Акарантин иахҟьеит: аҟәатәи аҿкчымазаратә хәышәтәырҭа амедусзуҩцәа агхеит

22
(ирҿыцуп 13:07 21.05.2020)
Лаҵара 15 рзы Аҟәатәи аҿкчымазаратә хәышәтәырҭахь инеиит акоронавирус здырбалаз хҩык апациентцәа. Урҭ ирныруаз амедусзуҩцәа акарантин ахь инашьҭуп.

COVID-19 змаз арахь ирааишьахаз, урҭ уа изныруаз, аҟәатәи аҿкчымазаратә хәышәтәырҭа амедусзуҩцәа рыбжаҩык загхаз уҳәа арадио Sputnik аҿы далацәажәеит ахәышәтәырҭа аҳақьым хада Мадина Быҭәԥҳа.

Sputnik

Аҟәатәи аҿкчымазаратә хәышәтәырҭа персоналда инхеит ҳәа уҳәар ауеит. Лаҵара 15 рзы арахь дааит ашоура ҳарак змаз, уаанӡа ақалақьтә хәышәтәырҭаҿ иҟаз апациент.

"Иара уаанӡа ақалақьтә хәышәтәырҭахь днеиит ашоура иманы. Уаҟа аҿкчымазаартә ҳақьым иабжьгара аҭахуп ҳәа иарҳәеит, COVID-19 азы атест ҟаҵатәуп ҳәагьы нацҵаны. Ашоура змоу зегьы COVID-19 азгьы анализқәа ҟарҵароуп. Ачымазаҩ алабораториахь днеины анализқәа риҭеит. Абри ашьҭахь ауп ҳара ҳахь данааи", - ҳәа еиҭалҳәоит аҳақьым.

Хара имгакәа еилкаахеит ахаҵа иԥҳәыси иԥҳаи ааигәа Шәачантәи ишыхынҳәыз.

Ани аԥҳаи акгьы ианхьаауамызт, ахаҵа иоуп мышқәак зшоура халаз. Аҳақьым хада ишылҳәо ала, иара акомпиутертә томографиа ҟаиҵар иҭаххеит.

"Уи иашоуп. Ауаҩы ишоура анымтәо КТ ҟаҵатәуп. Аха ахаҵа икапан 100 кьылак иеиҳан. Ус анакәха КТ узыҟаҵом. КТ ацынхәрас арентген ҟаҳҵеит. Иԥҳәыси иԥҳаи КТ ҟарҵеит", – лҳәоит Быҭәԥҳа.

Адырҩаҽны аҭаацәа ҳазнеиит. Арентгени КТи рҭыхымҭақәа ирыхәаԥшыз аҳақьым агәызҩара иоуит ани аԥҳаи COVID-19 рымоуп ҳәа.

"COVID-19 чымазцәа гәазҭо абригада ҷыда аҳақьым иԥхьан. Аҭаацәара апалата ҷыдаҿ ишьҭаҵан анализқәа рҭак ҟалаанӡа", - лҳәоит аҳақьым.

Акоронавирус рыхҩык ишрымаз шьақәырӷәӷәахеит. Аҳақьымцәа COVID чымазцәа гәазҭо абригада ҷыда иаԥхьеит, апациентцәа Гәдоуҭатәи ахәышәәтырҭахь иргеит. Абри ашьҭахь дара ирнырыз амедицинатә усзуҩцәа зегьы "Аиҭар" ахь инашьҭуп.

Мадина Быҭәԥҳа лажәақәа рыла, ахәышәтәырҭаҿ уаанӡагьы аҳақьымцәа разымхара ыҟан, уажәы хәҩык аҳақьымцәа акарантин ахь ианынашьҭу - уи акыр иуныруеит.

"Ахәышәтәырҭа аус ауеит. Аха ауадаҩрақәа ыҟоуп. Иахьазы ахәышәтәырҭаҿы аӡәгьы дышьҭам. Ҳара зегь ҳадаҳкылоит. Игәаҳҭоит. Ачымазцәа ахьырацәам азы ҳаиааип ҳәа сыҟоуп аҭагылазаашьа. Ауаа рацәахаргьы аҳақьымцәа адгылара ҳарҭашт", - лҳәоит лара.

"Аиҭар" иҟоу аҳақьымцәа ргәабзиаратә ҭагылазаашьа маншәалоуп, аӡәгьы ашоура имам.

Иара убас шәаԥхьар ҟалоит:

22
Атемақәа:
Ачымазара ҿкы – акоронавирус Аԥсни адунеи аҿи: иалкаау (477)

Анқәаб ареспублика ауааԥсыра хәшәыла реиқәыршәара азҵаара далацәажәеит

2
(ирҿыцуп 10:03 05.06.2020)
Александр Анқәаб иазгәеиҭеит льготала ахәшәқәа ззеихыршо ауаа иаку аҳәынҭқарратә база рҭагалара хымԥада ишаҭаху.

