Администрация президента.

Арепатриациазы аҳәынҭеилаки аҿари аспорти рзы аилаки рхантәаҩцәа аҭоуп

24
(ирҿыцуп 21:25 21.05.2020)
Ахашаҽны, лаҵара 20 рзы иаҭан Астатистикеи, Аекологиеи, Аимадареи амассатә коммуникациақәеи рзи аҳәынҭқарратә еилакқәа рхантәаҩцәа.

АҞӘА, лаҵара 21 - Sputnik. Аԥсны ахада иусԥҟала Аԥсадгьыл ахь архынҳәразы аҳәынҭқарратә еилакы ахантәаҩыс дҟаҵоуп Ҳаразиа Вадим, Аҿар русқәеи аспорти рзы аҳәынҭқарратә еилакы ахантәаҩыс дҟаҵоуп Гәбаз Џьамал. Абри атәы аанацҳауеит ахада ипресс-маҵзура.

Аԥсадгьыл ахь архынҳәразы аҳәынҭқарратә еилакы мшаԥы 28 рзы еиҿкаан Адемографиеи арепатриациеи рминистрра аиҭакрала. Ари аусбарҭа иадыз афункциақәа рыхәҭак адҵан ҿыц иаԥҵаз Асоциалтә еиқәыршәареи адемографиатә политикеи рминистрра. 2017 шықәса раахыс арепатриациа аус дахагылан Беслан Дбар. 

Аҿари аспорти рзы аҳәынҭқарратә еилакы аԥҵан 2019 шықәса жьҭаарамзазы, Абаҩрҵәыреи аспорти рзы аҳәынҭқарратә еилаки Аҿартә политиказы аҳәынҭқарратә еилаки реилаҵарала. Ҳазҭоу ашықәс ажьырныҳәамза инаркны аилак ахантәаҩы инапынҵақәа наигӡон Михаил Пиканин.

Иара убас шәаԥхьар ҟалоит:

 

24
Савелий Читанава

Ҷыҭанаа аԥсқьарцәа рзы: знык лахь рыуҭар, ус еиԥш уаҳа иргәамԥхо иҟалароуп

2
(ирҿыцуп 22:04 04.06.2020)
Аекологиазы Аҳәынҭқарратә еилакы аиҳабы Савели Ҷыҭанаа арадио Sputnik аефир аҟны еиҭеиҳәеит аԥыза-министр актәи ихаҭыԥуаҩ Беслан Џьапуа аекологиа азҵаарақәа рзы имҩаԥигаз аилацәажәараҟны ишьҭыхыз азҵаарақәа ртәы.
Ҷыҭанаа аԥсқьарцәа рзы: знык лахь рыуҭар, ус еиԥш уаҳа иргәамԥхо иҟалароуп

Рашәара 4 рзы Аԥсны аԥыза-министр актәи ихаҭыԥуаҩ Беслан Џьапуа имҩаԥигаз аилацәажәара иалахәын Аҵиаақәа рзы аҳәынҭқарратә карантинтә хылаԥшра амаҵзура аиҳабы Аркади Џьынџьиа, Аҳәынҭқарратә ветеринартә маҵзура аиҳабы Роман Џьапуа, Ақыҭанхамҩа аминистрра аҵиақәа рыхьчаразы амаҵзура аиҳабы Владимир Гьериа.

"Аиԥылараҟны ҳрылацәажәеит аԥсыӡкра аамҭа аекологиазы ԥырхагас иаму, азауадқәа русушьа, Аԥсны аӡиасқәа ирҭоу аԥсыӡ шыркуа атәы. Ааигәа иҟан ахҭыс аекологиа аԥхасҭа азҭо акаҭала аԥсыӡкра иадҳәалаз. Азакәан аилагара заҭәазшьаз иахьырхәразы иҟаҵоу, аԥхьаҟа иҟаҳҵ, лшарас иҳамоу ҳрылацәажәеит. Аилагарақәа ҟаӡҵо ирыду ахараԥса маҷуп, уи аизырҳра, хымԥада, иаҭахуп. Знык лахь зуҭаз, даҽазны ус еиԥша игәамԥхо дҟалароуп. Ус акәымкәа, уажәы иҟоу ахараԥса шәаны, даахьаҳәны даҽаџьара дцоит, даҽазны сааныркылар акгьы амам, исшәоит ҳәа. Ҳалацәажәеит агәамсам азҵаарагьы, аекологиа апроблемақәа актуалра зҵоу шьҭыхын",- иҳәеит Ҷыҭанаа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

2

Ажьиԥҳа еиҭалҳәеит Гагра араион азы аҵарашықәс зеиԥшраз, уи ахарҭәаашьа шылбо

15
(ирҿыцуп 22:42 04.06.2020)
Гагра араион аҵара аҟәша аиҳабы Мадина Ажьиԥҳа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны еиҭалҳәеит сынтәа шаҟаҩы аушьҭымҭацәа рымоу, онлаин аҵара дшазыҟоу, актәи акласс аҵаҩцәа зхысуаз апрограмма инагӡаны рызнагаразы мҩас илбо атәы.
Раионк аԥсҭазаараҟынтә: Ажьиԥҳа апандемиа аан аҵаратә процесс иазкны

Гагра араион аҟны сынтәа ашколқәа роушьҭымҭацәа 256-ҩык ыҟоуп, урҭ рахьынтә ҩыџьа хьтәы медалла рҵара хдыркәшоит ҳәа изықәгәыӷуа роуп.

Шәазыӡырҩы аудио.

Иара убас шәаԥхьар ҟалоит:

 

15