Презентация книги А.С. Пушкина Евгений Онегин в переводе на абхазский

Аԥсны имҩаԥысуеит Пушкин иажәеинраалақәа рыԥхьаразы аиндаҭлара

16
(ирҿыцуп 15:20 04.06.2020)
Аԥсны араионқәа зегьы рҟынтәи 30-ҩык инарзынаԥшуа ажәеинраалақәа ирыԥхьаны авидеороликқәа аарышьҭит аиндаҭлара "Пушкин бызшәахкыла ҳиԥхьоит" иалахәхарац.

АҞӘА, рашәара 4 - Sputnik. Аԥсны иҟоу Россотрудничество ахаҭарнакра имҩаԥнагоит аиндаҭлара "Пушкин бызшәахкыла ҳиԥхьоит". Апоет иирамш аҳаҭыраз Аԥсны имҩаԥысуеит иажәеинраалақәа рыԥхьаразы аиндаҭлара ҳәа арадио Sputnik иазеиҭалҳәеит Аԥсны иҟоу Аурыс культуратә центр афонд анапхгара ахантәаҩы Наталиа Каиун.

Есышықәса Пушкин имшира аҽны Аҟәатәи аботаникатә баҳчаҿ иазгәарҭон ари амш, аха сынтәатәи аԥкырақәа ирхырҟьаны ауснагӡатә еиҭакхеит.

"Аҟәеи Аԥсны егьырҭ араионқәеи ақалақьқәеи руааԥсыра сынтәа жәынтәны еиԥылараны иҟан Аботаникатә баҳчаҿ, аха атәыла ахада иусдҵа нагӡо ари ауснагӡатә амҩаԥгашьа еиҭаҳкит. Аԥсны Ашәҟәыҩҩцәа Рассоциациа, Аԥсны иҟоу Аурыс культуратә центри еицырыӡбеит онлаин-еиндаҭлара мҩаԥгазарц. Ҳара уи рылаҳҳәеит Россотрудничество асаит аҿи асоциалтә ҳақәа рҿи", - ҳәа еиҭалҳәеит лара.

Аиндаҭлара қәрала ԥкыра ҟанаҵом, изҭаху зегьы алахәхоит, аха Каиун ишылҳәо ала, макьаназы аҿар роуп еиҳарак зхы алазырхәхьоу.

Россотрудничество Ахаҭарнакра аролик Facebook аҿтәи адаҟьаҿы иӡырнагоит, алаикқәеи ахҳәаақәеи рхыԥхьаӡарала ииааиз далыркаауеит.

"Ҳәарада, иҟалашт еиӷьу ма еицәоу, аха ҳара алахәылацәа зегьы аҳамҭақәа раҳҭоит. Уанырзыӡырыҩуа угәы иазҳап", - ҳәа лҳәеит Каиун.

Аԥсны араионқәа зегьы рҟынтәи 30-ҩык инарзынаԥшуа ажәеинраалақәа ирыԥхьоз авидеороликқәа аарышьҭит аиндаҭлара "Пушкин бызшәахкыла ҳиԥхьоит" алахәхаразы. Аиҿкааҩцәа иџьаршьоит алахәылацәа ажәеинраалақәа шалырхуа.

"Ирацәоуп ашколтә программаҿы иҟам. Уи шьахәуп. Ус анакәха, дасу ихатә Пушкин дишьҭоуп", - лҳәоит лара.

Алахәхаразы азыҳәақәа рыдыркылоит рашәара 8 рҟынӡа.

16
Линии электропередач

Аҟәа ахәҭак лашарада иаанхеит аҵла афымцацәаҳәақәа иахьрықәҳаз иахҟьаны

1
Аҭыԥ ахь инеит амашәыр ахҟьаԥҟьақәа аԥызхуа абригадақәа, афымцалашара амҽыша асааҭ 15:00 рҟынӡа инеиҭашьақәдыргыло рҳәеит.

АҞӘА, ажьырныҳәа 17 - Sputnik. Аҟәа адендропарк аҿы икаҳаз аҵла афымцацәаҳәақәа хәба аԥхасҭа рынаҭеит, уи иахҟьаны Синопи Турбазеи рыбжьара иҟоу араион фымцалашарада иаанхеит ҳәа аанацҳауеит АУН "Амшынеиқәафымцамч".

Иазгәаҭоуп аԥхасҭа шроуз 10-тәи, 11-тәи афидерқәа (аихшарҭатә цәаҳәақәа - азгә.).

Аҭыԥ ахь инеит амашәыр ахҟьаԥҟьақәа аԥызхуа абригадақәа, афымцалашара амҽыша асааҭ 15:00 рҟынӡа еиҭашьақәдыргылоит рҳәеит.

1

Бжьаниа Тамшь атуробиект агәаҭараан: аинвесторцәа аҭагылазаашьа бзиақәа рзаԥаҳҵоит

2
(ирҿыцуп 00:11 17.01.2021)
Урыстәылатәи атуристтә компаниа "Библио-Глобус" Тамшь ақыҭан атуристтә обиект ду аргылара иалагеит.

АҞӘА, ажьырныҳәа 16 – Sputnik. Аԥсны аинвесторцәа рзы аҭагылазаашьақәа бзиақәа аԥаҳҵалоит ҳәа аҳәамҭа ҟаиҵеит Аԥсны ахада Аслан Бжьаниа Тамшь ақыҭаҿы зыргылара иаҿу атуристтә комплекс агәаҭаразы дахьнеиз.

Ахада иазгәеиҭеит хаҭала аобиектқәа рахь дышнеило, хылаԥшра шриҭало, аинвесторцәа дышрыцхраало.

"Аинвестор акы дацәымшәартә дҟаларц азы аҭагылазаашьақәа бзиақәа изаԥаҳҵалоит. Аинвестициақәа зыԥсахуа ҳәа ак ыҟам", - ҳәа инаҵишьит атәыла ахада.

Тамшь ақыҭан 150 коттеџь дыргыларц ргәы иҭоуп, урҭ рыцԥхьаӡа асасааирҭатә номерқәа ҩба-ҩба рымазаауеит, аӡәы, ҩыџьа, мамзаргьы хҩык атуристцәа ҩналар ахьрылшо. Аобиект аҿы иҟалоит атуристцәа шықәсынаҟьак рыԥсы ршьарц азы алшара рызҭо аинфраструктура. Ара еиҿкаахоит: аспорттә комплекс, ахәыҷқәа рыхәмарырҭа, алшықәсанык аус зуло идырԥхо ахәыҷқәеи адуцәеи рзы аӡҭарчқәа.

Аԥсны ахада Аслан Бжьаниа Тамшь ақыҭаҿы акомпаниа "Библио-Глобус" зыргылара иаҿу атуристтә комплекс агәаҭаразы днеит.

Тамшь ақыҭаҿы иҟалараны иҟоу атуристтә обиект азы акоттеџьқәа реизгаразы ацех аусура иалагахьеит. Аҽазыҟаҵаратә усурақәа раан аус руан 50 рҟынӡа аусзуҩцәа, урҭ реиҳараҩык Тамшь ақыҭауааи ааигәа инхо ауааԥсыреи роуп. Уажәы мҽхакы ҭбаала аусурақәа ирылагоит, аусурҭа ҭыԥқәагьы акыр ирыцлоит. Ауалафахәы 30 нызқь мааҭ иреиҳахоит.

2