Экскурсия в Новом Афоне в рамках тура Золотое кольцо Абхазии

Аԥсны аекскурсиамҩаԥгаҩцәа раттестациаз аршаҳаҭгақәа рыҿҳәара даҽа шықәсык ацҵоуп

23
(ирҿыцуп 12:44 20.05.2020)
Аԥсны ауааԥсыра акоронавирустә инфекциа рацәыхьчаразы аԥкыратә уснагӡатәқәа хацыркын хәажәкыра 28 рзы.

АҞӘА, лаҵара 20 - Sputnik. Аԥсны атуризм азы аминистр Ҭеимураз Хышба Аԥсны аекскурсиамҩаԥгаҩцәа, аекскурсиамҩаԥгаҩцәа-аиҭагаҩцәа, аинструкторцәа уаанӡа изхысхьаз раттестациаз аршаҳаҭгақәа рыҿҳәара даҽа шықәсык ацҵазарц аусԥҟа инапы аҵаиҩит ҳәа аанацҳауеит аусбарҭа апресс-маҵзура.

Адырраҭараҿы иара убасгьы иазгәаҭоуп ари аҩыза аӡбамҭа аминистр идикылеит Аекскурсиамҩаԥгаҩцәа рреспубликатә занааҭеидгыла ахантәаҩы Дмитри Габниеи иареи реилацәажәара ашьҭахь ҳәа. Иара азырхоуп апандемиа аамҭазы иахьынӡалшо иманшәалоу аусутә ҭагылазаашьақәа раԥҵаразы.

Уаанӡа, Аԥсны атуризм азы аҳәынҭқарратә еилакы, 2020 шықәса мшаԥымзазы аминистрра ҳәа еиҭакыз, аекскурсиамҩаԥгаҩцәа раттестациазы адокументқәа рыдкылара аҿҳәара арыцхә мшаԥы 7 ахь инахахьан.

Иара убас шәаԥхьар ҟалоит:

23
Верующие во время празднования дня Крещения Христова у источника Святого Василиска возле села Каман в Республике Абхазия

Аԥсны ауахәамақәа рыҟны Иаса Қьырса Иӡаахра иазку амҵаныҳәара мҩаԥыргоит

7
(ирҿыцуп 10:21 17.01.2021)
Иаса Қьырса Иӡаахра азгәарҭоит ажьырныҳәа 19 рзы. Аныҳәа азкуп Назареҭтәи Иаса Қьырса Иордан аӡы аҟны иӡаахра. Қьырса динаҭит Иоанн Анцәаиажәаҳәаҩ. Арҭ амшқәа рзы ауахәамақәа рҟны имҩаԥысуа аныҳәарақәа Аӡаахра иадҳәалоуп.

АҞӘА, ажьырныҳәа 17-Sputnik. Аиашахаҵаратә қьырсианра иаҵанакуа ауахәамақәа рҟны имҩаԥгахоит Иаса Қьырса Иӡаахра иазку анцәа имҵаныҳәара, абри атәы иҳәеит Аԥсны Аиашахаҵаратә уахәама аиҳабы аб Виссарион (Аԥлиа).

Арҭ амшқәа рзы ауахәамақәа рҟны имҩаԥысуа аныҳәарақәа Аӡаахра иадҳәалоуп. Ажәытәан Иаса Қьырса иирагьы иӡӡаахрагьы мышкы иазгәарҭон. Иара ихазы аҽӡаахра ԥсыхәа амамкәан иҟамызт. Аӡы иҽӡааихит, иҽҭишьит, уи ала адунеи аӡқәа зегьы ррыцқьаразы. Ари аныҳәазы ишыхьҭоугьы, изылшо, згәы иаҭаху аӡы иҭалоит ҩнуҵҟалагьы, цәеижьлагьы аҽрыцқьаразы.

Қьырса ныҳәа инаркны Аӡаахра аҟынӡа (ажьырныҳәа 7 инаркны 19-нӡа) иԥшьоу, ицқьоу амшқәа ҳәа ирышьҭоуп. Аныҳәа мышкы шыбжьоу чгара мшуп.

Аҽӡаахра амшныҳәаз Анцәа дхазҵо иргәаладыршәоит 30 шықәса ирҭагылаз Иаса Қьырса Галилеинтәи аӡиас Иордан ашҟа дышнеиз иҽӡааихырц азы. Иара аӡы данҭыҵуаз адунеи зегьы ирбарҭахеит Анцәа-Аб, Анцәа-Аԥа, аҳәыҳә асахьа зманы Иаса Қьырса ижәҩахыр иқәтәаз Анцәа-Иԥшьоу идоуҳа.

Аӡаахра амшныҳәа ақьырсианцәа иазгәарҭо иалагеит апостолтә аамҭақәа рзы. Ажәытәан Қьырсеи Анцәаибареи мышкны иҟан, аха аамҭақәак рыла ауахәама урҭ аныҳәақәа еиднагеит. Есышықәса Аӡаахра амш аҽни аухеи аиашахаҵаратә уахәамақәа рҟны аҵак дуӡӡа змоу аӡыԥшьара мҩаԥыргоит.

7
Линии электропередач

Аҟәа ахәҭак лашарада иаанхеит аҵла афымцацәаҳәақәа иахьрықәҳаз иахҟьаны

4
Аҭыԥ ахь инеит амашәыр ахҟьаԥҟьақәа аԥызхуа абригадақәа, афымцалашара амҽыша асааҭ 15:00 рҟынӡа инеиҭашьақәдыргыло рҳәеит.

АҞӘА, ажьырныҳәа 17 - Sputnik. Аҟәа адендропарк аҿы икаҳаз аҵла афымцацәаҳәақәа хәба аԥхасҭа рынаҭеит, уи иахҟьаны Синопи Турбазеи рыбжьара иҟоу араион фымцалашарада иаанхеит ҳәа аанацҳауеит АУН "Амшынеиқәафымцамч".

Иазгәаҭоуп аԥхасҭа шроуз 10-тәи, 11-тәи афидерқәа (аихшарҭатә цәаҳәақәа - азгә.).

Аҭыԥ ахь инеит амашәыр ахҟьаԥҟьақәа аԥызхуа абригадақәа, афымцалашара амҽыша асааҭ 15:00 рҟынӡа еиҭашьақәдыргылоит рҳәеит.

4