Бганба Ҭырқәтәыла акоронавирус азы: ачымазаҩцәа маҷхеит, аха еиҭа ҩымз ҳхы ҳахьчалароуп

185
Сақариа еиҿкаау аԥсуаа рхеидкыла аиҳабы Орал Бганба арадио Sputnik Аԥсны иазеиҭеиҳәеит уаҟа инхо ҳџьынџьуаа акоронавирус иахҟьаны аԥкрақәа шырхырго, урҭ ирҭагылазаашьоу.
Бганба Ҭырқәтәыла акоронавирус азы: ачымазаҩцәа маҷхеит, аха еиҭа ҩымз ҳхы ҳахьчалароуп

"Ҳазҭагылоу аамҭа шәарҭоуп, аха аԥсҭазаара иацу аусқәа мҩаԥаагоит. Сақариа аԥсуаа зегь реиҳа иахьырацәоу ҭыԥуп. Ҭырқәтәыла ианҳаҳа ачымазара алаҵәара аиуеит ҳәа, аԥсуа хеидкылақәа иаразнак иаҳаркит. Ансамбль иалаз ахәыҷқәагьы рҽазыҟаҵарақәа ааныркылеит. Макьанагьы ус ҳаҟоуп. Ақыҭақәа рҿы аҭагылазаашьа зеиԥшроу еилаҳкаауеит, ҳаиҳабацәа ҳрацәажәоит, ара инхо аԥсуаа аимадара ҳабжьоуп. Ҭырқәтәыла аҵара зҵо аԥсуа студентцәагьы ианаамҭаз Аԥсныҟа иҳашьҭит, уи бзианы иазыӡбан. Аӡәызаҵәык аԥсуаа ҳҟынтә дычмазаҩуп, иара хынҩажәа шықәса ихыҵуеит, дманшәалахап ҳәа ҳгәыӷуеит. Ҳара аԥсрақәа рҿы аизарақәа аҟәаҳхит, ажәлар адырра раҳҭоит, дара адышшыларақәа аарышьҭуеит. Ачымазара змоу рхыԥхьаӡара лаҟәхо иалагеит, аха иааиуа амзагьы еиҭа уи иашьҭанеиуеи ҳхы гәаҳҭалароуп", - ҳәа азгәеиҭеит Бганба.

Иаҳа инеиҵыху аиҿцәажәара шәазыӡырҩы арадио Sputnik Аԥсны аефир аҿы.

Иара убас шәаԥхьар ҟалоит:

185
Атемақәа:
Ачымазара ҿкы – акоронавирус Аԥсни адунеи аҿи: иалкаау (708)

Аҟәа ақалақь ахадараҿ акарантин алагалоуп

2
(ирҿыцуп 10:11 23.09.2020)
Беслан Ешба цәыббра 22 рзы инапы аҵаиҩит аусдҵа: "Аҟәа ақалақь ахадараҿы акоронавирустә инфекциа (COVID-19) алаҵәара азыԥхьагәаҭареи аԥырҟәҟәаареи рзы ауснагӡатәқәа рзы".

АҞӘА, цәыббра 23– Sputnik. Аҳҭнықалақь ахада Беслан Ешба адҵа ҟаиҵеит ақалақь ахадара аусзуҩцәа русурҭа ҭыԥқәа рҟны рыҟазаара аҟынтәи рхы иақәиҭтәызарц цәыббра 22 инаркны жьҭаара 5 рҟынӡа руалафахәы ааныжьны. Ари аҩыза аусдҵа рыдкылоуп аусбарҭаҿ COVID-19 змаз ахьазгәаҭаз азы ҳәа аанацҳауеит ақалақь ахадара асаит.

"Ақалақь ахадара аусура арежим иадҳәалоу аԥкырақәа ирыҵаркуам ахадара амаҵзурауааи иара убасгьы аструктуратә ҟәшақәа рнапхгаҩцәа ишьақәдыргыло аграфик иаҵанакуа аструктуратә ҟәшақәа рҟазауааи", - аҳәоит адырраҭараҿы.

Ахадараҿы ауаа рыдкылара жьҭаара 5 рҟынӡа иаанкылоуп.

Уаанӡатәи адырраҭарақәа рыла, Аԥсны АҶА аусурақәа рымҩаԥгараан ақалақь ахадара аусзуҩцәа аднаԥхьалоит ада ԥсыхәа ыҟамкәа ианазыԥхьаӡоу. АҶА апресс-маҵзураҿы Sputnik иазеиҭарҳәеит аусбарҭа амаҵзурақәак адистанциатә усурахь ииасуеит ҳәа.

Акоронавирус иазку ажәабжьқәа шәрыԥхьар ҟалоит абра>>

2
Атемақәа:
Ачымазара ҿкы – акоронавирус Аԥсни адунеи аҿи: иалкаау (708)

Sputnik аҿы иалацәажәоит самбо азы Афон ҿыц имҩаԥысуа XVII Жәларбжьаратәи атурнир

3
(ирҿыцуп 09:29 23.09.2020)
Цәыббра 23 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Афон ҿыц имҩаԥысуа XVII-тәи Жәларбжьаратәи атурнир иазку апресс-конференциа.

Апресс-конференциа иалахәхоит:

  • Михаил Чалмаз - дзиудои самбои рзы Аԥсны Афедерациа ахада
  • Михаил Пиканин - дзиудои самбои рзы Аԥсны Афедерациа ахантәаҩы
  • Андреи Погосов - дзиудои самбои рзы Аԥсны Афедерациа ахада ихаҭыԥуаҩ
  • Роберт Новоиан - дзиудои самбои рзы Аԥсны Афедерациа ахада ихаҭыԥуаҩ

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

3