Беслан Эшба

Аҟәа ақалақьтә еизара Беслан Ешба аҳҭнықалақь ахадас дшьақәнарӷәӷәеит

12
(ирҿыцуп 16:14 22.05.2020)
Аԥсны ахада Аслан Бжьаниа Беслан Ешба Аҟәа ақалақь ахада инапынҵақәа рынагӡаҩыс даиҭеит мшаԥы 30 рзы.

АҞӘА, лаҵара 22 - Sputnik, Асмаҭ Ҵәыџьԥҳа. Аҟәа ақалақьтә еизара адепутатцәа Беслан Ешба аҳҭнықалақь ахадас икандидатура шьақәдырӷәӷәеит лаҵара 22 рзы ҳәа Sputnik адырра аиҭеит аизара ахантәаҩы Константин Ԥлиа.

"26 депутат рҟынтәи иҟан 25-ҩык. Маӡалатәи абжьыҭирала 24-ҩык рыбжьы изырҭиит, аӡәы иҽникылеит", - иҳәеит иара.

Беслан Ешба Аҟәа ақалақь ахада инапынҵақәа назыгӡо ҳәа иҟаҵаразы аусԥҟа инапы аҵаиҩит мшаԥы 30 рзы. Абри аҭыԥ аҿы иара диԥсахит Кан Кәарҷиа, 2019 шықәса раахыс ақалақь ахадас иҟаз. Иара ари аҭыԥ даиҭеит усҟантәи ахада Рауль Ҳаџьымба.

Лаҵара 19 рзы Аслан Бжьаниа Ешба икандидатура Аҟәатәи ақалақьтә еизара ирыдигалеит ахадас иҟаҵаразы.

Азакәан инақәыршәаны ахада ирыдигало акандидатура 30 мшы рыҩнуҵҟа Аҟәатәи ақалақьтә еизара маӡалатәи абжьыҭирала дшьақәнарӷәӷәароуп. Убри аан акандидатура ашьақәырӷәӷәаразы 26 депутат рҟынтәи 14-ҩык иреиҵамкәа акандидатура иақәшаҳаҭхароуп.

Ахада ирыдигалаз акандидатура аизара ишьақәнарӷәӷәар, аусԥҟа ҭыҵуеит Аҟәа ақалақь ахада дшаҭоу азы. Акандидатура рыдрымкылар, ахада азин имоуп уи даҽазныкгьы ирыдигаларц.

Ақалақьтә еизара уи акандидатура аҩбатәи аангьы мап ацәыркыр, ахада 30 мшы рыҩнуҵҟа даҽа кандидатк ихьӡ иҳәароуп. Абри аан апроцедура уаанӡеиԥш имҩаԥыргоит.

Ақалақь ахадас далххар ҟалоит Аԥсны атәылауаҩ, 30 шықәса ирҭысыз, азеиԥш џьатә стаж 5 шықәса иреиҵамкәаны измоу. Ақалақь ахада дамазаауеит Аизара азинмч аманаҵы. Убри аан иара заанаҵы дамххар ҟалоит агәрагара ицәыӡзар ма Аизара игәра шамго азы аҳәамҭа ҟанаҵазар.

Иара убас шәаԥхьар ҟалоит:

12

Аҳәынҭқарратә харадҵара Артур Анқәаб жәашықәса аҭакра иқәҵатәуп аҳәеит

2
(ирҿыцуп 14:47 06.06.2020)
2019 шықәсазтәи Аԥсны ахада иалхрақәа раан кандидатс иқәгылаз Артур Анқәаб ауаҩы имҵарсреи уи иоушьҭразы аԥара рацәа риҭарц мчыла идцалареи харас идырҵоит.

АҞӘА, рашәара 6 - Sputnik. Аӡбарҭатә напхгара апрокурор Асида Қәачахьиаԥҳа зхаҿала даарԥшу аҳәынҭқарратә харадҵара Артур Анқәаб хьырхәрас иқәнаҵоит иҟаиҵаз ацәгьоурақәа ааизакны рзы 10 шықәса иџьбароу ҭакрала ихигаразы. Абри атәы аанацҳауеит Аҟәа ақалақьтә ӡбарҭа асаит.

Артур Анқәаб харас идырҵоит Армен Григориан имҵарсра. Ашьаусҭҵаара ишаҳәо ала, уи дырӷьычит абҵара 24, 2019 шықәсазы Аҟәа ақалақь аҿы, шасыс дызгаз иара иоушьҭразы "аԥара рацәаны ириҭарц мчыла дадырцалон". Ирӷьычыз ауаҩы дыԥшаан ԥхынҷкәын 1 азы Гәдоуҭа араион ақыҭақәа руак аҟны.

Аӡбарҭа ыиасит аганқәа реимак-еиҿак ахь, рашәара 5 рзы аилатәаратә уадахь аилацәажәаразы иҩналеит. Зус рыӡбо ихьчаҩцәа уи ихара шьақәзырӷәӷәо зыршаҳаҭуа ыҟам, Анқәаб ихы дақәиҭтәтәуп рҳәоит.

Ари ашьаус ала аӡбара ҟарҵоит рашәара 23 асааҭ 12:00 рзы Аҟәатәи ақалақьтә ӡбарҭа аӡбаратә еилатәарақәа руадаҿы.

