АҞӘА, мшаԥы 29 -Sputnik. Гәылрыԥшь араион апрокуратура агәаҭарақәа мҩаԥнагоит иҭакыз Алиас Ҭарба иҽшьра аганахь ала. Абри атәы аанацҳауеит Аԥсны апрокуратора хада асаит.
Аусбарҭа адыррақәа рыла, амедекспертцәа аԥсы ихәдаҿы иҽызлакнеиҳаз ашьҭа рбеит. Уи иеиқәа аԥжәахақәа роуп.
"Уаҳа иарбанызаалак мчыла иԥсра ҟалеит ҳәа ззуҳәаша акгьы идбаламызт. Ахҭыс аныҟалаз аамҭазы Ҭарба ида акамера №3 аҟны аӡәгьы дыҟамызт", - аҳәоит адырраҭараҿы.
Алиас Ҭарба иԥсыбаҩ иҭаацәа ирыҭоуп, дара аӡбара-медицинатә експертиза мап ацәыркит.
Анаркотикқәа идикылоит ҳәа агәҩара ззыҟаны мшаԥы 21 рзы иаанкылаз 1991 шықәсазы ииз Гәдоуҭа ақалақьуаҩ Алиас Ҭарба акамераҿы дыкнаҳаны дырбеит мшаԥы 27 рзы.
Иара убас шәаԥхьар ҟалоит:
- Аԥсны Апрокуратура хада аусҭҵааҩ хада лмаҵура дамхуп
