Владимир Делба

Аимпорттә еикәыршарақәа каҳауеит: Делба авирустә кризис алҵшьас иҟоу азы

38
(ирҿыцуп 11:51 30.04.2020)
Аԥсны ахада Аслан Бжьаниа мшаԥы 28 рзы аусдҵақәа инапы рыҵаиҩит Владимир Делба аԥыза-министр ихаҭыԥуаҩыс, афинансқәа рминистрс иҟаҵаразы.

АҞӘА, мшаԥы 30– Sputnik. Аԥсны аԥыза-министр ихаҭыԥуаҩ, афинансқәа рминистр Владимир Делба арадио Sputnik аинтервиу аҭо иҳәеит атәыла аекономика аԥкыратә режим аԥырхага ду шанаҭо, аҭагылазаашьа алҵразы ԥхьаҟатәи апланқәа дрылацәажәеит.

"Ишыжәдыруа еиԥш, атәыла ахада иусдҵала Аминистрцәа реилазаара аструктура ҿыц еиҿкаан. Уи инақәыршәаны, аԥыза-министр ихаҭыԥуаҩык иҳасаб ала иарбан хырхарҭоу снапы ианҵахо макьаназ алацәажәара заауп", - ҳәа иҳәеит иара.

Аԥыза-министри ихаҭыԥуааи рнапынҵақәа анеихыршалак ашьҭахь акәхоит уи атәы анеилкаахо ҳәа азгәеиҭеит Делба.

"Усҟан аԥыза-министр ихаҭыԥуаҩык иҳасаб ала сусура ахырхарҭа еилкаахоит. Сгәаанагарала, аекономикатә блок акәхоит исыдырҵо", - ҳәа иҳәеит иара.

Владимир Делба арадио Sputnik аинтервиу аҭо иҳәеит ҳтәыла аекономика аԥкыратә режим аԥырхага ду шанаҭо.

Уаанӡатәи афинансқәа рминистр Џьансыхә Нанба иазгәеиҭахьан атәыла абиуџьет алагалатә хәҭа мшаԥы 1-24 рыла 129 миллион еиҵахеит ииасыз ашықәс абри аамҭа иаҿырԥшны ҳәа. Иара убасгьы иҳәахьан 2020 шықәса ԥхьаҟатәи аамҭазгьы алагала 60% рҟынӡа икаҳар ауеит ҳәа.

"Сара Џьансыхә Едуард-иԥа ииҳәаз сақәшаҳаҭуп. Ҳәарада, абиуџьет ацәыӡқәа амоуп, аха урҭ высшьак рзыԥшаатәуп. Раԥхьа инаргыланы иазхәыцтәуп аԥыжәара зҭатәу аусқәа. Уи иалнаршоит маҷк акаҳара ашьақәыртәара. Акызаҵәык иахьазы идыруп 2020 шықәса рзы абиуџьет алагала 60% рҟынӡа ишлеиуа", - ҳәа еиҭеиҳәеит Делба.

Иара иажәақәа рыла, 2021 шықәсазтәи абиуџьет арҭ аҭагылазаашьақәа анырԥшны ирыдыркылоит.

"Акоронавирус аекономика анырра анаҭоит. Убри азы, сара сгәаанагарала, ауснагӡатәқәа еизаку ркомплекс аус адулатәуп. Аекономика адгылара ҳәа сара еилыскаауеит еиуеиԥшым аформақәа. Убри аан аԥыжәара амазароуп ауааԥсыра аусурҭа рымазаара, иҟоу аулафахәытә фонд аиқәырхаразы, аусурҭа змам ауаа рыҟазаара алмыршаразы", - ҳәа иҳәеит иара.

Делба иара убасгьы далацәажәеит Урыстәыла авирусҿагыларатә уснагӡатәқәа Аԥсны аекономикагьы анырра шарҭо.

"Иахьанатә иаабоит адәныҟаекономикатә усура шкаҳаз еиуеиԥшым аусхкқәа рҟны. Уи иунарбоит Урыстәыла ҳекономика анырра шанаҭо. Арахь иаҵааанакуеит анхамҩатә ҭагылазаашьақәа, аиқәшаҳаҭрақәа, аилаӡарақәа", - иҳәеит иара.

Владимир Делба - аԥсуа политикатә усзуҩ, аекономист.

Диит цәыббра 26, 1974 шықәсазы.

Далгеит Аԥснытәи аҳәынҭқарратә университет, анаҩсан дҭалоит Ломоносов ихьӡ зху Москватәи аҳәынҭқарратә универститет аудити анализы рзы аспирантура.

Жьҭаара 2011 шықәса инаркны мшаԥы 8, 2015 шықәсанӡа Аԥыза-министр ихаҭыԥуаҩ, афинансқәа рминистрс дыҟан. Лаҵара 2, 2014 шықәса инаркны цәыббра 29, 2014 шықәсанӡа Аԥсны аԥыза-министр инапынҵақәа наигӡон.

