Кавказтәи аибашьреи мчылатәи ахҵәареи иалаӡыз ргәаладыршәеит Аԥсны

81
(ирҿыцуп 12:55 21.05.2020)
Лаҵара 21 рзы Аԥсны иазгәарҭоит Кавказтәи аибашьраан иҭахази ашьхарыуа жәларқәа мчылатәи рхырҵәара иалаӡызи ргәалашәара амш.

АҞӘА, лаҵара 21 - Sputnik, Асмаҭ Ҵәыџьԥҳа. Амҳаџьырцәа рбаҟа амҵан ашәҭшьыҵәрақәа рышьҭаҵара ацеремониа мҩаԥган Аҟәа лаҵара 21 рзы.

  • Аԥсны Кавказтәи аибашьра иалаӡыз ргәаладыршәеит
    © Sputnik / Томас Тхайцук
  • Аԥсны Кавказтәи аибашьра иалаӡыз ргәаладыршәеит
    © Sputnik / Томас Тхайцук
1 / 2
© Sputnik / Томас Тхайцук
Аԥсны Кавказтәи аибашьра иалаӡыз ргәаладыршәеит

Мчыла зыԥсадгьыл иахцаз ргәаладыршәарц арахь иааиит Аԥсны ахада Аслан Бжьаниа, Апарламент аиҳабы Валери Кәарҷиа, аԥыза-министр Александр Анқәаб, аекономика аминистр Кристина Озган, ахада ихаҭыԥуаҩ Бадра Гәынба, аусбарҭақәеи аминистррақәеи рхадацәа.

Асааҭ 20:30 рзы Амҳаџьыраа рбаҟа аҿаԥхьа Адунеизегьтәи аԥсуа-абаза конгресс имҩаԥнагоит Кавказтәи аибашьра иалаӡыз ргәалашәара ахьӡала ашьамаҟа абылра.

1864 шықәса, лаҵара 21 – Кавказтәи аибашьра аҵыхәтәантәи амш ҳәа иԥхьаӡоуп.

Ари аибашьра иахҟьаны зықьҩыла аԥсуаа рҭоурыхтә ԥсадгьыл ааныжьны атәым жәҩан аҵаҟахь рхы дырхеит. Иахьа адунеи атәылақәа 50 рҟны инхоит урҭ рхылҵшьҭрақәа. Реиҳа ижәпаҩны инхоит Ҭырқәтәыла, Шьамтәыла, Иорданиа уҳәа Мрагылара ааигәа егьырҭ атәылақәа рыҟны.

Иара убас шәаԥхьар ҟалоит:

81

Шларба Сергеи Багаԥшь изы: ҳиқәгәыӷуан, иаҭаххаргьы, абџьар кны дышҳавагылоз ҳдыруан

3
Жәшықәса раԥхьа идунеи иԥсахит Аԥсны аҩбатәи ахада Сергеи Багаԥшь. Иара ихатәы хьчаҩы Рустам Шларба арадио Sputnik аефир аҿы Сергеи Багаԥшь идҳәалоу игәалашәарақәа ртәы еиҭеиҳәеит.
Шларба Сергеи Багаԥшь изы: ҳиқәгәыӷуан, иаҭаххаргьы, абџьар кны дышҳавагылоз ҳдыруан

"Асҟак аамҭа ҵит ҳәа сызҳәом, ҳала дыхгылоуп иахьеи-уахеи. Иҭеиҭыԥш шыҟаз акәын игәаҭагьы шыҟаз, уи Аԥсны анҭыҵгьы деицгәарҭахьан. Иара иҷкәынцәа реиԥш, иашьцәа аиҵбацәа реиԥш пату ҳаиқәиҵон. Аашықәса инеиԥынкыланы есыҽны иара ҳицын. Ари аамҭа иалагӡаны иҟан ацәгьагьы, абзиагьы, алаф зцыз ахҭысқәагьы. Убри аҟынӡа ҳаишьцылахьан, ауаҩы илакҭа ҳхыԥшылан ииҭаху ҳдыруа аҟынӡа ҳаилаҵәахьан. Ҳала дынхыԥшылалак, иаразнак иаҳдыруан ииҭахыз", - ҳәа азгәеиҭеит Шларба.

