Ичмазаҩхаз ирныруаз акурсантцәа ркарантин иацҵахоит

16
(ирҿыцуп 12:58 22.05.2020)
Згәы бзиоу ауаҩы COVID-19 змоу диныруазар, дара реинырра аҽны инаркны 14 мшы акарантин аҿы дыҟазароуп.

АҞӘА, лаҵара 22 – Sputnik. Ичмазаҩхаз ирныруаз акурсантцәа ркарантин иацҵахоит даҽа ҩымчыбжь еиҵамкәа ҳәа лҳәеит ареспублика асанитартә ҳақьым хада Лиудмила Скорик.

Скорик иазгәалҭеит агәаҭарацҵа ашьҭахь аепидемиологцәа ишазырыӡбо COVID-19 змаз ирныруаз еиҭахгьы ркарантин аамҭа апансионат "Аиҭар" аҿы ирхырго ирхырымго.

"Ичмазцәахаз ирныруаз, даҽа ҩымчыбжь акарантин иаҵанакуеит. Аинырра ыҟамызҭгьы, асанитартә бжьагарақәа ирықәныҟәозҭгьы, иахьазы атест цқьазаарын", - лҳәоит лара.

Скорик илҳәеит аҽыԥхьакратә режим иаҵанакуаз акурсантцәа рҩызцәа рҟынтәи ачымазара шьҭыркаар шауаз, акарантин аԥҟарақәа еиларгазар.

"Акурсантцәа аԥҟарақәа анеиларго ыҟоуп. Аихагылақәа рҟны рҩызцәа, ачымазара ахьыҟаз аҵараиурҭақәа ирҭазгьы, ирныруан, ирацәажәон, ирҭаауан", - лҳәоит аҳақьым.

Убри аан лара лажәақәа рыла ареспубликаҿы аепидемиологиатә ҭагылазаашьа ҭышәынтәалоуп.

"Акоронавирус чымазара асанитартә маҵзурақәа рганахьала ахылаԥшра амоуп", - лҳәоит Скорик.

Лиудмила Скорик Аԥсны ауааԥсыра рахь ааԥхьара ҟалҵеит ауаа рацәа хьеизо аҭыԥқәа рыҽрыцәхьаркларц, асабрадақәа ныҟәыргаларц, арзҩыдаратә маҭәашьарқәа рхы иадырхәаларц.

Зынӡа ареспубликаҿ 25-ҩык авирус рыхьхьеит. Фҩык ргәабзиара шьақәгылеит, аӡәы лыԥсҭазаара далҵит.

Иара убас шәаԥхьар ҟалоит:

16
Атемақәа:
Ачымазара ҿкы – акоронавирус Аԥсни адунеи аҿи: иалкаау (700)

Аҳәааҿы анаркотикқәеи ААИ апост аҿы аҵарҭышеи: Аԥсны акриминалтә мчыбжьы

4
(ирҿыцуп 11:58 21.09.2020)
Аԥсны амилициа аусзуҩцәа анаркотикқәа ирыдҳәалоу ацәгьоурақәа аадырԥшит, иӷьычыз амаҭәарқәа рыԥшааит амчыбжь ахи-аҵыхәеи рыла.

Азинхьчаратә усбарҭақәа русзуҩцәа иааныркылеит ахаҵеи аԥҳәыси – Аԥсны аҵакырашҟа анаркотикатә маҭәашьара ииазгарц зҭахыз. Абри атәы аанацҳауеит Аԥсны ААР апресс-маҵзура. Уи адагьы ари амчыбжь азы иаанкылан ААИ аусзуҩцәа аҵарҭышагаразы.

Sputnik

Амазара аӷьычра

Амилициа аусзуҩцәа иааныркылеит ҩыџьа ҳтәылауаа: 1995 шықәса рзы ииз – Ерик Беиеи Мураҭ Жьибеи. Дара ирымхын аԥара, ахьымаҭәа, аҭелқәа, ахатә цәамаҭәа уҳәа 670 нызқь мааҭ рыхә.

Дара ахара рыдҵоуп Алаҳаӡы асасааирҭаҟны иӷьычит ҳәа. Ацәгьоура оперативла иаарԥшын. Ашьаус хацыркны ашьаусҭҵаара мҩаԥысуеит.

Закәандарыла абџьар аҵәахра

Гәдоуҭа араион аҿы инхо ауаҩԥсы закәаншьаҭада абџьармаҭәа аахәара, иҵәахны амазаара, амҩангара, аныҟәгара ихараҵоуп.

Абџьари аџьаԥҳани Аԥсны ААР анаркотикқәа закәаншьаҭада реикәыршара анапхгара аусзуҩцәеи Гәдоуҭа араион ашьаусԥшаара аусзуҩцәеи имырхит Гәдоуҭа араион Лыхны инхо, 1980 шықәса рзы ииз Амиран Ӡкәиа. Иара уажәы анапынҵамҭа имхуп дахьынхо аҭыԥ ныжьны џьаргьы дшымцо азы. Аусҭҵаара мҩаԥнагоит Гәдоуҭа араион ашьаусԥшаара аҟәша.

