Аҟәатәи амашьынарныҟәцаҩцәа русура хацыркуп

22
(ирҿыцуп 16:02 21.05.2020)
Лаҵара 20 рзы амилициа аусзуҩцәа амаршруттә таксиқәеи ауаажәларратә транспорти рныҟәцаҩцәеи иара убасгьы апассаџьырцәеи ирыҿцәажәеит. Ихадароу дҵаны иҟоу асанитартә нормақәа рықәныҟәароуп.

Амашьынарныҟәцаҩцәа арҭ абжьгарақәа шрыдыркылази ишынарыгӡои Sputnik Аԥсны аматериал аҿы.

Sputnik

Амаршруттә таксиқәеи ауаажәларратә транспорти рныҟәцаҩцәа рацәажәара мҩаԥган Аҩныҵҟатәи аусқәа рминистр Дмитри Дбар инапынҵала. Арҭ ауснагӡатәқәа ирхықәку апассаџьырцәа рныҟәгараан асанитар-епидемиологиатә нормақәа рықәныҟәароуп.

Аԥсны ААР иаанацҳауеит асеиԥштәи ауснагӡатәқәа ареспублика иахьаҵанакуа ишымҩаԥгахало. Апассаџьырцәа ракәзар метраки бжаки рыбжьаны итәазароуп. Уи адагьы атранспорт амҩа иқәлароуп имырҭәыкәа, 50% апассаџьырцәа анеизалак. Арныҟәцаҩцәа зегьы арзҩыдаратә маҭәахәқәа рымазароуп, асабардақәа ныҟәыргалароуп.

Арҭ арккаратә усдҵақәа атранспорт арныҟәцаҩцәа ишрыдыркылаз аилкааразы Sputnik агәыԥ Аҟәатәи аџьармыкьахь инеиит. Ароуп иахьаангыло атаксиқәа, автобусқәа, атроллеибусқәа.

Ишаабаз ала. ирыдҵаз зегьы назмыгӡо ыҟоуп. Азна ауаа рыла арҭәра азин шыҟамгьы ҳшыԥшуаз атроллеибус азна ауаа еизганы амҩа ианылеит. Абри аан, ҳәарада, асоциалтә дистанциа аӡбахә аҳәара алшом.

Автобусқәа рҟынгьы апассаџьырцәа рыбжьара метраки бжаки абжьаҵара аӡәгьы дазхьаԥшуамызт. Иара арныҟәцаҩцәақәакгьы асабардақәа рныҟәгара аҭахны ирбомызт. Урҭ дреиуоуп атроллеибус арныҟәцаҩ Пантик Гонџьуа.

"Атроллеибус арныҟәцаҩ изы асабарда аҭахны измом. Сара иара усгьы акабинаҿ стәоуп. Апассаџьырцәеи сареи саркьала ҳаиҟәшоуп. Асабардақәа аҭахуп, аха аиҳа изықәнаго апассаџьырцәа роуп", - иҳәеит иара.

Апассаџьырцәа асоциалтә дистанциа ишықәныҟәо агәаҭарагьы уадаҩуп иҳәоит иара.

Ҷанба Мераб ддиспетчеруп. Амаршруттә таксиқәа рҟны апассаџьырцәа рныҟәгара дахылаԥшуеит. Иара иажәақәа рыла, ашәарҭадаратә уснагӡатәқәа зегьы ирықәныҟәоит.

"Амаршрутка 20 ҭыԥ амазар абжара ҳарҭәуеит. Арныҟәцаҩцәа асабардақәа ныҟәыргоит", - иҳәоит иара.

Ииашаҵәҟьаны, амҩа иқәлоз амашьынаҿ ауаа ишахәҭаз итәан.

Гәырам Џьапуа акырҵуеит амаршруттә такси арныҟәцаҩыс дыҟоуижьҭеи. Иара иҳәоит атранспорт аусура ишалагаз акраамҭатәи агылара ашьҭахь, зегьы азыхиоуп аԥҟаррақәа рықәныҟәара ҳәа.

"Ишырҳәаз ҳныҟәоит. Ҳәарада, уи иҳауа аԥара ианыԥшуеит, аха апассаџьырцәа ршәарҭадаразы ҳақәшаҳаҭуп", - ҳәа иҳәоит иара.

Аԥсны ААР иаанацҳауеит асеиԥштәи ауснагӡатәқәа ареспублика иахьаҵанакуа ишымҩаԥгахало.

Аԥсны апандемиа ааҟалазар 25-ҩык чмазцәахахьеит, аӡәы лыԥсҭазаара далҵит. Иахьазы Гәдоуҭатәи ахәышәтәырҭа иҭоуп 20-ҩык апациентцәа.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

22

Анқәаб ареспублика ауааԥсыра хәшәыла реиқәыршәара азҵаара далацәажәеит

4
(ирҿыцуп 10:03 05.06.2020)
Александр Анқәаб иазгәеиҭеит льготала ахәшәқәа ззеихыршо ауаа иаку аҳәынҭқарратә база рҭагалара хымԥада ишаҭаху.

