Акоронавирус уаҩы идбалам: даҽа 26-ҩык агәаҭара иахысит

© Sputnik / Григорий Сысоев / Амедиаҵәахырҭахь аиасраТестирование россиян на наличие антител к COVID-19 в Москве
Тестирование россиян на наличие антител к COVID-19 в Москве - Sputnik Аҧсны
Анапаҵаҩра
Аԥсны акоронавирустә чымазара ҿкы ҿыц уаҩы идбалам, апандемиа ҟалеижьҭеи ичмазаҩхеит 28-ҩык ҳтәылауаа.

АҞӘА, лаҵара 27 - Sputnik. Ииасыз уахыки-ҽнаки рыла Аԥсны акоронавирус амазааразы игәарҭеит даҽа 26-ҩык ауаа, урҭ рахьтә аӡәгьы COVID-19 имам ҳәа Ауааԥсыра акоронавирустә ҿкы рацәыхьчаразы аоперативтә штаб адырра ҟанаҵоит.

Лаҵара 27 рзы аҭагылазаашьа абас иҟоуп.

"Аҟәатәи асасааирҭа "Аиҭар" аҟынтә иахьа аӡәгьы доушьҭымызт", – ҳәа азгәарҭеит аштаб аҟны.

Иахьазы Гәдоуҭатәи араионтә хәышәтәырҭа хадаҿы ахәышәтәра иахысуеит ачымазара зцәа иалоу 11-ҩык апациентцәа. Иааидкыланы апандемиа ҟалеижьҭеи Аԥсны акоронавирус рыхьит 28-ҩык ауаа. Урҭ рахьтә 15-ҩык ргәы бзиахеит, аӡәы лыԥсҭазаара далҵит.

Акоронавирус иазку аҵыхәтәантәи ажәабжьқәа зегьы шәрыԥхьар ҟалоит абра>>

Ажәабжьқәа зегьы
0