Аицлабра "Аԥсны агәадура" алахәразы 150-ҩык иреиҳаны арзаҳалқәа аларҵеит

27
(ирҿыцуп 19:35 13.06.2020)
Анапхгаҩцәа ҿарацәа реицлабра "Аԥсны агәадура" азы онлаин-арзаҳалқәа рыдкылара иалагеит хәажәкыра 2, ихыркәшахеит рашәара 12 рзы.

АҞӘА, рашәара 13 – Sputnik. Анапхгаҩцәа ҿарацәа реицлабра "Аԥсны агәадура" ахь арзаҳалқәа рыкдылара хыркәшоуп лҳәеит арадио Sputnik аинтервиу азҭаз аицлабра "Аԥсны агәадура" акомиссиа ацхантәаҩы Наҭелла Акаԥҳа.

"150-инареиҳаны ауаа ҳсаит аҟны рыҽҭарҩит. Анаҩстәи аетап аан еиҳа ақәҿиарақәа аазырԥшыз, зус еиӷьны издыруа алахәылацәа алҳаԥшаауеит. Нанҳәеи цәыббреи рзы, акоронавирус азы аҭагылазаашьа зеиԥшрахо еиԥш, аицлабра аетап ҿыц ҟалоит. Усҟан иалҳхыз алахәылаҩцәа атестқәа ирыхҳажьуеит, хаҭала зегьы ҳрыҿцәажәоит. Убри ашьҭахь афиналбжахь инеиуеит 25-ҩык алахәылацәа", - ҳәа азгәалҭеит Акаԥҳа.

Аицлабра аиҿкааҩцәа аифинал аҟны иалырхуеит хәҩык аиааира згаз аҿар рхаҭарнакцәа, урҭ зегьы аҳәынҭқарратә усбарҭақәа рыҟны асура иаладыргоит. Аусура иалагаанӡа Москва аҳәынҭқарратә усбарҭақәа рыҟны астажировка иахысуеит. Аиааира згаз рхыԥхьаӡара иақәымшәазгьы ирылоу аҟыбаҩ аарԥшразы алшара роуеит, ҷыдала иааугозар, ҿыц иаԥҵоу анаплакыҩцәа ҿарацәа рышкол аҟны ҳәа инаҵшьны илҳәеит Акаԥҳа.

Аицлабра акомиссиа иара убас иалахәуп Аԥснытәи аҳәынҭқарратә университет аректор Алеко Гәарамиа, Асоциал-економикатә ҭҵаарақәа рцентр аиҳабы Олег Дамениа, афилософиатә ҭҵаарадыррақәа ркандидат, адоцент Емма Гамсаниаԥҳа, аполитолог, апсихолог Арда Иналиԥа, Агуманитартә программақәа рцентр анапхгаҩы Лиана Кәарҷелиаԥҳа.

"Акомиссиа иалоу ауаа зегьы ҳаҭыр рықәуп, ражәа акраҵанакуеит. Даара аҵакы ӷәӷәоуп аҿарацәа аԥышәа ду змоу ауаа рыҿцәажәаразы алшара анрымоу. Арҵаҩцәа-абжьгаҩцәа ринститут аԥҵахоит. Ҳҿарацәа апотенциал ду рылоуп, аха аԥышәа рымам, аиҳабыратә абиԥара рдыррақәа урҭ рымадара иазыхиоуп", - лҳәеит Акаԥҳа.

Лара лгәаанагара, "Аԥсны агәадура" аусура хнаркәшаӡом знык аиааира згаз аналыркаалак ашьҭахь, уи аамҭа азыԥҵәаны имҩаԥыргалоит. Акаԥҳа агәра ганы дыҟоуп ари апроект аҵак ду шамоу, абиԥара ҿа атәыла аполитикатәи ауаажәларратәи ԥсҭазаара иалахәхар азы алшара шырнаҭо, ари аҩыза уаанӡа иҟамызт.

"Аԥсны агәадура" - анапхгараҭаҿы аус зур зылшо аҿар реицлаброуп, уи хықәкыс иамоуп Аԥсны Аҳәынҭқарраҿы абаҩхатәра злоу аҿар раарԥшреи рыдгылареи. Аиҿкааҩцәа ргәы излаҭаркыз ала, ари аицлабра анапхгаҩцәа ҿарацәа рзы социалтә цхыраагӡахоит, шьаҭасгьы иазыҟалоит ламыс злоу, зус здыруа абиԥара ҿа рыбзоурала аҳәынҭқарратә аппарат арҿыцра.

Аконкурс "Аԥсны агәадура" мҩаԥысуеит Москватәи, Урыстәылазегьтәи Апатриарх Кирилл иҟны Аҿар русқәа рзы ахеилак ахантәаҩы Инал Арӡынба иаԥшьгарала. Аконкурс аиҿкааразы аусдҵа жәабран 19 рзы инапы аҵаиҩит усