Аԥсны Аҳәынҭқарратә ахьчаратә маҵзура аусзуҩцәа рганахьала ашьаус хацыркуп

© Sputnik / Виталий Белоусов / Амедиаҵәахырҭахь аиасраРассмотрение ходатайства следствия об аресте А. Величко в Черемушкинском суде
Рассмотрение ходатайства следствия об аресте А. Величко в Черемушкинском суде - Sputnik Аҧсны
Анапаҵаҩра
Аԥсны Аҳәынҭқарратә ахьчаратә маҵзура аусзуҩцәа рганахьала агәҩара ыҟоуп Аҟәа Араион ҿыц, Картозиа имҩаҿ игылоу аҩнеихагылаҟны лаҵара 11 рзы иԥшааз абџьар закәаншьаҭада иҵәахны ирыман ҳәа.

АҞӘА, лаҵара 29 - Sputnik. Аԥсны Апрокуратура хада Ашьаусҭҵааратә усбарҭа ашьаус хацнаркит Аԥсны Аҳәынҭқарратә ахьчаратә маҵзура актәи аҟәша аиҳабы Ахра Џьопуа, аусзуҩ Даҭо Ахалаиа рганахьала.

Иҟоу аматериалқәа инарықәыршәаны 2019 шықәса абҵарамзазы Џьопуеи Ахалаиеи еицәажәарыла закәаншьаҭада абџьар, арҭҟәацгақәа, аџьаԥҳаны аархәеит. Иаархәаз Аҟәа Араион ҿыц, Картозиа имҩаҿ игылоу аҩнеихагылаҟны уаҩ дзыҩнамыз ауадаҿ ирҵәахит.

Имҩаԥгоу аекспертизала ишьақәыргылоуп абџьар ахархәара шауа. Ари ауадаҿ иԥшаан:

  • 14 автомат "Калашников";
  • автоматк америкатәи аҭыжьымҭа;
  • карабинк "СКС";
  • 3 пулемиотк "Калашников";
  • минак "МОН-50";
  • гранатаршәгак "ГП-25", уи иатәу 16 џьаԥҳаны;
  • гранатаршәгак "РПГ-7", уи иатәу 7 џьаԥҳанык;
  • анапыла гранатарԥжәагақәа 17 (УЗГРМ);
  • анапыла гранатқәа 14 "РГД-5", "Ф-1";
  • 14 тапанча;
  • 26783 патрон;
  • 200 грамми 1460 грамми атротилхкқәа;
  • апластид 6440 грамм;
  • 900 грамм иҟоу анапылаҟаҵара рԥжәага.

Абџьар Аҟәа Араион ҿыц, Картозиа имҩаҿ игылоу аҩнеихагылаҟны лаҵара 11 рзы иԥшаан.

Иара убас шәаԥхьар ҟалоит:

Ажәабжьқәа зегьы
0