Аҳәаа анаркотикқәа рахыгара

Аԥсны ААР анаркотикқәа реикәыршара ахылаԥшразы аусбарҭа аусзуҩцәа иааныркылеит абри амчыбжь азы атәылахь анаркотикқәа ралагалара зҽазызшәоз ҩыџьа атәылауаа.

Оган Оганиани Римма Павловеи аанкылан аҳазалхратә ҭыԥ "Ԥсоу" рахысраан.

Аусҭҵаара адыррақәа рыла Оганиан закәандарыла анаркотикатә маҭәашьар метадон аахәаны Аԥсныҟа иааигон.

Цандрыԥшь инхо Римма Павлова илыдбалан Аԥсны ззин ыҟам апсихотроптә маҭәашьар "Лирика" 28 капсула.

Амашьынаҿ амарихуана

Ареспублика ауаҩԥсы Саадыҭын Кәаӡба имашьынаҿы амарихуана рбеит апост "Маҷара" аҿы данааныркыла.

Анаркотикатә маҭәашьар закәаншьаҭада иахьныҟәигоз азы Кәаӡба иганахьала ашьаус хацыркуп. Аусҭҵаара мҩаԥысуеит.

Аоперативтә експеримент

Гәдоуҭатәи ААР ҟәша аусзуҩцәа аанкылан аҵарҭыша ргоит ҳәа азыԥхьаӡаны Аԥсны АШәМ аусзуҩцәа имҩаԥыргоз аоперативтә експеримент аан ҳәа аанацҳауеит Апрокуратура хада.

Апрокуратура адыррақәа рыла амилициа алеитенант Саид Гарцкиеи амилициа алеитенант аиҳабы Сасрыҟәа Чедиеи ААИ апост "Бамбора" аҿы рмаҵзуратә напынҵақәа рынагӡараан быжьнызқь мааҭ аҵарҭыша ргеит.

Аԥсны Апрокуратура хада ашьаус хацнаркит Аԥсны Азакәан ахәҭаҷ 285 актәи ахәҭа (амаҵзуратә напынҵақәа ахрархәара); ахәҭаҷ 292 аԥшьбатәи ахәҭа апункт "а" (амаҵзурауаҩ аҵарҭыша аниго).

4
Заур Шалашаа

Шьалашьаа: афинанстә шәарҭадаратә хчы ҟалом ахаан ашәахтәқәа ахьырымшәо аҳәынҭқарраҟны

3
Афинанстә ҭагылазаашьа уадаҩ аан аҳәынҭқарра ашәарҭадара алзыршо, уи азҵаара аӡбара иаԥырхагоу атәы арадио Sputnik аефир аҟны дазааҭгылеит Аекономикеи азини ринститут аиҳабы, аекономикатә ҭҵааарадыррақәа рдоктор Заур Шьалашьаа.
Шьалашьаа: афинанстә шәарҭадаратә хчы ахаан иҟалом ашәахтәқәа ахьырымшәо аҳәынҭқарраҟны

Аҳәынҭқарраҿы аԥара ҭаҵәахны иҟазароуп афинанстә уадаҩра дуқәа раан ашәарҭадаратә хчы аҳасабала ахархәара ззууша. Ус еиԥш алшара ареспубликаҟны иҟам ҳәа азгәеиҭеит Аԥсны ахада ааигәа Гагра араион ахадараҟны имҩаԥгаз аилатәараҟны.

"Ашәарҭадаратә хчы ҟалашьа амаӡам ахаан изыхәҭоу ирықәу ашәахтәқәа рымшәар. Авирус иҟалаз вбас, ҿыҵгас ҟаҵашьа ҳамаӡам, избанзар ари есышықәса иаауа усуп. Аибашьра ашьҭахь Аԥсны аҳәынҭқарра раԥхьатәи ахада иазгәеиҭон ажәлар ирымоу ахәыҷы ала рхы акала иахәарц азин раҳҭап ҳәа. Аибашьра раԥхьатәи ашықәс азы акгьы ахьырамшәоз иахьанӡагьы ус иааугар ҟалоит ҳәа ргәы иаанагоит. Аҳәынҭқарра ахадацәа рҽырԥсахуеит, аха аҭагылазаашьа шыҟац инхоит. Ашәахтәқәа шәалатәуп ҳәа ирҳәоит, аха уи назыгӡода? Ажәлар ишаҳбо ала рхала ирҭахым уи анагӡара, убри аҟынтәи амчрақәа ишахәҭоу аус адмырукәа ӡбашьа амаӡам", - иҳәеит Шьалашьаа.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

3