Гәдоуҭа асанҳақьым: амедицина акгьы алшом, ауаа аҽыԥхьакра арежим иқәымныҟәалар

38
(ирҿыцуп 12:27 17.05.2020)
Аԥсны аепидемиологиатә ҭагылазаашьа ахьеицәахаз инамаданы, аҳақьымцәеи акоронавирус аҿагыларазы аоперативтә штаби ауааԥсыра аҽыԥхьакра арежим иқәныҟәаларц рабжьыргоит.

АҞӘА, лаҵара 17 - Sputnik. Аԥсны амедицина акгьы алшом ауааԥсыра аҽыԥхьакра арежим иқәымныҟәалар, акоронавирус алаҵәоит ҳәа иҟоу ашәарҭара ҭакԥхықәрада, хырҩа аҭаны азныҟәара иаҟәымҵыр лҳәеит Гәдоуҭа араион асанитартә ҳақьым хада Инга Ҷанԥҳа.

"Аҳәара ҟаҳҵоит - ауаа ҩ-метрак адистанциа рыбжьазарц, ауаа рацәа реизара алдмыршарц, асабрадақәа рхарҵаларц. Ус ҟаҳамҵалар, амедицина иалшо ҳәа акгьы ҟалом, ачымазара ҳзаанымкылакәа ҳамҽханакуеит", - лҳәеит Гәдоуҭа араион асанитартә ҳақьым хада.

Убри аан Инга Ҷанԥҳа ауаа ргәы рҽадмыргакәа аҽыԥхьакра арежим иқәныҟәаларц дрыҳәеит, убри алагьы иузмырҽеиуа аҭагылазаашьа аԥырҟәҟәаара шрылшо лҳәеит. 

Лара ауааԥсыра иргәалалыршәеит акоронавирустә инфекциа раԥхьаӡа иргыланы зықәрахь инеихьоу, еиуеиԥшым ачымазарақәа зцәа иалоу ауаа рзы ишшәарҭоу. 

Ҷанԥҳа лажәақәа рыла, Гәдоуҭа араион асанитартә маҵзура аусзуҩцәа агәаҭара-аушьҭратә ҭыԥ "Ԥсоу" аҟынтәи ишроуа аҳәаа иахысуа атәылауаа рзы аинформациа, анаҩс урҭ аҽыԥхьакрахь ицаз ауаа ҭелла рыҽрымаданы ишрацәажәо, аҽыԥхьакраҿы рыҟазаара хымԥада ишаҭаху шреилдыркаауа. 

Иара убасгьы лара инаҵшьны иазгәалҭеит Аԥсныҟа аԥсшьаҩцәа шымаауа, уи азы асоциалтә ҳақәа рҟны аинформациа шьоукы ишаладырҵәогьы. 

Иахьатәи аамҭазы Аԥсны иахьаҵанакуа COVID-19 рыхьны иҟоуп 17-ҩык ачымазцәа. Ауааԥсыра акоронавирустә инфекциа рацәыхьчаразы аоперативтә штаб адыррақәа рыла, ичмазаҩхаз рыхәҭак Урыстәылантәи иааз аԥсуа студентцәа роуп, даҽаӡәы - Даӷьсҭанынтәи иааз Абыжьбатәи аурыс база аррамаҵзурауаҩ иоуп, уи ашьҭахь акоронавирус рыхьит ҳәа ирылаҳәаз ҩыџьа Москвантәи иааз Бамбора инхо атәылауаа роуп, аҵыхәтәаны акоронавирус злаҽыз хҩык Аҟәа иқәынхо ҭаацәарак роуп, урҭ Шәачантәи иааит.

Мшаԥымзазы Аԥсны акоронавирус рыдбалан хҩык Гагра ақалақьуаа. Ҩыџьа ргәы бзиахеит, 1925 шықәсазы ииз ахԥатәи ачымазаҩ лыԥсҭазаара далҵит.

