Граница Псоу

Атуристцәа аҳәаа рахысразы абжьгарақәа азырхиазарц аԥсуа ган иадыргалеит

27
Алада урыстәылатәи Апарламенттә Ассамблеиа алахәылацәа авидеоконференциа аформат ала реилатәара мҩаԥысуан лаҵара 14-15 рзы.

АҞӘА, лаҵара 14 - Sputnik, Асмаҭ Ҵәыџьԥҳа. Атуризми, акурортқәеи, аспорти рзы Ҟрым Аҳәынҭхеилак ахантәаҩы Алексеи Черниак Алада урыстәылатәи Апарламенттә Ассамблеиа алахәылацәа авидеоконференциа аформат ала реилатәараан Аԥсны Апарламент аҟны асоциалтә политикеи, аџьеи, агәабзиарахьчареи, адемографиеи, аибашьра аветеранцәеи аинвалидцәеи русқәа рзы аилак ахантәаҩы Алхас Џьынџьал иахь ажәалагала ҟаиҵеит аԥкрақәа рахыхра ашьҭахь атуристцәа аҳәаа рахысразы аԥҟарақәа рганахьала абжьгарақәа аздырхиарц.

Џьынџьал иажәақәа рыла, аушьҭырҭатә ҭыԥ "Ԥсоу" аҟны атуристцәа атәыла ралаларазы еиҿкаатәуп агәаҭаратә лабораториатә пункт, мамзаргьы атуристцәа ргәабзиара аҭагылазаашьазы аршаҳаҭгақәа рымазароуп.

"Ҳуааԥсыра ари азҵаара ашәарҭара рызцәырнагоит. Атуристцәа уи иалаҟьашхар ахәҭам", - иҳәеит иара.

Алексеи Черниак иазгәеиҭеит жәларбжьаратәи атуризм азҵаара Урыстәыла ауааԥсыра инарҭбааны ишалацәажәо убри азы Алада урыстәылатәи Апарламенттә Ассамблеиа аҳәаақәа ирҭагӡаны Аԥсны Апарламент аҟны асоциалтә политикеи, аџьеи, агәабзиарахьчареи, адемографиеи, аибашьра аветеранцәеи аинвалидцәеи русқәа рзы аилак ахантәаҩы Алхас Џьынџьал иахь ажәалагала ҟаиҵеит абри азҵаара ҷыдала иҭырҵаар азы ажәалагалақәа еиқәиршәарц Алада урыстәылатәи Апарламенттә Ассамблеиа аусураан иалацәажәартә еиԥш.

Алада урыстәылатәи Апарламенттә Ассамблеиа XXXII аконференциа аусура иалагеит лаҵара 14 рзы. Апарламенттә Ассамблеиа алахәылацәа авидеоконференциа аформат ала реилатәара мҩаԥысуеит ҩымш. Иазԥхьагәаҭоуп 30 рҟынӡа зҵаара рылацәажәара.

Алада урыстәылатәи Апарламенттә Ассамблеиа аԥҵан мшаԥы 25, 2001 шықәса рзы. Иахьазы иара аилазаараҿ иҟоуп: иааиԥмырҟьаӡакәа иҟоу алахәылацәа (Аҳәынҭқарратә Хеилак: Хасэ – Адыга Республика, Адума – Астрахантәи аобласт, Адума – Волгоградтәи аобласт, Жәлар р-Хурал (Апарламент) – Ареспублика Калмыкиа, Краснодартәи атәылаҿацә азакәанԥҵаратә еизара, Ростовтәи аобласт азакәанԥҵаратә еизара, Ареспублика Ҟрым аҳәынҭқарратә Хеилак, Севастополь ақалақь азакәанԥҵаратә еизара); ассоциациатә лахәылацәа: (Ингәыштәыла Жәлар Реизара, Ҟарачы-Черқьесск Жәлар Реизара (Апарламент), Аҩадатәи Уаԥстәыла – Аланиа Жәлар Реизара, Аԥсны Аҳәынҭқарра Жәлар Реизара.

Аԥсны Аҳәынҭқарра Жәлар Реизара – Апарламент Алада урыстәылатәи Апарламенттә Ассамблеиа иалалеит цәыббра 30, 2005 шықәса рзы Алада урыстәылатәи Апарламенттә Ассамблеиа VI аконференциа аӡбарала.

