Аҟәа ақалақь ахадараҿ ԥхьаҟатәи апланқәа ртәы еиҭарҳәеит

19
Мшаԥы 30 рзы Аҟәа ақалақь ахада инапынҵақәа рынагӡара далагеит Беслан Ешба. Абри аҭыԥ аҿы иара диԥсахит Кан Кәарҷиа.

АҞӘА, лаҵара 22 - Sputnik. Аӡыршәқәа рремонт, аплитка ҿыц ашьҭаҵара, адәахьтәи ахәаахәҭра аиҿкаара, аԥшаҳәа лашарала аиқәыршәара уҳәа аусқәа азԥхьагәаҭоуп аҳҭнықалақь ахадараҿы. Абри атәы арадио Sputnik иазеиҭеиҳәеит ахада ихаҭыԥуаҩ Асҭамыр Ашәба.

"Иахьазы иаҳзыҟаҵахьоу – Амҳаџьыраа рбаҟа аҿаԥхьа аусурақәа мҩаԥаагеит, уи Кавказ аибашьра иалаӡыз ргәалашәара Амш аплан иаҵанакуеит. "Брехаловка" ҳәа изышьҭоу аҭыԥ аҿы аӡыршә аремонт ҟаҵоуп (Ҭаҷкәым искульптура - аред.). Амшын аԥшаҳәа иахьаҵанакуа ачықьқәа хырффоуп. Иазԥхьагәаҭоуп атротуартә плитка ԥхасҭаханы иахьыҟоу аремонт азура, иара убасгьы Сергеи Багаԥшь ихьӡ зху ашҭаҿы ашәҭқәа еиҭаҳҳауеит", - иҳәеит Ашәба.

Иара иҳәеит Сергеи Багаԥшь ихьӡ зху ашҭаҿы аусурақәа амҭалатәиуп, ԥхьаҟазы акомиссиа ҷыда уи аиҿкаашьа иахәаԥшраны иҟоуп ҳәа.

Аҳҭнықалақь анапхгара ирыгәҭакуп амшын аԥшаҳәаҿы ахаҳәтә шьаҟақәа реиҭашьақәыргылара, алашара ахьыҟам анагара, автотранспорт аԥшаҳәа аҵакырахь рнеира алымшартә аиҿкаара.

Арҭ аусурақәа лаҵарамза иалагӡаны иахьымӡар ҟалоит, рашәарамзахь ииагахоит ҳәа иҳәоит иара.

Адәахьтәи ахәаахәҭра азҵаара акурорттә сезон аламҭалаз ауаажәларра рҿаԥхьа акыр иҵарны иқәгылоит. Ашәба иажәақәа рыла, уажәазы уи аӡбаразы авариантқәа ирыхәаԥшуеит.

"Амшын аԥшаҳәахьы уназго амҩақәа рахь ахәаахәҭра аиҿкаара ҳадгылоит. Уаанӡатәи ахадарагьы уи аҩыза ажәалагала ҟарҵахьан. Уа аҭыԥқәа рхианы анаплакыҩцәа ииасырц раҳҳәар ауеит", - иҳәоит иара.

Аԥшаҳәаҿы зыргылара иаҿу аобиектқәа рызҵаара макьаназы иҭырҵаауеит. Абри ашьҭахь аӡбамҭагьы рыдкылахоит.

Иара убас шәаԥхьар ҟалоит:

19
Судебный молоток и весы правосудия

"Аԥсныбылтәы" уаанӡатәи аиҳабы аҩнтәи абаандаҩраҿы дшыҟац дааннажьит

4
(ирҿыцуп 12:23 06.06.2020)
"Аԥсныбылтәы" уаанӡатәи аиҳабы иганахьала ашьаус хацыркуп ацәгьоурақәа ԥшьба рыла Аԥсны Ашьаустә закәанеидкыла ахәҭаҷ "Инапы ианҵаз аҳәынҭқарратә мазара мҽахы ҭбаала ахатәтәреи аныхреи" ахәҭаҷ инақәыршәаны.

АҞӘА, рашәара 6 - Sputnik. Аҟәатәи ақалақьтә ӡбарҭа "Аԥсныбылтәы" уаанӡатәи адиректор хада Беслан Аҩӡба иганахьала аҩнтәи абаандаҩраҟантәи аанкыларҭахь нанҳәа 3 рҟынӡа днагазарц азы Аԥсны Апрокуратура хада иҟанаҵаз азашшра мап ацәнакит. Абри атәы аанацҳауеит Апрокуратура хада асаит.

