Города России. Москва

Урыстәыла Аԥсни Аахыҵ Уаԥстәылеи иареи аинвестициақәа рзы аиқәшаҳаҭра рыбжьарҵеит

10
Адокумент иазԥхьагәанаҭоит Аԥсни Аахыҵ Уаԥстәылеи рҿаԥхьа уаанӡа напы зҵаҩыз аиҩызареи астратегиатә партниорреи рзы аиқәшаҳаҭрақәа рҳәаақәа ирҭагӡаны ареспубликақәа рсоциал-економикатә ҿиаразы Урыстәыла ахыдҵақәа рынагӡара.

АҞӘА, лаҵара 13 - Sputnik. Урыстәыла Аԥсни Аахыҵ Уаԥстәылеи иареи рыбжьара ареспубликақәа ринвестициатә усура адгыларази абиуџьеттә инвестициақәа рзи аиқәшаҳаҭра анапы аҵанаҩит ҳәа аанацҳауеит Урыстәыла Аекономикатә ҿиара аминистрра.

Адокумент рнапы аҵарҩит Урыстәыла Аекономикатә ҿиара аминистр актәи ихаҭыԥуаҩ Михаил Бабич, Урыстәыла иҟоу Аԥсны Ацҳаражәҳәаҩ Игор Ахба, Урыстәыла иҟоу Аахыҵ Уаԥстәыла Ацҳаражәҳәаҩ Знаур Гассиев.

Аиқәшаҳаҭра аҳәаақәа ирҭагӡаны иазԥхьагәаҭоуп акультура, аҵарадырра, агәабзиарахьчара, аҳәынҭнапхгараҭара аусхкқәа рҟны аинфраструктура аобиектқәа рыргылара аԥаразоужьра.

"Ареспубликақәа рыбжьара ҩ-ганктәи аиқәшаҳаҭра ҿыцқәа, ари Урыстәылеи, Аԥсни Урыстәылеи Аахыҵ Уаԥстәылеи рыбжьара аиқәшаҳаҭра-зинтә база аҿиараҿы ԥхьаҟатәи шьаҿоуп, ареспубликақәа рыҿиареи руааԥсыра рыбзазареи еиӷьызтәуа усуп", - иҳәеит Михаил Бабич.

Аԥсни Урыстәылеи рыбжьара ҩ-ганктәи аусеицура мҩаԥысуеит 2014 шықәса абҵара 24 рзы анапы зҵаҩыз Аиқәшаҳаҭра ашьаҭала.

Аԥсни Урыстәылеи рыбжьара ҩ-ганктәи аусеицураз аиқәшаҳаҭра-зинтә база еиднакылоит 100 инарзынаԥшуа документ.

Иара убас шәаԥхьар ҟалоит:

 

10

Асы ааигәахоит: Аԥсны ажьырныҳәа аҽеиҩшамҭа ашьҭахь амш зеиԥшрахо

3
(ирҿыцуп 13:25 17.01.2021)
Аԥсны аекологиеи аԥсабарахьчареи рзы Аҳәынҭкомитет иатәу аҳауагәаҭаратә ҟәша аспециалист хада Лариса Ахԥҳа уаанӡа ажьырныҳәамзазы иҟаҵаз амш азԥхьагәаҭаразы адыррақәа халырҭәааит.

АҞӘА, ажьырныҳәа 17 – Sputnik, Бадри Есиава. Аԥсны ақәабаа-сабаа, анаҩс маҷк асгьы леиуеит ажьырныҳәа 17-18 рзы лҳәеит Аԥсны аекологиеи аԥсабарахьчареи рзы Аҳәынҭкомитет иатәу аҳауагәаҭаратә ҟәша аспециалист хада Лариса Ахԥҳа.

"Ажьырныҳәа аҩбатәи азбжа еиҳарак шәшьызаауеит, избанзар ациклонқәа амч рымоуп. Ахьҭақәа ҟалеит, урҭ еиҳагьы рыҽдырӷәӷәоит. Амала иахьазы макьана ациклон ыҟоуп, уи аан аҳауа еиҳа иԥхоуп, антициклон аан аасҭа. Аха уажәшьҭа аҳауа хьшәашәақәа дәықәлеит ҳа ҳахь, аҩадантәи ахьшәашәара лбааит. Иара Амшын еиқәа аҿықә зегь амҽханакуеит. Уаха уи афронт ҳхысраны иҟоуп, уаҵәы ахәылԥазынӡа ақәабаа-сабаа, анаҩс асгьы леип ҳәа ҳгәыӷуеит амшын ага иахьаҵанакуа, аха ишьҭалаӡом", - ҳәа азгәалҭеит лара.

