Набережная Сухума

Акоронавирус инадҳәаланы Аԥсны аԥкыратә уснагӡатәқәа ирыцырҵоит

32
(ирҿыцуп 16:12 28.05.2020)
Акоронавирус ауааԥсыра рацәыхьчаразы Акоординациатә штаб аилатәара мҩаԥган Аминистрцәа реилазаараҿы аԥшьаша, лаҵара 28 рзы.

АҞӘА, лаҵара 28 – Sputnik. Акоронавирус ауааԥсыра рацәыхьчаразы Акоординациатә штаб иаӡбеит ареспубликаҿы аԥкыратә уснагӡатәқәа рыҿҳәара 2020 шықәса рашәара 15 рҟынӡа иацҵазарц.

Ирыдыркылаз аӡбамҭа инадҳәаланы 2020 шықәса рашәара 15 рҟынӡа ирыцҵахоит абарҭ акарантинтә уснагӡатәқәа:

  • Аҟәа ақалақьи араионқәеи рҟны афатә, ақыҭанхамҩатә, ацәамаҭәатә џьармыкьақәа аус рулоит асанитар-епидемиологиатә маҵзура зықәшаҳаҭхаз араионқәеи ақалақьқәеи рхадарақәа рыӡбарала ишьақәдыргылаз аграфики аԥҟарақәеи инарықәыршәаны, аҭиҩцәа хымԥада ахыхьчагатә хархәагақәа (амедицинатә сабрадақәа, анапҭарԥақәа) рыманы. Асанитар-епидемиологиатә маҵзурақәа русзуҩцәа аамҭа-аамҭала еиҿыркаалоит аџьармыкьақәа рҵакырақәа рырзҩыдара.
  • Амассатә, акультуратә, аспорттә, агәмырҿыӷьратә, ацәыргаратә уснагӡатәқәа рымҩаԥгара азин ҟалом.
  • Ачарақәа, агәырӷьаратәи егьырҭ ауснагӡатәқәеи рымҩаԥгара ҟалом.
  • Аԥсны Аҳәынҭқарраҟны иарбоу аамҭа аҩнуҵҟа ачаратә, аныҳәатә залқәа русура, аресторанқәеи егьырҭ акрыфарачаратәи обиектқәа русура аанкылоуп ауснагӡатәқәа рымҩаԥгаразы.
  • Аԥсны Аҳәынҭқарра адгьылҵакыраҟны иарбоу аамҭа аҩнуҵҟа атуристцәеи аекскурсантцәеи зҭаауа аобиектқәа русура азин ыҟам. Атуристцәеи аныҟәаҩцәеи зҭаауа аобиектқәа русура аанкылоуп.
  • Асасааирҭақәа, агәабзиарачаԥарҭақәа, асасааирҭа ҩнқәа, иара убас даҽа ҭыԥқәак рыҟны аҭыԥ нкылареи, ауааԥсыра рыдкылареи рыҩнаҵареи ҟалом.
  • Аԥсны Аҳәынҭқаррахь рҭалара ԥкхоит атәылауаа ркатегориақәа зегьы ирыҵаркуа атәылауаа аԥсуа-аурыс аҳәынҭқарратә ҳәаа аужьратә пунктқәа рыла ралалара абарҭ акатегориақәа аалхны: Аԥсны Аҳәынҭқарраҟны аккредитациа змоу адипломатиатә усҳәарҭақәа русуҩцәа, Аԥсны Аҳәынҭқарраҟны ААМ Аҳәаахьчаратә усбарҭа аррамаҵзуҩцәа, Еиду урыстәылатәи арратә база аррамаҵзурауаа; жәларбжьаратәи аидарақәа мҩанызго атранспортқәа рныҟәцаҩцәа, аидаратә дәыӷбақәа рныҟәцаҩцәа.
  • Аԥсны Аҳәынҭқаррахь акоронавирустә инфекциа COVID-19 а аҭыԥ ахьамоу аҟынтәи иаауа зегьы 14 мшы аҽыԥхьакратә режим иахысроуп.
  • Ҳазада ахәаахәҭра ахьымҩаԥысуа адәқьанқәа (диути-фри) русура аԥсуа-аурыс ҳәынҭқарратә ҳәааҟны русура аанкылахоит.
  • Аспорттә залқәеи, СПА-салонқәа, асаунақәа, амассажтә салонқәа русура аанкылоуп.
  • Астоматологиатә маҵзурақәа рынагӡара иазку аусура иаарласны, хырԥашьа змам аформақәа рыҟны астоматологиатә цхыраара ахьаҭаху ачымазарақәеи аҭагылазаашьаақәеи аламҵакәа иаанкылоуп.
  • Иаанкылоуп акультура аусҳәарҭақәа (атеатрқәа, амузеиқәа, абиблиотекақәа, акультуратә центрқәа, акультура аханқәа, аконцерттә залқәа, аҭоурых-культуратә ҳәырԥсаррақәа) русура.
  • Иаанкылахоит ахәыҷтәы школқәранӡатәи аусҳәарҭақәа русура.
  • Сынтәа азеиԥшҵаратә усҳәарҭақәа рҿы аҵарашықәс аанкылахоит асанитар-епидемиологиатә ҭахрақәа инарықәыршәаны, 11-тәи аклассқәа рыҟны аԥышәара аҭирада.
  • Иаанкылахоит азыҟаҵарақәа Аԥснытәи аҳәынҭқарратә университети Аҟәатәи иаарту аинститути рҟны, иара убас Аԥсны Аҳәынҭқарра абжьара-занааҭтә ҵараиуратә усҳәарҭақәа рҟны асанитар-епидемиологиатә ҭахрақәа инарықәыршәаны, аԥышәарақәеи адипломқәа рыхьчареи ишьақәыргылоу аграфик ала рымҩаԥгарада.
  • Иаанкылазааит аҵараиуратә кружокқәа, аспорттә, акәашаратә, аҽазыҟаҵартә залқәа русура.
  • Аҳәынҭқарратә напхгараҭаразы ихадоуи аҭыԥантәии аусбарҭақәа, аҳәынҭқарратә усҳәарҭақәеи, анаплакқәеи, аиҿкаарақәеи рнапхгаҩцәа иааныркылааит иазгәаҭоу аусбарҭақәа, аусҳәарҭақәа, аиҿкаарақәа русзуҩцәа аҳәаанырцәтәи амаҵураныҟәарақәа рышҟа рдәықәҵара.

