Работа КПП Псоу

Цандрыԥшь инхо гәыԥҩык ауаа Ԥсоу аҳәаа аадыртырц азы уи аҿаԥхьа еизеит

42
(ирҿыцуп 17:41 13.06.2020)
Асабша, рашәара 13 рзы асоциалтә ҳақәа рыҟны ицәырҵит агәаҭара-аушьҭратә ҭыԥ "Ԥсоу" аԥхьа гәыԥҩык ауаа еизаны аҳәаа аадыртразы адҵа ҟаҵо ишықәгылаз.

АҞӘА, рашәара 13 – Sputnik, Бадри Есиава. Гәыԥҩык Аԥсны ауааԥсыра агәаҭара-аушьҭратә ҭыԥ "Ԥсоу" аԥхьа еизаны Аԥсни Урыстәылеи рҳәаа аадыртразы адҵа ҟаҵо иқәгылеит, абри атәы Sputnik акорреспондент изеиҭеиҳәеит еизаз ирԥылаз Гагра араион ахада Иури Хагәышь.

"15-20-ҩык раҟара ауаа аҳәаа аадыртразы адҵа ҟарҵарц еизеит. Урҭ зегьы аҳәааҿы аус зуа - шьоукы аидарагага кәырҷыжь ала аус зуа, егьырҭ Урыстәылантәи атауар аазго - Цандрыԥшь инхо атәылауаа роуп. Ҳара урҭ зегьы ҳрацәажәеит. Дара акоронавирус ыҟам ҳәа агәра ганы иҟоуп, аха акаҿы ҳааибагеит дареи ҳареи, уажәшьҭа урҭ еимпхьеит", - иҳәеит Хагәышь.

Гагра араион ахада иазгәеиҭеит Ԥсоу еизаз ауааԥсыра аԥара апроблема шышьҭырхыз, араион анапхгара урҭ ацхыраара рырҭоит ҳәа иақәдыргәыӷит.

"Ҳара урҭ ҳаҽрымаҳдоит, ашәахьа инаркны ари азҵаара аӡбара ҳалагоит. Цандрыԥшь аҳаблеи Гагра араиони рхадарақәа урҭ ирыцхраауеит. Аҵыхәтәаны ишьақәгылаз аҭагылазаашьа аангьы дара аӡәгьы иихаимыршҭӡацызт, фатәылеи хәшәылеи ацхыраара раҳҭон", - иҳәеит Хагәышь, иагьазгәеиҭеит еизаз аҳәса шьоукы рыԥшәмацәа Урыстәыла аус руеит азы дара-дара еибабартә аҭагылазаашьа шрымам аҳәаа ахьарку амшала.

Асабша, рашәара 13 рзы асоциалтә ҳақәа рыҟны ицәырҵит агәаҭара-аушьҭратә ҭыԥ "Ԥсоу" аԥхьа гәыԥҩык ауаа еизаны аҳәаа аадыртразы адҵа ҟаҵо ишықәгылаз. Телеграмм-каналқәак рҟны ирыҩуан урҭ дырԥыларц днеизшәа ахада Иусбарҭа аихабы Алхас Кәыҵниа, аха иара уи аинформациа мцуп ҳәа ахиҳәааит Sputnik акорреспондент даниацәажәоз. 

Апандемиа рыларҳәеижьҭеи Аԥсны COVID-19 рыхьхьеит 37-ҩык. Иацы Аԥсны ахада Аслан Бжьаниа аԥсуа-аурыс ҳәаа аҳәаанырцә тәылауаа рахысразы аԥкрақәа рыҿҳәара ԥхынгәы 1 аҟынӡа ацҵаразы аусԥҟа инапы аҵаиҩит, атәыла аҩнуҵҟа акәзар, ԥкрақәак аԥыхуп рашәара 15 инаркны.