Артур Анқәаб 2019 шықәсазтәи Аԥсны ахада иалхрақәа раан кандидатс дықәгылан. Абжьыҭара актәи атур алҵшәақәа рыла, Анқәаб иоуит 1,6% алхыҩцәа рбыжьқәа рахьтә, убри ала аҩбатәи атур ахь дзымнеит.

2017 шықәсазы Анқәаб азинхьчаратә усбарҭақәа ишьҭан ауаҩы игәабзиара ааха ӷәӷәа аҭареи абџьар изакәанымкәа аҵәахреи рзы. Уи ахҭыс ҟалеит нанҳәа 9, 2016 шықәсазы Гагра ақалақь аҟны, усҟан Аԥсны атәылауаа Анри Аргәыни Артур Анқәаби, амцабџьар ала ахаҵа ишьапы иеихсны дырхәит, аҭыԥ аҟынтәи ибналеит.

2018 шықәсазы Анқәаб аӡбарҭа ахара иднаҵеит ахәҭаҷ 107 "деицрашәаны ихы инапаҿы изаамгакәа ауаҩы игәабзиара ааха ӷәӷәеи абжьаратә аахеи рыҭара" инақәыршәаны, убри азы иара иқәҵан ҩышықәса анхара аколониаҿы ихигарц. Убри ашықәсазы амнистиа даҵанакын, доурышьҭит.

Иазгәаҭоуп Артур Анқәаб акгьы ихарам ҳәа ишыԥхьаӡоу уи ихара аӡбарҭа ишьақәырӷәӷәаны азакәантә мчра аиуаанӡа.

Иара убас шәаԥхьар ҟалоит:

2
Мушни Ласурия

Лашәриа Анатоли Аџьынџьал изы: зхатә ҩышьа, зхатә сахьа башьа змаз иакәын

8
Иахьа 90 шықәса ҵит диижьҭеи апоет-алирик, апрозаик, аиҭагаҩ, Аԥсны Ашәҟәыҩҩцәа реидгыла алахәыла Анатоли Ҭархәына–иԥа Аџьынџьал. Уи арадио Sputnik аефир аҟны дигәалаиршәеит Аԥсны Жәлар рпоет Мушьни Лашәриа.

Иара дравторуп жәаба инацны апоезиатә шәҟәқәеи апрозатә шәҟәқәа ҩбеи. Иажәеинраалақәа анылеит "Аԥсуа поезиа антологиа". Анатоли Аџьынџьал аԥсшәахь еиҭеигахьан аурыс, аукраин, абаза, ачеркес, ауаԥс шәҟәыҩҩцәа ражәеинраалақәеи ражәабжьқәеи. Иара иажәеинраалақәа реизгакәа  ҩба аурысшәахь еиҭагоуп: "Улья" (Аҟәа, 1967 ш.), "Белая земля" (Москва, 1975 ш.). Анатоли Аџьынџьал иԥсҭазаара далҵит 1977 шықәсазы.

 

 

Лашәриа Анатоли Аџьынџьал изы: аԥсуа поезиаҿы раԥхьаӡа аметафоратә дунеибашьа иазҟазаз рҿиаҩын

 

"Анатоли Ҭархәына-иԥа Кәтол ақыҭан диит. Иара ҳпоезиа аҭоурых аҟны даанхеит зхатә ҩышьа, зхатә сахьа башьа змаз иакәны, амилаҭтә поезиаҟны раԥхьаӡа акәны аметафоратә дунеи адкылашьа, адунеибашьа ирызҟазаз рҿиаҩны. Уи зегьы ираҭәам, ирынасыԥым. Убас иҟан иара илаԥшбашьа. Изааигәаз ауаа саргьы среиуан. Ицәажәара ҳшымгәыӷӡоз ашьха џьара ахы ирхон, лаԥшҵашәарақәак иоуан, апоетцәа адуқәа шыҟаз дыҟан уи аганахьала. Иара зышьҭабжь ахара игоз аестрадатә поетцәа дреиуамызт, ихаан ҳара ҳҟынгьы ус еиԥш иҟан. Иҵегьы ахӡыргара имандаз, иҵегьы активра иландаз уҳәартә еиԥш дыҟан иара, аха урҭқәа гәхьаас имамызт, иҩышьа иҿыцыз цахак еснагь иадиҵон, акы алеигалон, ирҵаулон, убри ԥсҭазаарас иман. Иара заа иԥсҭазаара ҿахҵәеит, ҩынҩажәи быжьба шықәса дшырҭагылаз, гәыблыла ҳауаажәлар днаскьаргеит. Ԥшрала–сахьала анцәахша иакәын, убас деибыҭан, днаӡаааӡан, иалкааз уаҩын", - иҳәеит Лашәриа.

 

Са исҭахуп адгьыл еиԥш ачҳара сымазарц,
Амаҷ азыҳәа сыҵҟьо сҟамларц.
Са исҭахуп адгьыл еиԥш аразра сылазарц,
Сгәы ҟьаҟьаӡа еиҵыхны ауаа рзы инхарц.
Анатоли Аџьынџьал

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

8