Подведены итоги конкурса стихов, посвященных Дню России

Аконкурс "Урыстәылаз ажәеинраала" аиааирагаҩцәа Ацҳаражәҳәарҭаҿы аҳамҭақәа рырҭеит

24
(ирҿыцуп 15:34 12.06.2020)
Аконкурс алахәхаразы Урыстәыла иазку жәеинраалак ҵаны авидео ианҵаны иарбаз аԥошьҭахь инашьҭтәын.

АҞӘА, рашәара 12 - Sputnik. Россотрудничество имҩаԥнагаз аконкурс "Урыстәылаз ажәеинраала" аиааирагаҩцәа Аԥсны иҟоу Урыстәыла Ацҳаражәҳәарҭаҿ аҳамҭақәа рыҭара мҩаԥысит. Аконкурс рхы аладырхәит 40-ҩык рҟынӡа ашколхәыҷқәа.

 Подведены итоги конкурса стихов, посвященных Дню России
Аконкурс "Урыстәылаз ажәеинраала" аиааииҩцәа Ацҳаражәҳәарҭаҿ аҳамҭақәа рырҭеит

 

"Ахәыҷқәа ажәеинраалақәа рхы-рыԥсы зегь ақәҵаны ирыԥхьон. Акомиссиа алахәылацәа даара ирцәыцәгьан аӡә иалкаара. Ус шакәызгьы, аимак-аиҿак ашьҭахь аӡбра ҳадаҳкылеит", - ҳәа еиҭарҳәеит Россотрудничество аҿы.

Аиааира ргеит:

  • Воуба Леон Геннади-иԥа(Очамчыра)
  • Гамгьиа Леон Игор-иԥа (Очамчыра)
  • Оҭырба Еснат Баграт-иԥа (Гагра)

Акомиссиа иара убасгьы ишьақәнаргылеит авидео азы аԥхьахә ҷыда. Ари аноминациаҿ аиааира игеит Демурчан Марлен Олег-иԥа (Багажә иашҭа).

Ацҳаражәҳәарҭахь инаԥхьан ахәыҷқәа разыҟаҵаҩцәа: Чилачаа Медеиа Иури-иԥҳа, Коржова Вера Уасил-иԥҳа, Славина Викториа Александр-иԥҳа, Алексиан Лусине Киркор-иԥҳа. Аԥхьахәқәа ранашьара иалахәын аҭаацәагьы.

 Подведены итоги конкурса стихов, посвященных Дню России
Аконкурс "Урыстәылаз ажәеинраала" аиааииҩцәа Ацҳаражәҳәарҭаҿ аҳамҭақәа рырҭеит

Урыстәыла Ацҳаражәҳәаҩ Алексеи Двинианин иазгәеиҭеит Аԥсны аурыс бызшәахь аинтерес шрымоу, Россотрудничество ахаҭарнакра анапхгаҩы Вадим Чеха ирзеиӷьеишьеит ақәҿиарақәа.

Аҳамҭаҭара ашьҭахь алахәылацәа зегьы иформалым аишәа хаа рзырхиан.

"Аконкурс алахәылацәа рвидеоқәа асоциалтә ҳақәа рҿы рбара алшон. Атехникатә ҭагылазаашьақәа ирымаданы иалымшеит зегьы аамҭакала дырбара", - ҳәа азгәарҭеит Россотрудничество аҿы.

Иара убас шәаԥхьар ҟалоит:

24

Емырхәба еиҭеиҳәеит Алакәымҳара ақыҭаҟны имҩаԥысуа аусурақәа ртәы

10
(ирҿыцуп 21:21 23.11.2020)
Гал араион ахада ихаҭыԥуаҩ Беслан Емырхәба арадио Sputnik арубрика "Раионк аԥсҭазаараҟынтә" аҿы еиҭеиҳәеит Алакәымҳара ақыҭаҟны ицо аиҭашьақәыргыларатә усурақәа ртәы.
Раионк аԥсҭазаараҟынтә: Емырхәба Гал араион аҟны аиҭашьақәыргыларатә усурақәа ртәы

"Алакәымҳара ашкол аҟны аусурақәа мҩаԥгатәны иҟоуижьҭеи акыр шықәса ҵуеит. Иҳәынҭқарратәым аиҿкаара ацхыраарала ахыб ԥсахуп, аиҭашьақәыргыларатә усурақәа мҩаԥысуеит ахыбра аҩныҵҟагьы. Быжь-километрак инацны амҩа аҟаҵара азгәаҭоуп Аберқыҭеи Алакәымҳареи рыбжьара, машьынала амҩасра уадаҩуп", - иҳәеит Емырхәба.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

10

COVID-19 Аԥсны: 62-ҩык аҿкы рыдырбалеит, ҩыџьа рыԥсҭазаара иалҵит

5
Иҳаҩсыз уахыки-ҽнаки рыла COVID-19 рылоу ирыламу аилкааразы 208-ҩык атестқәа рзыҟаҵан, урҭ рахьтә 62-ҩык акоронавирус рцәа ишалаз аадырԥшит.

АҞӘА, абҵара 23- Sputnik. Гәдоуҭатәи араионтә хәышәтәырҭа хадаҿы аԥсҭбарақәа ҩба ҟалеит абҵара 22 рзы, ҳәа аанацҳауеит Аԥсны ауааԥсыра COVID-19 рацәыхьчаразы аоперативтә штаб.

Иԥсҭазаара далҵит 64 шықәса ирҭагылаз ахаҵа. Иара ахәышәтәырҭа дҭашәеит абҵара 5 рзы акоронавирус ицәа иаланы. Изымҩаԥыргоз атерапиа иахьмырԥшкәа, апациент иԥсҭазаара далҵит игәеисра аԥсыҽхара иахҟьаны.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны лыԥсҭазаара далҵит 1940 шықәсазы ииз апациент. Иақәнагаз атерапиа шылзмҩаԥыргозгьы, лыдунеи лыԥсахит лгәеисра аԥсыҽхара иахҟьаны.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 72-ҩык ауааԥсыра, урҭ рахьтә 58-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 19-ҩык, ибжьаратәуп - 20-ҩык.

Аҟәатәи аинфекциатә хәышәтәырҭаҿы ирхәышәтәуеит 30-ҩык апациентцәа, хҩык рҭагылазаашьа уадаҩуп.

Амобилтә госпиталь аҟны ишьҭоуп акоронавирус зыдбалоу 31-ҩык апациентцәа. 27-ҩык рҭагылазаашьа бжьаратәуп ҳәа иԥхьаӡоуп, ԥшьҩык рҭагылазаашьа бааԥсуп.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 5374-ҩык ыҟоуп. Урҭ рахьтә ргәы бзиахеит 3623-ҩык, рыԥсҭазаара иалҵит 70-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

5
Атемақәа:
Ачымазара ҿкы – акоронавирус Аԥсни адунеи аҿи: иалкаау