Акоронавирус иадҳәалоу аҵыхәтәантәи ажәабжьқәа шәрыԥхьар ҟалоит абра>>

38
Атемақәа:
Ачымазара ҿкы – акоронавирус Аԥсни адунеи аҿи: иалкаау (470)
Роман Джопуа

Џьапуа арахә рчымазараҟнытә ҿыц ироуз алаҵазы: даара аџьабаа адбаланы иааган

4
Аԥсны аветеринартә маҵзура аиҳабы Роман Џьапуа арадио Sputnik аефир аҿы еиҭеиҳәеит амаҵзура ҿыц иаиуз алаҵа арахә рзы ишхәарҭоу.
Џьопуа арахә рчымазараҟнытә ҿыц ироуз алаҵазы: даара аџьабаа адбалан иааган

"Иҳауз алаҵа Аԥсны арахә ирымоу ҩ-чымазарак иртәуп. Аҳәынҭқарратә программала ари ахәшә ааҳхәаӡом, иааҳхәо иаҳа злеишәа цәгьоу ачымазарақәа рзоуп аҟнытә, иара апрограмма иаҵанакуамызт. Акрааҵуеит аҳәара ҟаҳҵоижьҭеи Аԥсны аус зуа Еиду амилаҭқәа рхаҭарнакра иҟанаҵо ацхыраарала ари авакцина ҳзааргарц. Даара аџьабаа адбаланы иҳарҭеит ахәшә, ақырҭцәа иаармышьҭырц иалагеит. 15 нызқь доза ҳзааргеит, урҭ рахьынтә аа-нызқь инареиҳаны ишаны ираҳҭахьеит ҳара ҳҳақьымцәа. Авакцина иагхан иахьааз аҟнытә усҟак ахархәара аиуӡом, избанзар зырахә ашьхахь иказцахьоу анхацәа ыҟоуп, ашоура ӷәӷәа аан агәыргьы рылауҵар ҟалаӡом", - ҳәа еиҭеиҳәеит Џьапуа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

4

Аҟәа ахәышәтәырҭаҟынтәи ибналаз абаандаҩы амилициа ишьҭоуп

21
(ирҿыцуп 20:46 02.06.2020)
Изакәанымкәа амцабџьари аџьаԥҳани рыҵәахразы зус ҭырҵаауа Иашҭхәа ақыҭан инхо атәылауаҩ Аҟәа Ареспубликатә хәышәтәырҭа хадаҟынтә дыбналеит, иара ахԥатәи аихагылаҟынтәи ацәарҭамаҭәақәа еиқәҳәалан дырхьынҳаланы дылбааит.

АҞӘА, рашәара 2 - Sputnik. Аԥсны Аҩнуҵҟатәи аусқәа рминистрра аусзуҩцәа ишьҭоуп Аҟәа рашәара 1 азы Ареспубликатә хәышәтәырҭаҟынтәи ибналаз Гурген Киракосиан, абри атәы аанацҳауеит аусбарҭа апресс-маҵзура.

Киракосиан иганахьала ашьаусҭҵаара хацыркуп изакәанымкәа амцабџьари аџьаԥҳани рыҵәахразы, иара уаанӡагьы ишьҭан, даанкылан лаҵара 15 рзы.

Убри ашьҭахь иара дырхәышәтәуан Ареспубликатә хәышәтәырҭаҿы аԥҟара аҟәшаҿы, уантәи иара абналара илшеит: инапышьаҳагақәа аартны, ацәарҭамаҭәақәа еиқәҳәалан дырхьынҳаланы ахԥатәи аихагылаҟны дахьышьҭаз апалата аԥенџьыр ала дылбааит.

Киракосиан иганахьала Аҟәа ақалақьтә прокуратура ашьаус хацнаркит дахьҭакыз аҭыԥ аҟынтәи дахьыбналаз афакт ала.

Аҩнуҵҟатәи аусқәа рминистр идҵала, Киракосиан ихьчара знапы ианыз аусзуҩцәа рганахьала амаҵзуратә гәаҭара мҩаԥыргеит. Агәаҭара аматериалқәа Апрокуратура хадахьы инашьҭуп ашьаусԥшааратә ӡбамҭа адкыларазы.

Иара убас шәаԥхьар ҟалоит:

21