Аӡбарҭа аӡбарала Беслан Аҩӡба аҩнтәи абаандаҩраҿы дыҟазаауеит ԥхынгәы 20 рҟынӡа.

"Аԥсныбылтәы" уаанӡатәи адиректор хада хәажәкыра 20 инаркны Аҟәатәи ақалақьтә ӡбарҭа аӡбарала аҩнтәи абаандаҩраҿы дыҟан, уи иаанаго ашьаусҭҵааҩ ҩыралатәи иақәшаҳаҭра имамкәа иҩны ддәылҵыр (сааҭки бжаки иҩны азааигәара анеиааира аламҵакәа), инхарҭа ҭыԥ иԥсахыр, аимадара ихы иаирхәар, асаламшәҟәқәа, анашьҭымҭақәа, абандерольқәа иоулар ма ишьҭлар ҟалом ҳәа ауп.

Аха рашәара 3 рзы Апрокуратура хадахьы инеит аинформациа Аҩӡба аҩнтәи абаандаҩра аԥҟарақәа еилеигеит ҳәа, убри азоуп аӡбарҭахьгьы изашшыз.

"Аԥсныбылтәы" уаанӡатәи аиҳабы иганахьала ашьаус хацыркуп ацәгьоурақәа ԥшьба рыла Аԥсны Ашьаустә закәанеидкыла ахәҭаҷ "Инапы ианҵаз аҳәынҭқарратә мазара мҽахы ҭбаала ахатәтәреи аныхреи" ахәҭаҷ инақәыршәаны. Ашьаусҭҵаара излаԥхьаӡаз ала, Аҩӡба ицәгьоура иалҵшәаны аҳәынҭқарра иаиуз аԥхасҭа иааизакны иартәоит 31 миллион 438 нызқь мааҭ, аха ари аԥхасҭа аԥхьаӡара макьана ихыркәшаӡам. Ашьаусҭҵаара аҳәаақәа ирҭагӡаны Аҩӡба Аҳәынҭнаплакы анапхгаҩыс иусура аамҭа зегьы ҭырҵаауеит аԥхасҭа зегьы амҽхак аилкааразы.

Иара убас шәаԥхьар ҟалоит:

4

Озган анардадаҩцәа рус ҟарымҵар Апрокуратура хадахь дшырзашшуа лҳәеит

9
(ирҿыцуп 11:40 06.06.2020)
Аԥыза-министр ихаҭыԥуаҩ, аекономика аминистр Кристина Озган Гәдоуҭа араион ахадара злахәыз аилатәара мҩаԥылгеит, дареи Гагра араион ахадареи лыманы Аҟәа ацрыҵқәа ррыцқьарҭа ахьыҟоу Алада Ешыра ақыҭа даҭааит.

АҞӘА, рашәара 6 - Sputnik. Аԥыза-министр ихаҭыԥуаҩ, аекономика аминистр Кристина Озган Гәдоуҭа араион ахь аусуратә гәаҭара анымҩаԥылгоз Аинвестпрограмма аобиектқәа рҵыхәала зус ишақәнагоу иназмыгӡо анардадаҩцәа рзы Апрокуратура хадахь дшашшуа атәы лҳәеит, абри атәы аанацҳауеит Аекономика аминистрра апресс-маҵзура.

Аусбарҭа пресс-маҵзура ишаҳәо ала, ари аҩыза аҳәамҭа Озган иҟалҵеит Аԥсны Аҳәынҭқарра асоциал-економикатә ҿиара ацхрааразы 2017-2019 шықәсазтәи Аинвестициатә программа иаҵанакуа ҳаԥхьаҟа ииасуа аобиектқәа ирызкыз Гәдоуҭа араион ахадареи лареи реилацәажәараан.

"Кристина Озган Гәдоуҭа араион ахада инапынҵақәа назыгӡо Баграт Боџьгәуа инарҵауланы изеиҭалҳәеит арҭ аобиектқәа рҟны аҭагылазаашьа зеиԥшроу, урҭ рзы иҷыдоу агәцаракра ааирԥшырц иалҳәеит. Лара инаҵшьны иазгәалҭеит анардадаҩцәа рхыдҵақәа нармыгӡо иалагар, урҭ рзы адыррақәа Апрокуратура хадахь инашьҭны дшырзашшуа", - ҳәа аанацҳауеит Аекономика аминистрра апресс-маҵзура.

Аԥсны ахада Аслан Бжьаниа аԥыза-министр ихаҭыԥуаҩс, аекономика аминистрс Кристина Озган дҟаиҵеит лаҵара 4, 2020 шықәсазы.

Иара убас шәаԥхьар ҟалоит:

9