Пограничный пункт Ингур в Гальском районе Абхазии

50-ҩык Аԥсны атәылауаа Қырҭтәылантә ихынҳәит

12
(ирҿыцуп 16:14 27.05.2020)
Аԥсныҟа ихынҳәуа аҳәааҿы ирԥылоит аҳазалхратәи аҳәаахьчаратәи маҵзурақәа, Аҩныҵҟатәи аусқәа рминистрра, Аҭагылазаашьа ҷыдақәа рминистрра, Аԥсны АЕС русзуҩцәа, Галтәи ахәышәтәырҭа аҳақьымцәа.

АҞӘА, лаҵара 27 – Sputnik, Бадри Есиава. Лаҵара 26 рзы Қырҭтәылантәи Аԥсныҟа ихынҳәит 51-ҩык ҳтәылауаа ҳәа лҳәоит ареспублика асанитартә ҳақьым хада Лиудмила Скорик.

"Ауаа ареспубликахь рҭалара ҭышәынтәаланы имҩаԥысуеит. Аԥхьа дара ирԥылоит Галтәи ахәышәтәырҭа аҳақьымцәа. Урҭ игәарҭоит иаауа ауаа авирусчымазара аҟазшьақәа рымоу ирымаму. Абри ашьҭахь ауп аҳәаа ахысразы ихымԥадатәиу апроцедурақәа ианрыхрыжьуа", - ҳәа лҳәоит Скорик.

Лара илҳәеит иахысуа реиҳараҩык асабардақәа рҿоуп, анапҭарԥақәа рымӷоуп ҳәа. Урҭқәа змам амедицинатә усзуҩцәа ирырҭоит. Аҟазауаа абиоматериал ргоит аҟәатәи алабораториаҿы анализ азуразы.

Аҩныҵҟатәи аусқәа рминистрра аусзуҩцәа Қырҭтәылантәи иаауа зегьы ашәҟәы иҭаргалоит. Дара рхыԥхьаӡараҿы иҟоуп Гал араион аиԥш Очамчыра, Тҟәарчал руааԥсыра. Амилициауаа дара ахьҭаҩуи иахьынхаҵәҟьо рҭыӡҭыԥқәеи шьақәдыргылоит.

Зегьы рнапаҿы идрдыркуеит ахымҩаԥгашьазы аԥҟаррақәа рышәҟәы. Атәылауаа рхымҩаԥгашьа иашьклаԥшлоит аинспекторцәа.

Скорик лажәақәа рыла, Аԥсны атәылауаа Қырҭтәылантәи рырхынҳәра азҵаара иалацәажәан атәыла анапхгара рҿы. Арҭ ауаа ҩымз рыҩныҵҟа агәыларатә ҳәынҭқарра аҵакыраҿы иаанханы иҟан, рфинанстә ҭагылазаашьа уадаҩын.

Скорик иара убасгьы илҳәеит дара зегьы амедицинатә цхыраара аиуразы шакәмыз уа ишыҟаз. Иҟан зыуа-зҭахы дыԥсны ицаз, мамзаргьы хатә усқәак рзы иҟаз. Аҳәаа анадыркы ашьҭахь урҭ уа иаанхеит.

"Ииашаҵәҟьаны ауаа рматериалтә ҭагылазаашьа акыр иуадаҩын. Аԥхьа иҳәан ҽыхәышәтәра иҟаз мацара аашьҭтәуп ҳәа, аха нас асеиԥштәи аӡбра ҳадаҳкылеит", - ҳәа лҳәеит асанитартә ҳақьым.

Апандемиа аамҭала Аԥсны акоронавирус рыман 28-ҩык. Урҭ рҟынтәи жәохәҩык ргәабзиара ҭышәынтәалеит, аӡәы дыԥсит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

12
Атемақәа:
Ачымазара ҿкы – акоронавирус Аԥсни адунеи аҿи: иалкаау (532)

Аԥснытәи аушьҭымҭацәа ахьтәи араӡни медалқәа ранашьан

30
(ирҿыцуп 20:28 03.07.2020)
2020 шықәса рзы Аԥснытәи ашколқәа ирылгеит 1791-ҩык аҵаҩцәа. Урҭ рҟынтәи 11-ҩык амедалқәа рыманы иалгеит, 64-ҩык "ибзиаӡоуп" ҳәа иалгеит.

АҞӘА, ԥхынгәы 3 – Sputnik, Ренат Ԥачлиа. Абжьаратә школқәа роушьҭымҭацәа амедалқәа ранашьара мҩаԥысит Аԥсны Акультура аминистрраҿы ахәаша, ԥхынгәы 3 рзы.

Аԥсны аҵареи абызшәатә политикеи рзы аминистр ихаҭыԥуаҩ Медеиа Ченгьелиаԥҳа илҳәеит сынтәатәи ашықәс уаанӡатәиқәа ишреиԥшым, аепидемиологиатә ҭагылазаашьа иахырҟьаны аҵаратә процесс шыԥсаххаз. Ус шакәугьы, аминистрра официалла аҵарашықәс хнаркәшеит.

"2020 шықәса рзы Аԥснытәи ашколқәа ирылгеит 1791-ҩык аҵаҩцәа. Урҭ рҟынтәи 11-ҩык амедалқәа рыманы иалгеит, 64-ҩык "ибзиаӡоуп" ҳәа иалгеит. Иаҳҳәар ҳалшоит, медалла ашкол иалгаз аҵаҩцәа ԥхьаҟазы ҳҿар рыхьтәы фонд иалахәхо роуп ҳәа. Абас иҟоу аҿар роуп уаҵәтәи ҳԥеиԥшгьы знапаҿы иҟало", - ҳәа лҳәеит  Ченгьелиаԥҳа.

