Аԥхын аламҭалазы: Аԥсны лаҵарамзазтәи амҩатә статистика

11
(ирҿыцуп 17:09 03.06.2020)
Аԥсны еиҭах ирацәаҩхеит арыжәтә ыжәны иҟоу арныҟәцаҩцәа рхыԥхьаӡара. Мшаԥымзазы 122-ҩык ыҟазҭгьы, лаҵарамзазы 66-ҩык рыла еиҳахеит.

Аԥсны ААР асаит адыррақәа рыла, 2020 шықәса лаҵарамзазы Аҳәынҭавтоинспекциа аинспекторцәа амҩатә ԥҟарра аилагаразы  4432 ԥкаанҵа еиқәдыршәеит. Ари мшаԥымзазы аасҭа 38% рыла еиҳауп.

Sputnik

Лаҵара 1-30 рыбжьара ахараԥса дыршәан 188-ҩык ижәны иҟаз авторныҟәцаҩцәа. Аԥкаанҵақәа еиҳаны ишылырҩаауагьы ашықәстә категориа алеи аӡәы изы илырҩаауа ахараԥса алеи арекордтә рбагақәа ыҟам. Мшаԥымзазы 36-шықәса зхыҵуа аԥҳәыси 39-шықәса зхыҵуа  ахаҵеи мызкала ҩынтә-ҩынтә иааныркылеит арыжәтә ыжәны иахьыҟаз азы.

Арыжәтә ыжәны аныҟәаразы ахараԥса 12 000 мааҭ инаӡоит. 30 мшы рыҩныҵҟа аиҭаанкылараан актәи ахараԥса шәамзар аӡбарҭа аӡбарала амашьына арныҟәара азин умххоит.

Ижәны иныҟәо рзы аҟәаа актәи аҭыԥ ныркылоит. Ара лаҵарамзазы иаанкылан авторныҟәцаҩцәа 92-ҩык, Гагра – 29-ҩык аанкылан.
Гәдоуҭеи Очамчыреи ахԥатәи аҭыԥ еихыршеит: 21-21. Еснагь иҿырԥшыгаз Тҟәарчал аӡәы астатистика еилеигеит.

Қәрала аихшараҿгьы аԥсахрақәа ааԥшит. 30-35 шықәса зхыҵуа уаанӡа аԥыжәара змаз 35-40 шықәса зхыҵуаз ашьҭахьҟа инрыжьит. Ахԥатәи аҭыԥ ныркылеит 25-30 шықәса зхыҵуа. Урҭ рганахь ала илҩаауп – 25 хараԥса.

Зегь раасҭа еиҵыбны ижәны аԥсҟы зкыз 19 шықәса ихыҵуеит. Мшаԥымзазы абри аганахь ала арекорд шьақәыргылан. Даанкылан ижәны аԥсҟы зкыз 87 шықәса зхыҵуаз ахаҵа.

188-ҩык рҟынтәи лаҵарамзазы дыҟан 45-шықәса зхыҵуаз ижәны иҟаз ԥҳәыск.

Иара убас шәаԥхьар ҟалоит:

11

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

8
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

8

Акоронавирус змаз ҩыџьа апациентцәа Гәдоуҭатәи ахәышәтәырҭа илрыҩаараны иҟоуп

10
(ирҿыцуп 18:41 13.07.2020)
Аҵыхәтәантәи уахыки-ҽнаки рыла Аԥсны акоронавирустә инфекциа амазааразы агәаҭара иахысит 36-ҩык ауааԥсыра.

АҞӘА, ԥхынгәы 13 - Sputnik. Гәдоуҭатәи ахәышәтәырҭаҟны ишьҭоу акоронавирус зцәа иалаз акурсантцәа ҩыџьа аҩашаҽны, ԥхынгәы 14 рзы рылҩаара иаздырхиоит ҳәа адырра ҟанаҵоит Ауааԥсыра акоронавирус рацәыхьчаразы аоперативтә штаб.

Ари амш иалагӡаны агәаҭара иахрыжьыз 36-ҩык рҟынтә аӡәгьы иҿы акоронавирус  шьақәырӷәӷәамхеит

Иахьазы Аԥсны зынӡа акоронавиурс рыдырбалахьеит 38-ҩык. Урҭ рахьтә ҩыџьа макьанагьы Гәдоуҭатәи ахәышәтәырҭа иҭоуп, 35 ргәы бзиахеит, аӡәы лыԥсҭазаара далҵит.

Адунеизегьтәи агәабзиарахьчаратә еиҿкаара аҵыхәтәантәи адыррақәа рыла, адунеи аҿы ишьақәдырӷәӷәахьеит 12,5 миллион хҭыс инареиҳаны, рыԥсҭазаара иалҵит 561 нызқьҩык инарзынаԥшуа.

Акоронавирус иазку ажәабжьқәа зегьы шәрыԥхьар ҟалоит абра>>

10
Атемақәа:
Ачымазара ҿкы – акоронавирус Аԥсни адунеи аҿи: иалкаау