Встреча Рауля Хаджимба с Борисом Лапиным

Аексперименталтә патологиеи атерапиеи ринститут ԥыхьатәи адиректор иԥсҭазаара далҵит

9
(ирҿыцуп 15:42 01.05.2020)
Борис Лапин Асовет Еидгыла Амедицинатә ҭҵаарадыррақәа ракадемиа иатәу Аексперименталтә патологиеи атерапиеи ринститут адиректорс дыҟан 30 шықәса инареиҳаны, 1958-1992 шықәсқәа рзы.

АҞӘА, мшаԥы 30 – Sputnik. Аҟәатәи аексперименталтә патологиеи атерапиеи ринститут уаанӡатәи адиректор Борис Лапин 99-шықәса дшырҭагылаз иԥсҭазаара далҵит. Абри атәы Sputnik иазеиҭалҳәеит аинститут аусзуҩ, академик Зинаида Шевцова.

"Аԥхьанатә алабораториа ыҟаӡамызт, иҟаз абиологиатә станциа акәын. Иҟамызт акадрқәа, иҩымызт адиссертациақәа Борис Аркади-иԥа аинститут данахагылаз. Директорс аусура далагеит 50-тәи ашықәсқәа раан", - лҳәоит лара.

Зинаида Шевцова иазгәалҭеит Борис Лапин адунеи аҟны раԥхьатәи априматологиатә наукатә центр еиҿикааит ҳәа.

"Америка, Европа, адунеи егьырҭ атәылақәа рҟынтәи ҳара ҳахь аара иалагеит. Урҭ атәылақәа рҟны амаамынқәа амедицинатә хықәкқәа рзы ахархәара рырҭон", - ҳәа лҳәеит лара.

Борис Лапин амедицинатә приматологиа аҿиараҿы илагала дуӡӡоуп ҳәа азгәалҭеит Шевцова.

"Амаамынқәа рыла еиуеиԥшым ачымазарақәа рыҭҵаара иалагеит. Ҳара ҳауп раԥхьаӡа акәны ауаҩытәыҩса изы акыр ишәарҭоу амаамынқәа ргеморрагиатә лихорадка авирус аазыртыз", – ҳәа еиҭалҳәоит Зинаида Шевцова.

Борис Лапин – апрофессор, амедицинатә ҭҵаарадыррақәа рдоктор, Урыстәылатәи Аҭҵаарадыррақәа ракадемиа академик, амедицинатә приматологиа урыстәылатәи анаука-ҭҵааратә Институт анаукатә напхгаҩы 1958- 1992 шықәсқәа раан Аҟәа иҟаз Борис Лапин Асовет Еидгыла амедицинатә ҭҵаарадыррақәа ракадемиа иатәу НИИЕПиТ адиректорс дыҟан.

2017 шықәса рзы аҵарауаҩ Аҟәатәи амаамынқәа рпитомник аартра 90-шықәса ахыҵраан Аԥсны дыҟан.

"Аҟәеи Аԥсни адунеи иреиӷьу ҭыԥуп ҳәа исшьоит. Ԥсоу саныруа сгәы гәырӷьоит. Ҳмедико-биологиатә станциа акраамҭа Аԥсны ахьӡ ӡырнагон. Усҟантәи аамҭақәа раан абри апитомник аҟазаарала аӡәырҩы Аҟәа аӡбахә рдыруан", - ҳәа иҳәеит иара.

Аҟәатәи амаамынқәа рпитомник аартын 1927 шықәса рзы Николаи Семашко дзаԥхьагылаз аҵарауаа раԥшьгарала. Раԥхьатәи аԥышәарақәа мҩаԥган 1930-тәи ашықәсқәа раан.

50-тәи ашықәсқәа раан Амедицина-биологиатә станциаҿ абиологиеи амедицинеи рактуалтә проблемақәа аус рыдызуло раԥхьатәи акадрқәа азыҟарҵо иалагеит.

1957 ықәса рзы Астанциа Асовет Еидгыла Амедицинатә ҭҵаарадыррақәа ракадемиа иатәу Аексперименталтә патологиеи атерапиеи ринститут ҳәа еиҭакын. 1958 шықәса рзы аинститут дахагылеит москватәи аҵарауаҩ қәыԥш Борис Лапин. Борис Лапин диит нанҳәа 10 1921 шықәса рзы. Сынтәа иара ихыҵуазаарын 99 шықәса.

Иара убас шәаԥхьар ҟалоит:

9

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

10
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

10

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

6
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

6