Аԥсны арккареи абызшәатә политикеи рзы аминистр Инал Габлиа аушьҭымҭацәа ирыдиныҳәалеит, иазгәеиҭеит раԥхьаҟа имариам амҩа шышьҭоу аха аҿар ирус хаданы иҟоу аҳәынҭқарра аҿиара рлагала алаҵара шакәу.

"Шәаԥхьаҟатәи шәыԥсҭазаараҿ зегь раԥхьа иргыланы ишәхашәмыршҭыроуп иреиҳаӡоу аҟазшьақәа: ауаҩреи аламыси» ҳәа иҳәеит Габлиа. 
Ахада ихаҭыԥуаҩ Бадра Гәынба Аԥснытәи арҵаҩцәа ҭабуп ҳәа реиҳәеит 11 шықәса дуӡӡа аҵаҩцәа  аԥсҭазаара ду амҩахь  иахьнаргоз азы, иуадаҩыз рџьазы. Иара агәрагара ааирԥшуеит рџьабаа баша ишмыӡуазы.

Аҳәынҭқарра ахада Аслан Бжьаниа ихьӡала ихаҭыԥуаҩ аҵаҩцәа рыхьӡала иааишьҭыз адныҳәаларатә шәҟәы даԥхьеит.

Араӡны медал занашьоу Данил Кәыҵниа Sputnik акорреспондент даниҿцәажәоз иҳәеит  Москватәи аҵараиурҭақәа руак аҭалара игәы ишҭоу. Амедицина азанааҭ шалихуа. Аҵара ашьҭахь иара Урыстәыла аԥышәа иманы Аԥсныҟа ахынҳәра игәы иҭоуп.

Нестор Лакоба ихьӡ зху Пицундатәи абжьаратә школ №1 хьтәы медалла иалгаз аҵаҩы Дамеи Ҳагба иазгәеиҭеит Урыстәылатәи аҵараиурҭа дҭаларц дшыҟоу, Аԥсны анџьныр-аргылаҩ ҳәа афакультет ахьыҟам азы. Иара иҳәеит иаԥхьаҟазы иԥсҭазаара Аԥсны мацара ишадиҳәало.

Аԥсны арккареи абызшәатә политикеи рзы аминистр ихаҭыԥуаҩ Медеиа Ченгьелиаԥҳа далацәажәеит ахьтәы ма араӡны медал аиушьа атәы.
Лара лажәақәа рыла, "Ахьтәи араӡни медалқәа рзы" аԥҟара инақәыршәаны ахьтәы медал аиуразы 10-11 аклассқәа рҿы "хәба" ҳәа аҵара ҵатәуп, араӡны медал аиуразы  ҩ-ԥшьбак умазар ҟалоит.

© Sputnik / Марианна Кубрава
Аушьҭымҭацәа амедалқәа ранашьара ацеремониа

"Аҵаҩцәа агәаҭара цҵатә усурақәа мҩаԥыргоит.  Актәи аетап азеиԥшҵаратә школқәа рҟны имҩасуеит. Убри аан аԥышәарақәа хԥа – ахатәы бызшәа, алгебра, нас ашкол иалнахуа рҭиироуп "хәба" ҳәа. Аҩбатәи аетап Аԥсны араионқәеи ақалақьқәеи рҿы имҩаԥысуеит", – ҳәа лҳәеит Ченгьелиаԥҳа.

Ахыркәшаратә етап мҩаԥыргоит Аҵара аминистрраҿы. Арҭ ах-етапк ирхысыз амедалқәа ранашьаразы иқәдыргылоит.

Иара убас шәаԥхьар ҟалоит:

 

30

Габниа еиҭеиҳәеит Гәдоуҭа аҽыкәабарҭатә ҭыԥқәа аԥҟарақәа иахьынӡарықәшәо атәы

182
(ирҿыцуп 19:48 03.07.2020)
Гәдоуҭа апарк-плиажтә нхамҩа аиҳабы Даниил Габниа арадио Sputnik Аԥсны аефир аҿы еиҭеиҳәеит араионтә плиажқәа аӡҭаларазы ашәарҭадара аԥҟарақәа иахьынӡарықәшәо атәы.
Раионк аԥсҭазаараҟынтә: Габниа Гәдоуҭа аҽыкәабарҭатә ҭыԥқәа аԥҟарақәа иахьынӡарықәшәо атәы

"Ацентралтә амшын цәаҳәа атәы ҳҳәозар, уажә ааигәа еилҳаргеит. Ҩ-машьынак рызна агәам-сам ықәаҳгеит, амшын ацәаҳәа излаҳалшоз ала иҳариашеит. Иргылан атәарҭақәеи агәам-сам ҭаԥсарҭақәеи. Излаҳалшо ала арыцқьара ҳаҿуп, араион ауааԥсыреи асасцәеи рзы. Аӡиасқәа амшын иахьалало аҭыԥқәа рҿы адыргақәа ҳәа акгьы ыҟам, убас аӡҳәаа арбагақәагьы. Аха аԥҟарақәа зегьы ахьарбоу ақьаад уажә ааигәа ҳнапы иаркын, аҽазыҟаҵарақәа цоит. Аплиажқәа рҿы аиқәырхаҩцәа ҳамам, иара уи адагьы аиқәырхаратә нышьқәагьы, арҭ азҵаарақәа зегьы араион ахадараҿы ирылацәажәан, аҭагылазаашьа ариашаразы аусурақәа цоит", - ҳәа еиҭеиҳәеит Габниа.

Иаҳа инеицыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

182