Рустам Шларба иҳәеит џьара цәгьарак ҟаларгьы, Сергеи Багаԥшь ишиқәгәыӷуаз, иаҭаххаргьы, абџьар кны дышрывагылозгьы.

"Ахьыԥшымра ҳауаанӡа лымҳаҭасла иҳаҳаит Аԥсны гәыԥк алалеит, ҭаацәаныла атәыла ахада дықәызхыр зҭаху ҳәа. Џьгьарда ҳаҟан уи аамҭазы. Иара даасыԥхьеит аҩны аҩнуҵҟа. Ауаџьаҟ аԥхьа дтәаны атапанча арыцқьара даҿын. "Шәгәышәҽаныз, ҳаит рҳәар, ахәыҷқәеи аҳәсеи лбаажәг, ҳара ара ҳаивагылоит. Шәара ахы шәаҿаргылан, шәкажьны џьаргьы сцаӡом", - ҳәа ҿааиҭит. Ҳара даара ҳиқәгәыӷуан иара, аха уи ажәала иансаҳа, убасҟак сгәырӷьеит, иара аҷкәынцәагьы ианраҳа, ргәы ааҭгәырӷьааит. Зыӡбахә ыҟаз аҭагылазаашьа ҟалазҭгьы, дҳавагылан, иирыцқьоз абџьар ахы шыҭирҟьоз ҳдыруан", - ҳәа игәалаиршәеит Шларба.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

3

Саида Быҭәԥҳа ахада Иусбарҭа анапхгаҩы ихаҭыԥуаҩыс дҟаҵоуп

10
Уаанӡа, лаҵара 12 рзы ахада Иусбарҭа анапхгаҩы ихаҭыԥуаҩыс дҟаҵан афинансқәа рминистр Џьансыхә Нанба.

АҞӘА, лаҵара 29 - Sputnik. Саида Быҭәԥҳа ахада Иусбарҭа анапхгаҩы ихаҭыԥуаҩыс дҟаҵоуп ҳәа аанацҳауеит ахада иофициалтә саит.

Абри азы аусԥҟа инапы аҵаиҩит Аслан Бжьаниа лаҵара 28 рзы.

Аԥсны ахада Иусбарҭа анапхгаҩыс дыҟоуп Алхас Кәыҵниа.

Саида Быҭәԥҳа 2009 шықәса раахыс Аԥснытәи аҳәынҭқарратә университет азиндырратә факультет аҟны административтә зин рылҭоит. Иара убасгьы Аҟәатәи иаарту аинститут аҿы аус луеит.

Аус луан Адыга Хасэ аҳәынҭеилакы аппарат аҿы, Ареспублика Адыгеиа иҟаз Аԥсны Аҳәынҭқарра Ахаҭарнакраҿы, Аԥсны Ашәарҭадаратә маҵзураҿы.

Аԥсны ахада иеиҭалхрақәа мҩаԥган хәажәкыра 22 рзы. Ахадарахьы иқәгылан хҩык акандидатцәа - аоппозициатә блок аиҳабы Аслан Бжьаниа, апартиа "Акзаара" ахантәаҩы Леонид Ӡаԥшьба, Аԥсны аекономика аминистр Адгәыр Арӡынба.

Аслан Бжьаниа аиааира игеит, уи изы рыбжьы арҭеит 56,5% алхыҩцәа. Ахада ҿыц иҭоубашьҭаҵара ацеремониа мҩаԥысит мшаԥы 23 рзы.

Иара убас шәаԥхьар ҟалоит:

10