаҿы.

Ҳазҭоу ашықәс жьҭаарамзазы иазгәаҭоуп Аԥсны аҩныҵҟа хәыда-ԥсада ансамбль "Кавказ" агастрольқәа рымҩаԥгара.

Аконцерт иазку ажәабжь шәаԥхьар ҟалоит абра:

0
  • © Sputnik / Томас Тхайцук

    Нанҳәа 4 рзы Аԥснытәи аҳәынҭқарратә филармониаҟны имҩаԥысит акарантиншьҭахьтәи аамҭазы ансамбль "Кавказ" раԥхьатәи аконцерт.

  • © Sputnik / Марианна Кубрава

    Адаул асыҩцәа ахәаԥшцәа дыршанхон, рнапы аусушьа, рыццакыратә елементқәа убла хыркуан.

  • © Sputnik / Томас Тхайцук

    Ансамбль асахьаркыратә напхгаҩы Арвелод Ҭарба ишиҳәаз ала, апрограмма иалаз акәашарақәа аҿыцрақәа рылагалан.

  • © Sputnik / Марианна Кубрава

    Аконцерт рбарц иаҭааит ахәаԥшцәа рацәаҩны, аԥсшьаҩцәагьы уахь иналаҵаны.

  • © Sputnik / Томас Тхайцук

    Акәашацәа рҟазара уаршанхо иҟан.

  • © Sputnik / Томас Тхайцук

    Аԥсуа жәлар рыкәашарақәа егьырҭ ажәларқәа излареиԥшым рхатәы ҟазшьа, рхатәы ритм, рхатәы еиҿкаашьа рымоуп.

  • © Sputnik / Томас Тхайцук

    Иқәԥраауа асцена иқәлаз акәашацәа улаԥш рхьымӡо игьежьуан, ишьацәхартәуан.

  • © Sputnik / Томас Тхайцук

    Аконцерт арыцхә машәыршақә иалхымызт: абри аҽны 26 шықәса раԥхьа имҩаԥысит "Кавказ" раԥхьаӡатәи арепетициа.

  • © Sputnik / Марианна Кубрава

    Аконцерт аҟны аныҳәатә гәалаҟазаара аԥҵан.

  • © Sputnik / Томас Тхайцук

    Ахәаԥшцәа рнапеинҟьабжьқәа еихсыӷьуамызт.

  • © Sputnik / Марианна Кубрава

    "Изларылшои абас ахәмарра, уамашәа избоит!" - лҳәеит аҳәаанырцәынтә ҳтәыла иаҭааз ируаӡәку аконцерт ахәаԥшҩы.

  • © Sputnik / Томас Тхайцук

    Жәлар рыкәашаратә ансамбль "Кавказ" Кандид Ҭарба ихьӡ ахырҵеит 2017 шықәсазы.

  • © Sputnik / Томас Тхайцук

    Аҵыхәтәантәи акәашара ашьҭахь ахәаԥшцәа рахь дцәырҵит ансамбль асахьаркыратә напхгаҩы, уи адиректор, "Ахьӡ-Аԥша" аорден 3-тәи аҩаӡара занашьоу, Аԥсны жәлар рартист Арвелод Ҭарба.