Лара лажәақәа рыла, амшын аҿықә аҟынтәи 5-10 километр инахыганы, амшын аҩаӡараҟынтәи 200 метра аҳаракыраҿы аҳауаԥхарра -2°С инаркны -5°С рҟынӡа илеир ҟалоит. 200 инаркны 500 метра рҟынӡа аҳаракыраҿы аҳауаԥхарра лаҟәуеит -6 инаркны -8°С рҟынӡа. Уи -8°С инаркны -10°С рҟынӡа илеиргьы ҟалоит. Ашьхараҿы -10°С инаркны -15°С рҟынӡа иазыԥшуп.

"Уажәаԥхьа иҟаҵаз азԥхьагәаҭара иаҿурԥшуазар, аҭагылазаашьа аҽаԥсахит. Алышәшәақәа аангылар ауп ажьырныҳәа 22 рзы, аха еиҳа ихьҭахоит. Амза нҵәаанӡа амш шәшьызаауеит. Макьана антициклон ҟалоит ҳәа ҳбом", - лҳәеит Ахԥҳа.

Ахәаша ажьырныҳәа 15 рзы Аԥсны араионқәак рҿы акырцх леит, аха аспециалист ишазгәалҭаз ала, уи акырцх акәӡамызт, асырҳәы акәын.

3
Верующие во время празднования дня Крещения Христова у источника Святого Василиска возле села Каман в Республике Абхазия

Аԥсны ауахәамақәа рыҟны Иаса Қьырса Иӡаахра иазку амҵаныҳәара мҩаԥыргоит

7
(ирҿыцуп 10:21 17.01.2021)
Иаса Қьырса Иӡаахра азгәарҭоит ажьырныҳәа 19 рзы. Аныҳәа азкуп Назареҭтәи Иаса Қьырса Иордан аӡы аҟны иӡаахра. Қьырса динаҭит Иоанн Анцәаиажәаҳәаҩ. Арҭ амшқәа рзы ауахәамақәа рҟны имҩаԥысуа аныҳәарақәа Аӡаахра иадҳәалоуп.

АҞӘА, ажьырныҳәа 17-Sputnik. Аиашахаҵаратә қьырсианра иаҵанакуа ауахәамақәа рҟны имҩаԥгахоит Иаса Қьырса Иӡаахра иазку анцәа имҵаныҳәара, абри атәы иҳәеит Аԥсны Аиашахаҵаратә уахәама аиҳабы аб Виссарион (Аԥлиа).

Арҭ амшқәа рзы ауахәамақәа рҟны имҩаԥысуа аныҳәарақәа Аӡаахра иадҳәалоуп. Ажәытәан Иаса Қьырса иирагьы иӡӡаахрагьы мышкы иазгәарҭон. Иара ихазы аҽӡаахра ԥсыхәа амамкәан иҟамызт. Аӡы иҽӡааихит, иҽҭишьит, уи ала адунеи аӡқәа зегьы ррыцқьаразы. Ари аныҳәазы ишыхьҭоугьы, изылшо, згәы иаҭаху аӡы иҭалоит ҩнуҵҟалагьы, цәеижьлагьы аҽрыцқьаразы.

Қьырса ныҳәа инаркны Аӡаахра аҟынӡа (ажьырныҳәа 7 инаркны 19-нӡа) иԥшьоу, ицқьоу амшқәа ҳәа ирышьҭоуп. Аныҳәа мышкы шыбжьоу чгара мшуп.

Аҽӡаахра амшныҳәаз Анцәа дхазҵо иргәаладыршәоит 30 шықәса ирҭагылаз Иаса Қьырса Галилеинтәи аӡиас Иордан ашҟа дышнеиз иҽӡааихырц азы. Иара аӡы данҭыҵуаз адунеи зегьы ирбарҭахеит Анцәа-Аб, Анцәа-Аԥа, аҳәыҳә асахьа зманы Иаса Қьырса ижәҩахыр иқәтәаз Анцәа-Иԥшьоу идоуҳа.

Аӡаахра амшныҳәа ақьырсианцәа иазгәарҭо иалагеит апостолтә аамҭақәа рзы. Ажәытәан Қьырсеи Анцәаибареи мышкны иҟан, аха аамҭақәак рыла ауахәама урҭ аныҳәақәа еиднагеит. Есышықәса Аӡаахра амш аҽни аухеи аиашахаҵаратә уахәамақәа рҟны аҵак дуӡӡа змоу аӡыԥшьара мҩаԥыргоит.

7