Убри аан Аԥсны аҵара аминистр иҳәарала азин ҟаҵан ашколқәа роушьҭымҭацәеи иҷыдоуи иреиҳаӡоуи аҵараусҳәарҭақәа рыстудентцәеи рашәара 2 инаркны аҵарахь рнеира аԥышәарақәа рҽырзыҟарҵарц азы. Рашәара 2 инаркны Аҵара аминистрра иазԥхьагәанаҭоит аушьҭырҭатә классқәа рзы ҩымчыбжь аҵараҵара. Абри аамҭазы ашколхәыҷқәеи астудентцәеи аушьҭымҭатә ԥышәарақәа рҽырзыҟарҵалоит.

Иара убас шәаԥхьар ҟалоит:

32
Атемақәа:
Ачымазара ҿкы – акоронавирус Аԥсни адунеи аҿи: иалкаау (532)

Аԥснытәи аушьҭымҭацәа ахьтәи араӡни медалқәа ранашьан

30
(ирҿыцуп 20:28 03.07.2020)
2020 шықәса рзы Аԥснытәи ашколқәа ирылгеит 1791-ҩык аҵаҩцәа. Урҭ рҟынтәи 11-ҩык амедалқәа рыманы иалгеит, 64-ҩык "ибзиаӡоуп" ҳәа иалгеит.

АҞӘА, ԥхынгәы 3 – Sputnik, Ренат Ԥачлиа. Абжьаратә школқәа роушьҭымҭацәа амедалқәа ранашьара мҩаԥысит Аԥсны Акультура аминистрраҿы ахәаша, ԥхынгәы 3 рзы.

Аԥсны аҵареи абызшәатә политикеи рзы аминистр ихаҭыԥуаҩ Медеиа Ченгьелиаԥҳа илҳәеит сынтәатәи ашықәс уаанӡатәиқәа ишреиԥшым, аепидемиологиатә ҭагылазаашьа иахырҟьаны аҵаратә процесс шыԥсаххаз. Ус шакәугьы, аминистрра официалла аҵарашықәс хнаркәшеит.

"2020 шықәса рзы Аԥснытәи ашколқәа ирылгеит 1791-ҩык аҵаҩцәа. Урҭ рҟынтәи 11-ҩык амедалқәа рыманы иалгеит, 64-ҩык "ибзиаӡоуп" ҳәа иалгеит. Иаҳҳәар ҳалшоит, медалла ашкол иалгаз аҵаҩцәа ԥхьаҟазы ҳҿар рыхьтәы фонд иалахәхо роуп ҳәа. Абас иҟоу аҿар роуп уаҵәтәи ҳԥеиԥшгьы знапаҿы иҟало", - ҳәа лҳәеит  Ченгьелиаԥҳа.

Аԥсны арккареи абызшәатә политикеи рзы аминистр Инал Габлиа аушьҭымҭацәа ирыдиныҳәалеит, иазгәеиҭеит раԥхьаҟа имариам амҩа шышьҭоу аха аҿар ирус хаданы иҟоу аҳәынҭқарра аҿиара рлагала алаҵара шакәу.