АҞӘА, лаҵара 5 - Sputnik. Аԥыза-министр Александр Анқәаб аилацәажәара мҩаԥигеит Агәабзиарахьчара аминистр Ҭамаз Ҵахнакьиеи "Аԥсныфармациа" адиректор Рустам Адлеибеи алархәны. Аилацәажәараан изҵаара хаданы иқәгылан ареспублика ауааԥсыра хәшәыла реиқәыршәара. Абри атәы аанацҳауеит Аминистрцәа реилазаара асаит.

Аилацәажәараан Агәабзиарахьчара аминистр Ҭамаз Ҵахнакьиа иҳәеит аусбарҭа курсла аҽыхәышәтәра ада ԥсыхәа змам атәылауаа хәшәыла реиқәыршәаразы хықәкылатәи апрограммақәа жәпакы шынанагӡо, аха иахьатәи аамҭазы урҭ рынагӡара 30% еиҳам ҳәа.

Арахь иаҵанакуеит абарҭ рҩызцәа апрограммақәа: "Агәыҵәкра иаҿагыланы ауааԥсыра рыцхраара", "Ахәышәтәырҭатә усҳәарҭақәа рзы џьарак ахәшәқәа раахәара", "Атерминалтә ҷаҷа зымхара змоу ачымазаҩцәа рзы аԥсахратә терапиа аҿиареи аиӷьтәреи реиқәыршәара " уҳәа егьырҭгьы.

Ҵахнакьиа иазгәеиҭеит апрограмма "Аԥсны Аҳәынҭқарра атәылауаа льгота ҳасабла хәшәыла реиқәыршәара" ес-ԥшьбарак 12 миллиони 500 нызқь мааҭ аҭахуп, иааидкыланы есышықәса – 50 миллион мааҭ. Апрограмма иалахәуп 8 500-ҩык Аԥсны атәылауаа. Иахьазы ари апрограмма аус ауам.

"Иарбоу апрограммақәа аԥара рзоужьразы Афинансқәа рминистррахь ахәаԥшразы ашәҟәы нашьҭуп", - ҳәа аҳәоит Аԥсны Аминистрцәа реилазаара асаит.

"Аԥсныфармациа" анапхгаҩы Рустам Адлеиба еиҭеиҳәеит анаплакы зымаҵ ауа Агәабзиарахьчара аминистрра, Аԥсны Аџьынџьтәылатә еибашьра аинвалидцәа рфонд, Хымԥадатәи амедицинатә ԥгаԥса афонд дара рҿаԥхьа 30 миллион мааҭ ауал шрықәу.

Агәабзиарахьчара аминистрра ауал – 18 миллион мааҭ; Хымԥадатәи амедицинатә ԥгаԥса афонд ауал –7 миллион мааҭ; Аԥсны Аџьынџьтәылатә еибашьра аинвалидцәа рфонд ауал – 9 миллион мааҭ.

Анқәаб Агәабзиарахьчара аминистрреи Афинансқәа рминистрреи ирыдиҵеит ауалшәара аграфик шьақәдыргыларц.

Аиԥылараҿы иара убасгьы иалацәажәан анырра ӷәӷәаны иҟазҵо ахәшәқәеи ахәшәлыхқәеи рыла ауаа реиқәыршәара апроцесс еиҳа еиӷьны ишеиҿкаатәу. Александр Анқәаб иазгәеиҭеит льготала ахәшәқәа ззеихыршо ауаа иаку аҳәынҭқарратә база рҭагалара хымԥада ишаҭаху.

Иара убас шәаԥхьар ҟалоит:

4
Здание администрации президента.

Бжьаниа Аԥсны аҳәынҭусбарҭақәа хԥеи маҵзурақәаки рхадацәа аиҭеит

12
(ирҿыцуп 09:41 05.06.2020)
Аԥсны ахада Аслан Бжьаниа рашәара 4 рзы ҳәынҭусбарҭақәак рхадацәа раҭаразы аусԥҟақәа инапы рыҵаиҩит.

АҞӘА, рашәара 5 - Sputnik. Аслан Бжьаниа Аԥсны аҳәынҭусбарҭақәаки, иара убас аветеринартә маҵзуреи аҵиаақәа ркарантин азы амаҵзуреи рхадацәа аиҭеит. Абри азы иахәҭоу ашәҟәқәа ахада исаит аҿы иӡыргоуп.

Ахада иусдҵақәа инарықәыршәаны:

  • Аҳәынҭқарратә ветеринартә маҵзура аиҳабы – Роман Џьопуа;
  • Адгьылхархәареи акадастри рзы аҳәынҭқарратә усбарҭа аиҳабы – Адамыр Аҳәба;
  • Аҵиаақәа ркарантин азы Аҳәынҭинспекциа аиҳабы – Аркади Џьинџьиа;
  • Абнанхамҩазы Аҳәынҭқарратә усбарҭа аиҳабыс - Анзор Ашәхәаҵаа;
  • Аҳәынҭқарратә архивтә усбарҭа аиҳабыс – Роман Ӷәынџьиа.

Иара убас шәаԥхьар ҟалоит:

12