Аҵыхәтәантәи уахыки-ҽнаки рыла Аԥсны иахьаҵанакуа авирус аӡәгьы идрымбалеит

22
(ирҿыцуп 19:22 15.05.2020)
Лаҵара 15 азтәи адыррақәа рыла, Аԥсны  коронавирус змоу 14-ҩык ыҟоуп, урҭ руаӡәк ахәышәтәырҭа дылрыҩаауеит.

АҞӘА, лаҵара 15 - Sputnik. Аҵыхәтәантәи уахи-ҽни Аԥсны акоронавирус амазааразы игәарҭеит 20-ҩык, урҭ аӡәгьы COVID-19 идбалам ҳәа аанацҳауеит аоперативтә штаб.

"Хара имгакәа Гәдоуҭатәи ахәышәтәырҭа иҭаз апациентцәа руаӡәк дылырҩаауеит. Егьырҭ авирус змоу рҭагылазаашьа шыҟац иҟоуп, рдинамика ҵоурамкәа иҟам. Дара зегьы иахәҭоу атерапиа роуеит", - ҳәа аҳәоит аштаб адырраҭара.

Лаҵарамза алагамҭазы Аҟәатәи асасааирҭаҿы 14 мштәи акарантин ахь инарышьҭит урыстәылантәи иааз раԥхьатәи акурсантцәа.

Лаҵара 8 рзы ԥшьҩык акоронавирус рыдбалан, лаҵара 9 рзы – аҽа ҩыџьа. Дара зегьы  Москвантәи аҩныҟа ихынҳәыз астудентцәа роуп.

Лаҵара 11 рзы аҽаӡәгьы ишимаз шьақәырӷәӷәахеит, лаҵара 12 рзы – хҩык. Лаҵара 13 рзы авирус  змаз рхыԥхьаӡара 12-ҩык ыҟан.

Акоронавирус аҟынтәи ауааԥсыра рыхьчаразы аоперативтә штаб аҵыхәтәантәи адыррақәа рыла, ареспубликаҿы COVID-19 14-ҩык ирымоуп: 13-ҩык астудентцәеи Даӷьсҭанынтәи иааз Урыстәылатәи арратә база аррамаҵзурауаҩи.

Мшаԥымзазы хҩык Гагра ауааԥсыра ачымазараҿк рыхьит. Ҩыџьа ргәабзиара шьақәгылеит, аӡәы, 1925 шықәса рзы ииз, лыԥсҭазаара далҵит.

Иара убас шәаԥхьар ҟалоит:

22

Раионк аԥсҭазаараҟынтә: Гамгьиа авирус змоу Гал рыхәышәтәразы

30
(ирҿыцуп 20:03 28.09.2020)
Гал араион ахәышәтәырҭа хада аҳақьым хада Асҭамыр Гамгьиа арадио Sputnik аефир аҿы еиҭеиҳәеит акоронавирус змоу рзы Галтәи ахәышәтәырҭаҿы хазы аҭыԥқәа раартра аус шцо атәы.
Раионк аԥсҭазаараҟынтә: Гамгиа авирус змоу Гал рыхәшәтәразы

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара мап ацәкра. Иара уи адагьы, агәабзиарахьчара аминистрра жьҭаара 15 рҟынӡа анапы ианҵоуп Аԥсны, Аҟәа ақалақьи араионқәеи иахьрыҵанакуа иҟоу амедицинатә усҳәарҭақәа рҟны авирус змоу ахаҿқәа рнагарҭа ҭыԥқәа разырхиара.

"Амза 15 рҟынӡа еиқәыршәатәуп аҟәша. Иҳаԥшааит аҭыԥ. Усҟан ацхыраара лас астанциа ахьыҟаз аҭыԥ аҿы 10 каруаҭк алаҳхырц азы. Асмета ҟаҳҵеит, иаҭаху азы ашәҟәқәа ҳҩит, иааиуа амшқәа рзы иҳашьҭуеит. Иаарласны ашоура змоу зегьы убри аҟәшахьы инаганы, акоронавирус азы анализқәа ҟарҵаанӡа уа иҟалоит. Аҳақьымцәа уаҟа аус зуло алҳаԥшаахьеит, амедиаҳәшьцәа ракәзар, урҭгьы ҟалоит. Иааиуа амзазы Гәдоуҭатәи ахәышәтәарҭахь иҳашьҭраны иҟоуп бригадак, урҭ еиқәҳаршәахьеит. Сгәы ианаагоит аҳақьымцәа уаарыдтәалан ишрыхәҭоу аинформациа дара рҟынӡа инаугар, аҿкы ахәышәтәра ҳҭахым ҳәа зҳәо даара имаҷхоит. Аибашьраан доусы иара иус идыруан, уажәы аҭынч ԥсҭазаараҿгьы џьара гәаҟрак ҟалар, аҳақьымцәа ирдыруазароуп дара рыда ажәлар ԥсыхәа шрымам", - ҳәа еиҭеиҳәеит Гамгьиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

 

30

Аҭара ақыҭан иаадыртит Аԥсны Аџьынџьтәылатә еибашьраҿы иҭахаз рбаҟа

13
(ирҿыцуп 19:21 28.09.2020)
Цәыббра 30 рзы Аԥсны иазгәарҭоит 1992-1993 шықәсқәа рызтәи Аԥсныжәлар Рџьынџьтәылатә еибашьраҿы Аиааира 27 шықәса ахыҵра.

АҞӘА, цәыббра 28 – Sputnik. Очамчыра араион Аҭара ақыҭан имҩаԥган Аԥсныжәлар Рџьынџьтәылатә еибашьраҿы иҭахаз рбаҟа аартра ацеремониа.

Аԥсны ахада Аслан Бжьаниа ипресс-маҵзура ишаанацҳаз ала, ахада ихатә ԥараны 220 нызқь мааҭ алеигалеит иҭахаз рбаҟа аиҭашьақәыргыларазы.

Аҭара ақыҭан иаадыртит Аџьынџьтәылатә еибашьраҿы иҭахаз рбаҟа

Ацеремониа атәыла ахада идагьы иалахәын ахада Иусбарҭа анапхгаҩы Алхас Кәыҵниа, ихаҭыԥуаҩ Зураб Қаџьаиа, Очамчыра араион ахадара, Атәылахьчара аминистрра ахаҭарнакцәа, Апарламент адепутатцәа, Нхыҵ Кавкази Алада Урыстәылеи рҟынтәи хатәгәаԥхарала еибашьуаз, ауаажәларра рхаҭарнакцәа, ақыҭа ауааԥсыра.

Уаанӡатәи адыррақәа рыла, 1992-1993 шықәсқәа рызтәи Аԥсныжәлар Рџьынџьтәылатә еибашьраҿы аиааира 27 шықәса ахыҵра иазкыз ауснагӡатәқәа рыхәҭак аԥыхуп аепидемиологиатә ҭагылазаашьа иахырҟьаны.

Иара убас шәаԥхьар ҟалоит:

 

13