"Шәаԥхьаҟатәи шәыԥсҭазаараҿ зегь раԥхьа иргыланы ишәхашәмыршҭыроуп иреиҳаӡоу аҟазшьақәа: ауаҩреи аламыси» ҳәа иҳәеит Габлиа. 
Ахада ихаҭыԥуаҩ Бадра Гәынба Аԥснытәи арҵаҩцәа ҭабуп ҳәа реиҳәеит 11 шықәса дуӡӡа аҵаҩцәа  аԥсҭазаара ду амҩахь  иахьнаргоз азы, иуадаҩыз рџьазы. Иара агәрагара ааирԥшуеит рџьабаа баша ишмыӡуазы.

Аҳәынҭқарра ахада Аслан Бжьаниа ихьӡала ихаҭыԥуаҩ аҵаҩцәа рыхьӡала иааишьҭыз адныҳәаларатә шәҟәы даԥхьеит.

Араӡны медал занашьоу Данил Кәыҵниа Sputnik акорреспондент даниҿцәажәоз иҳәеит  Москватәи аҵараиурҭақәа руак аҭалара игәы ишҭоу. Амедицина азанааҭ шалихуа. Аҵара ашьҭахь иара Урыстәыла аԥышәа иманы Аԥсныҟа ахынҳәра игәы иҭоуп.

Нестор Лакоба ихьӡ зху Пицундатәи абжьаратә школ №1 хьтәы медалла иалгаз аҵаҩы Дамеи Ҳагба иазгәеиҭеит Урыстәылатәи аҵараиурҭа дҭаларц дшыҟоу, Аԥсны анџьныр-аргылаҩ ҳәа афакультет ахьыҟам азы. Иара иҳәеит иаԥхьаҟазы иԥсҭазаара Аԥсны мацара ишадиҳәало.

Аԥсны арккареи абызшәатә политикеи рзы аминистр ихаҭыԥуаҩ Медеиа Ченгьелиаԥҳа далацәажәеит ахьтәы ма араӡны медал аиушьа атәы.
Лара лажәақәа рыла, "Ахьтәи араӡни медалқәа рзы" аԥҟара инақәыршәаны ахьтәы медал аиуразы 10-11 аклассқәа рҿы "хәба" ҳәа аҵара ҵатәуп, араӡны медал аиуразы  ҩ-ԥшьбак умазар ҟалоит.

© Sputnik / Марианна Кубрава
Аушьҭымҭацәа амедалқәа ранашьара ацеремониа

"Аҵаҩцәа агәаҭара цҵатә усурақәа мҩаԥыргоит.  Актәи аетап азеиԥшҵаратә школқәа рҟны имҩасуеит. Убри аан аԥышәарақәа хԥа – ахатәы бызшәа, алгебра, нас ашкол иалнахуа рҭиироуп "хәба" ҳәа. Аҩбатәи аетап Аԥсны араионқәеи ақалақьқәеи рҿы имҩаԥысуеит", – ҳәа лҳәеит Ченгьелиаԥҳа.

Ахыркәшаратә етап мҩаԥыргоит Аҵара аминистрраҿы. Арҭ ах-етапк ирхысыз амедалқәа ранашьаразы иқәдыргылоит.

Иара убас шәаԥхьар ҟалоит:

 

30

Габниа еиҭеиҳәеит Гәдоуҭа аҽыкәабарҭатә ҭыԥқәа аԥҟарақәа иахьынӡарықәшәо атәы

174
(ирҿыцуп 19:48 03.07.2020)
Гәдоуҭа апарк-плиажтә нхамҩа аиҳабы Даниил Габниа арадио Sputnik Аԥсны аефир аҿы еиҭеиҳәеит араионтә плиажқәа аӡҭаларазы ашәарҭадара аԥҟарақәа иахьынӡарықәшәо атәы.
Раионк аԥсҭазаараҟынтә: Габниа Гәдоуҭа аҽыкәабарҭатә ҭыԥқәа аԥҟарақәа иахьынӡарықәшәо атәы

"Ацентралтә амшын цәаҳәа атәы ҳҳәозар, уажә ааигәа еилҳаргеит. Ҩ-машьынак рызна агәам-сам ықәаҳгеит, амшын ацәаҳәа излаҳалшоз ала иҳариашеит. Иргылан атәарҭақәеи агәам-сам ҭаԥсарҭақәеи. Излаҳалшо ала арыцқьара ҳаҿуп, араион ауааԥсыреи асасцәеи рзы. Аӡиасқәа амшын иахьалало аҭыԥқәа рҿы адыргақәа ҳәа акгьы ыҟам, убас аӡҳәаа арбагақәагьы. Аха аԥҟарақәа зегьы ахьарбоу ақьаад уажә ааигәа ҳнапы иаркын, аҽазыҟаҵарақәа цоит. Аплиажқәа рҿы аиқәырхаҩцәа ҳамам, иара уи адагьы аиқәырхаратә нышьқәагьы, арҭ азҵаарақәа зегьы араион ахадараҿы ирылацәажәан, аҭагылазаашьа ариашаразы аусурақәа цоит", - ҳәа еиҭеиҳәеит Габниа.

Иаҳа инеицыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

174