Амилаҭтә банк ахантәаҩы аԥыза-министр изеиҭеиҳәеит абанктә усхк аҭагылазаашьа

15
(ирҿыцуп 19:01 30.04.2020)
Беслан Бараҭелиа аԥыза-министр Александр Анқәаб изеиҭеиҳәет акоммерциатә банкқәа ироуа анапынҵа ԥара, ҳазхысыз ашықәс абри аамҭа иаҿурԥшуазар, акыр илаҟәит хәа. Убри аан абанкқәа рыклиентцәа аԥара еиҳа еиҳаны иҭыргоит.

АҞӘА, мшаԥы 30 - Sputnik. Аԥсны аԥыза-министр Александр Анқәаб Аԥсны Амилаҭтә банк ахантәаҩы Беслан Бараҭелиеи иареи реиԥылараан иалацәажәеит иҟоу аекономикатә ҭагылазаашьаан абанктә усхк аусура атәы. Аилацәажәара далахәын аԥыза-министр актәи ихаҭыԥуаҩ Беслан Џьапуа.

"Иааидкыланы арҭ аамҭа уадаҩқәа раан атәыла абанктә система ицәгьамкәа аус ауеит. Убри аан аҳәаа аркреи анаплакратә активреи ирҿырԥшны иҟоуп аобиективтә проблемақәа, ауадаҩрақәа", - ҳәа Бараҭелиа иажәақәа аанагоит Аминистрцәа реилазаара асаит.

Аиԥылараан иазгәаҭан "акомеррциатә банкқәа ироуа анапынҵа ҵыԥх уажәааны аасҭа 60 % рыла еиҵоуп, аклиентцәа иамырхуа аԥара 45% еиҳахеит ҳәа. Ҳазҭоу ашықәс, хәажәкырамзазы абанкоматқәа ирҭыган миллиардки 300 миллиони мааҭ, мшаԥымзаз – миллиардки 100 миллионки мааҭ. Ииасыз ашықәс хәажәкырамзазы абанкоматқәа ирҭыган 750-800 миллион мааҭ" ҳәа.

Бараҭелиа иҳәеит уаанӡа Амилаҭтә банк акоммерциатә банкқәа ирабжьнагеит афинанстә ҭагылазаашьа аԥараԥсахцәа рзы ибааԥсны иҟалар, ауал ареструктуризациа азырурци аштрафтә санкциақәа мап рцәыркырци.

"Акоммерциатә банкқәа рнапынҵатә ресурсқәа иахьа иззырхоу аиҳарак аоперациатә кассақәеи абанкоматқәеи рхарҭәаароуп. Ихадоу – ауааԥсыра анапынҵа ԥарала реиқәыршәароуп. Иҟоу ауадаҩрақәа ирыхьмырԥшыкәа аус аӡбра ҳаҿуп", - ҳәа иҳәоит Бараҭелиа.

Бараҭелиа иара убасгьы иазгәеиҭеит аԥара алазҵо рхыԥхьаӡара ишагым. Уи акәым, аекономикатә кризис аан аԥаралаҵаҩцәа ҿыцқәагьы анцәырҵуа ыҟоуп иҳәеит иара.

Аицәажәара хыркәшо аԥыза-министр Александр Анқәаб агәыӷра ааирԥшит атәылаҿ аҭагылазаашьа ҭышәынтәалап ҳәа, уи аекономикеиԥш абанктә секторгьы анырра бзиа анаҭап ҳәа.

Иара убас шәаԥхьар ҟалоит:

15

Sputnik аҿы иалацәажәоит самбо азы Афон ҿыц имҩаԥысуа XVII Жәларбжьаратәи атурнир

3
(ирҿыцуп 09:29 23.09.2020)
Цәыббра 23 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Афон ҿыц имҩаԥысуа XVII-тәи Жәларбжьаратәи атурнир иазку апресс-конференциа.

Апресс-конференциа иалахәхоит:

  • Михаил Чалмаз - дзиудои самбои рзы Аԥсны Афедерациа ахада
  • Михаил Пиканин - дзиудои самбои рзы Аԥсны Афедерациа ахантәаҩы
  • Андреи Погосов - дзиудои самбои рзы Аԥсны Афедерациа ахада ихаҭыԥуаҩ
  • Роберт Новоиан - дзиудои самбои рзы Аԥсны Афедерациа ахада ихаҭыԥуаҩ

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

3
Гурам Шоуа

Раионк аԥсҭазаараҟынтә: Шьоууа авирус змоу рзы ахәышәтәырҭақәа рҿы аҭыԥқәа раартразы

6
(ирҿыцуп 19:22 22.09.2020)
Гәылрыԥшьтәи арратә госпиталь аҳақьым хада Гәырам Шьоууа арадио Sputnik аефир аҿы еиҭеиҳәеит акороновирус змоу рзы Агәыӡера ахәышәтәырҭаҿы хазы аҭыԥқәа раартра аус шцо атәы.
Раионк аԥсҭазаараҟынтә: Шьоуа авирус змоу рзы ахәышәтәырҭақа рҿы аҭыԥқәа раартразы

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара мап ацәкра уҳәа убас. Иара уи адагьы, агәабзиарахьчара аминистрра жьҭаара 15 рҟынӡа анапы ианҵоуп Аԥсны, Аҟәа ақалақьи араионқәеи иахьрыҵанакуа иҟоу амедицинатә усҳәарҭақәа рҟны авирус змоу ахаҿқәа рнагарҭа ҭыԥқәа разырхиара.

"Ари ачымазара зыхьуа ҳзаанагоит, урҭ ҳрыхәаԥшуеит нас ишахәҭоу аҭыԥ иқәаҳҵоит, шьоукы аҩныҟа, шьоукы – Гәдоуҭаҟа, аха уи анализқәа рҭак анҳаулак ашьҭахь. Ахәышәтәырҭа атерапиа аҟәшаҿы архиара ҳаҿуп 40-ҩык рҭыԥ ари ачымазара зыхьуа рышьҭаҵаразы, аха макьана хаз аҟәша аашәырты ҳәа адҵа ҳмоуӡац. Иахьазы дҵас иҳамоу: ачымазаҩцәа ашоура змоу, Агәыӡера рыдкылара, нас ишахәҭоу аус рыдулароуп. Ахәышәтәырҭаҿы акоронавирус аҟынтә иахьазы анализ аҭак иазыԥшу ҳәа аӡәгьы дыҟам, зегьы аҩны итәоуп. Дара есымша аҭел ҳарзасуеит, рҭагылазаашьа еилаҳкаауеит. Анализ аҭак анааилак нас рыхәшәтәразы даҽа мҩак ылаҳхуеит. Аҩны рҽырхәышәтәуеит 16-ҩык рҟынӡа", - ҳәа еиҭеиҳәеит Шьоууа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

6