Иара убас шәаԥхьар ҟалоит:

42
Атемақәа:
Ачымазара ҿкы – акоронавирус Аԥсни адунеи аҿи: иалкаау (707)
Гурам Шоуа

Раионк аԥсҭазаараҟынтә: Шьоууа авирус змоу рзы ахәышәтәырҭақәа рҿы аҭыԥқәа раартразы

6
(ирҿыцуп 19:22 22.09.2020)
Гәылрыԥшьтәи арратә госпиталь аҳақьым хада Гәырам Шьоууа арадио Sputnik аефир аҿы еиҭеиҳәеит акороновирус змоу рзы Агәыӡера ахәышәтәырҭаҿы хазы аҭыԥқәа раартра аус шцо атәы.
Раионк аԥсҭазаараҟынтә: Шьоуа авирус змоу рзы ахәышәтәырҭақа рҿы аҭыԥқәа раартразы

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара мап ацәкра уҳәа убас. Иара уи адагьы, агәабзиарахьчара аминистрра жьҭаара 15 рҟынӡа анапы ианҵоуп Аԥсны, Аҟәа ақалақьи араионқәеи иахьрыҵанакуа иҟоу амедицинатә усҳәарҭақәа рҟны авирус змоу ахаҿқәа рнагарҭа ҭыԥқәа разырхиара.

"Ари ачымазара зыхьуа ҳзаанагоит, урҭ ҳрыхәаԥшуеит нас ишахәҭоу аҭыԥ иқәаҳҵоит, шьоукы аҩныҟа, шьоукы – Гәдоуҭаҟа, аха уи анализқәа рҭак анҳаулак ашьҭахь. Ахәышәтәырҭа атерапиа аҟәшаҿы архиара ҳаҿуп 40-ҩык рҭыԥ ари ачымазара зыхьуа рышьҭаҵаразы, аха макьана хаз аҟәша аашәырты ҳәа адҵа ҳмоуӡац. Иахьазы дҵас иҳамоу: ачымазаҩцәа ашоура змоу, Агәыӡера рыдкылара, нас ишахәҭоу аус рыдулароуп. Ахәышәтәырҭаҿы акоронавирус аҟынтә иахьазы анализ аҭак иазыԥшу ҳәа аӡәгьы дыҟам, зегьы аҩны итәоуп. Дара есымша аҭел ҳарзасуеит, рҭагылазаашьа еилаҳкаауеит. Анализ аҭак анааилак нас рыхәшәтәразы даҽа мҩак ылаҳхуеит. Аҩны рҽырхәышәтәуеит 16-ҩык рҟынӡа", - ҳәа еиҭеиҳәеит Шьоууа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

6

Акоронавирустә хҭыс ҿыцқәа даҽа 59 азгәаҭоуп Аԥсны

12
(ирҿыцуп 20:08 22.09.2020)
Иахьатәи аамҭазы Аԥсны иахьаҵанакуа акоронавирус 1054-ҩык ишрыхьхьоу аарԥшуп. Урҭ рахьтә 311-ҩык апациентцәа ргәы бзиахеит, быжьҩык акоронавирус зыхьуаз рыԥсҭазаара иалҵит.

АҞӘА, цәыббра 22 – Sputnik. Аԥсны даҽа 59-ҩык акоронавирус рцәа ишалаз аадырԥшит ҳәа аанацҳауеит Ауааԥсыра акоронавирус рацәыхьчаразы аоперативтә штаб. 

"Цәыббра 22 рзтәи адыррақәа рыла, иҳаҩсыз уахыки-ҽнаки рзы игәаҭан 198-ҩык ауааԥсыра, урҭ рахьтә адиагноз COVID-19 рзышьақәдырӷәӷәеит 59-ҩык", - ҳәа аарыцҳауеит аоперштаб аҟынтәи.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 98-ҩык апациентцәа, дара зегьы ари адиагноз рзышьақәырӷәӷәоуп, рҭагылазаашьа хьанҭоуп быжьҩык, ибжьаратәуп 31-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа шәрыԥхьар ҟалоит абра>>

12
Атемақәа:
Ачымазара ҿкы – акоронавирус Аԥсни адунеи аҿи: иалкаау (707)