АҞӘА, лаҵара 5 - Sputnik. Аԥыза-министр Александр Анқәаб аилацәажәара мҩаԥигеит Агәабзиарахьчара аминистр Ҭамаз Ҵахнакьиеи "Аԥсныфармациа" адиректор Рустам Адлеибеи алархәны. Аилацәажәараан изҵаара хаданы иқәгылан ареспублика ауааԥсыра хәшәыла реиқәыршәара. Абри атәы аанацҳауеит Аминистрцәа реилазаара асаит.

Аилацәажәараан Агәабзиарахьчара аминистр Ҭамаз Ҵахнакьиа иҳәеит аусбарҭа курсла аҽыхәышәтәра ада ԥсыхәа змам атәылауаа хәшәыла реиқәыршәаразы хықәкылатәи апрограммақәа жәпакы шынанагӡо, аха иахьатәи аамҭазы урҭ рынагӡара 30% еиҳам ҳәа.

Арахь иаҵанакуеит абарҭ рҩызцәа апрограммақәа: "Агәыҵәкра иаҿагыланы ауааԥсыра рыцхраара", "Ахәышәтәырҭатә усҳәарҭақәа рзы џьарак ахәшәқәа раахәара", "Атерминалтә ҷаҷа зымхара змоу ачымазаҩцәа рзы аԥсахратә терапиа аҿиареи аиӷьтәреи реиқәыршәара " уҳәа егьырҭгьы.

Ҵахнакьиа иазгәеиҭеит апрограмма "Аԥсны Аҳәынҭқарра атәылауаа льгота ҳасабла хәшәыла реиқәыршәара" ес-ԥшьбарак 12 миллиони 500 нызқь мааҭ аҭахуп, иааидкыланы есышықәса – 50 миллион мааҭ. Апрограмма иалахәуп 8 500-ҩык Аԥсны атәылауаа. Иахьазы ари апрограмма аус ауам.

"Иарбоу апрограммақәа аԥара рзоужьразы Афинансқәа рминистррахь ахәаԥшразы ашәҟәы нашьҭуп", - ҳәа аҳәоит Аԥсны Аминистрцәа реилазаара асаит.

"Аԥсныфармациа" анапхгаҩы Рустам Адлеиба еиҭеиҳәеит анаплакы зымаҵ ауа Агәабзиарахьчара аминистрра, Аԥсны Аџьынџьтәылатә еибашьра аинвалидцәа рфонд, Хымԥадатәи амедицинатә ԥгаԥса афонд дара рҿаԥхьа 30 миллион мааҭ ауал шрықәу.

Агәабзиарахьчара аминистрра ауал – 18 миллион мааҭ; Хымԥадатәи амедицинатә ԥгаԥса афонд ауал –7 миллион мааҭ; Аԥсны Аџьынџьтәылатә еибашьра аинвалидцәа рфонд ауал – 9 миллион мааҭ.

Анқәаб Агәабзиарахьчара аминистрреи Афинансқәа рминистрреи ирыдиҵеит ауалшәара аграфик шьақәдыргыларц.

Аиԥылараҿы иара убасгьы иалацәажәан анырра ӷәӷәаны иҟазҵо ахәшәқәеи ахәшәлыхқәеи рыла ауаа реиқәыршәара апроцесс еиҳа еиӷьны ишеиҿкаатәу. Александр Анқәаб иазгәеиҭеит льготала ахәшәқәа ззеихыршо ауаа иаку аҳәынҭқарратә база рҭагалара хымԥада ишаҭаху.

Иара убас шәаԥхьар ҟалоит:

2
Здание администрации президента.

Бжьаниа Аԥсны аҳәынҭусбарҭақәа хԥеи маҵзурақәаки рхадацәа аиҭеит

10
(ирҿыцуп 09:41 05.06.2020)
Аԥсны ахада Аслан Бжьаниа рашәара 4 рзы ҳәынҭусбарҭақәак рхадацәа раҭаразы аусԥҟақәа инапы рыҵаиҩит.

АҞӘА, рашәара 5 - Sputnik. Аслан Бжьаниа Аԥсны аҳәынҭусбарҭақәаки, иара убас аветеринартә маҵзуреи аҵиаақәа ркарантин азы амаҵзуреи рхадацәа аиҭеит. Абри азы иахәҭоу ашәҟәқәа ахада исаит аҿы иӡыргоуп.

Ахада иусдҵақәа инарықәыршәаны:

  • Аҳәынҭқарратә ветеринартә маҵзура аиҳабы – Роман Џьопуа;
  • Адгьылхархәареи акадастри рзы аҳәынҭқарратә усбарҭа аиҳабы – Адамыр Аҳәба;
  • Аҵиаақәа ркарантин азы Аҳәынҭинспекциа аиҳабы – Аркади Џьинџьиа;
  • Абнанхамҩазы Аҳәынҭқарратә усбарҭа аиҳабыс - Анзор Ашәхәаҵаа;
  • Аҳәынҭқарратә архивтә усбарҭа аиҳабыс – Роман Ӷәынџьиа.

Иара убас шәаԥхьар ҟалоит:

10