27
Верующие во время празднования дня Крещения Христова у источника Святого Василиска возле села Каман в Республике Абхазия

Аԥсны ауахәамақәа рыҟны Иаса Қьырса Иӡаахра иазку амҵаныҳәара мҩаԥыргоит

6
(ирҿыцуп 10:21 17.01.2021)
Иаса Қьырса Иӡаахра азгәарҭоит ажьырныҳәа 19 рзы. Аныҳәа азкуп Назареҭтәи Иаса Қьырса Иордан аӡы аҟны иӡаахра. Қьырса динаҭит Иоанн Анцәаиажәаҳәаҩ. Арҭ амшқәа рзы ауахәамақәа рҟны имҩаԥысуа аныҳәарақәа Аӡаахра иадҳәалоуп.

АҞӘА, ажьырныҳәа 17-Sputnik. Аиашахаҵаратә қьырсианра иаҵанакуа ауахәамақәа рҟны имҩаԥгахоит Иаса Қьырса Иӡаахра иазку анцәа имҵаныҳәара, абри атәы иҳәеит Аԥсны Аиашахаҵаратә уахәама аиҳабы аб Виссарион (Аԥлиа).

Арҭ амшқәа рзы ауахәамақәа рҟны имҩаԥысуа аныҳәарақәа Аӡаахра иадҳәалоуп. Ажәытәан Иаса Қьырса иирагьы иӡӡаахрагьы мышкы иазгәарҭон. Иара ихазы аҽӡаахра ԥсыхәа амамкәан иҟамызт. Аӡы иҽӡааихит, иҽҭишьит, уи ала адунеи аӡқәа зегьы ррыцқьаразы. Ари аныҳәазы ишыхьҭоугьы, изылшо, згәы иаҭаху аӡы иҭалоит ҩнуҵҟалагьы, цәеижьлагьы аҽрыцқьаразы.

Қьырса ныҳәа инаркны Аӡаахра аҟынӡа (ажьырныҳәа 7 инаркны 19-нӡа) иԥшьоу, ицқьоу амшқәа ҳәа ирышьҭоуп. Аныҳәа мышкы шыбжьоу чгара мшуп.

Аҽӡаахра амшныҳәаз Анцәа дхазҵо иргәаладыршәоит 30 шықәса ирҭагылаз Иаса Қьырса Галилеинтәи аӡиас Иордан ашҟа дышнеиз иҽӡааихырц азы. Иара аӡы данҭыҵуаз адунеи зегьы ирбарҭахеит Анцәа-Аб, Анцәа-Аԥа, аҳәыҳә асахьа зманы Иаса Қьырса ижәҩахыр иқәтәаз Анцәа-Иԥшьоу идоуҳа.

Аӡаахра амшныҳәа ақьырсианцәа иазгәарҭо иалагеит апостолтә аамҭақәа рзы. Ажәытәан Қьырсеи Анцәаибареи мышкны иҟан, аха аамҭақәак рыла ауахәама урҭ аныҳәақәа еиднагеит. Есышықәса Аӡаахра амш аҽни аухеи аиашахаҵаратә уахәамақәа рҟны аҵак дуӡӡа змоу аӡыԥшьара мҩаԥыргоит.

6
Линии электропередач

Аҟәа ахәҭак лашарада иаанхеит аҵла афымцацәаҳәақәа иахьрықәҳаз иахҟьаны

2
Аҭыԥ ахь инеит амашәыр ахҟьаԥҟьақәа аԥызхуа абригадақәа, афымцалашара амҽыша асааҭ 15:00 рҟынӡа инеиҭашьақәдыргыло рҳәеит.

АҞӘА, ажьырныҳәа 17 - Sputnik. Аҟәа адендропарк аҿы икаҳаз аҵла афымцацәаҳәақәа хәба аԥхасҭа рынаҭеит, уи иахҟьаны Синопи Турбазеи рыбжьара иҟоу араион фымцалашарада иаанхеит ҳәа аанацҳауеит АУН "Амшынеиқәафымцамч".

Иазгәаҭоуп аԥхасҭа шроуз 10-тәи, 11-тәи афидерқәа (аихшарҭатә цәаҳәақәа - азгә.).

Аҭыԥ ахь инеит амашәыр ахҟьаԥҟьақәа аԥызхуа абригадақәа, афымцалашара амҽыша асааҭ 15:00 рҟынӡа еиҭашьақәдыргылоит рҳәеит.

2