Иара убас шәаԥхьар ҟалоит:

 

38

Аҟәатәи ашкол адыркит акоронавирус злаз арҵаҩы лыԥсҭазаара даналҵ ашьҭахь

11
(ирҿыцуп 23:25 20.09.2020)
Апандемиа ааҟалеижьҭеи Аԥсны акоронавирус зцәа иалоу 939-ҩык аарԥшын. Цәыббра 20 рызтәи аоперштаб адыррақәа рыла, Гәдоуҭатәи ахәышәтәырҭаҿы ишьҭоуп 97-ҩык апациентцәа.

АҞӘА, цәыббра 20 — Sputnik, Асмаҭ Ҵәыџьԥҳа. Баграт Шьынқәба ихьӡ зху Аҟәатәи абжьаратә школ №1 аҵаҩцәа акарантин ахь аҩныҟа иоушьҭуп ҩымчыбжь ҳәа, ашкол аҿы аепидемиологиатә ҭагылазаашьа ахьеицәахаз инамаданы, абри атәы Sputnik иазеиҭалҳәеит ашкол адиректор Нонна Делԥҳа.

Лара лажәақәа рыла, иахьа ашкол адирекциахь адырра ҟарҵеит акоронавирус зцәа иалаз рырҵаҩцәа руаӡәк, даҽа хроникатә чымазаракгьы зцәа иалаз, лыԥсҭазаара дшалҵыз. Иара убасгьы рышкол аҿы аклассқәа хәба рҟны ари аҿкы чымазара зцәа иалаз ачымазцәа азгәарҭахьан. Уи адагьы аҭаацәа аӡәырҩы  рхәыҷқәа COVID-19 асимптомқәа шрыдырбало адиректор иларҳәарц азы аҭел ишылзасыц илзасуеит.

"Сара аҵара аминистр аҭел сизасит, иҟоу аҭагылазаашьа иеилсыркаарц азы. Иара аҵаҩцәа ҩымчыбжьа ҳәа иоушәышьҭ акарантин ахь иҳәеит, избанзар ҳашкол аҿы актәи, аҩбатәи, ахԥатәи аклассқәа рҿы ада, егьырҭ аклассқәа зегьы рҿы аҿкы злалаз ахәыҷқәа ыҟоуп, урҭ зегьы аишьцәа, аиҳәшьцәа рымоуп егьырҭ аклассқәа рҟны. Иара убас ҳарҵаҩцәа быжьҩык акарантин аҿы иҟоуп, саргьы сыбжьы иахьа исгәаԥхом", - лҳәеит Делԥҳа.

Иара убас лара иазгәалҭеит иахьа Асанитартә епидемиологиатә станциа анапхгара лыҽрымалдарц дшаҿыз, аха аӡәгьы аҭел шьҭимхит ҳәа. Делԥҳа ишылҳәаз ала, уажәы ашкол адирекциа аилкаара иаҿуп шаҟаҩык рҵаҩцәеи рырҵаҩцәеи акоронавирус рыхьыз, макьана урҭ рхыԥхьаӡара рыздыруам.

Аԥсны агәабзиарахьчара аминистрра апресс-маҵзура COVID-19 зыхьны иҟаз арҵаҩы лыԥсҭазаара дшалҵыз азы аинформациа Sputnik иазышьақәнарӷәӷәеит, иагьазгәарҭеит лара Қырҭтәыла дшырхәышәтәуаз, уаҟа шакәу лыԥсҭазаара дахьалҵыз.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

11
Атемақәа:
Ачымазара ҿкы – акоронавирус Аԥсни адунеи аҿи: иалкаау
Старший научный сотрудник Отдела этнологии Абхазского государственного музея, этнолог Инга Шамба. Архивное фото.

Аҭоурых иагәылаҵәаху: Шамԥҳа ԥшь-ҿык змоу ампахьшьы иазкны

8
(ирҿыцуп 19:36 20.09.2020)
Аԥсуа ҳәынҭқарратә музеи аетнологиа аҟәша аҭҵаарадырратә усзуҩ еиҳабы Инга Шамԥҳа арадио Sputnik аефир аҟны еиҭалҳәеит 2015 шықәсазы Елена Гордиенко-Леиба амузеи ҳамҭас иалҭаз ампахьшьқәа рҭоурых атәы.

 

"Аҭоурых иагәылаҵәаху": Шамԥҳа ԥшьҿык змоу ампахьшьы иазкны

Шәазыӡырҩла арубрика "Аҭоурых иагәылаҵәаху" есмҽыша арадио Sputnik Аԥсны аефир аҿы.

 

Иара убас шәаԥхьар ҟалоит:

8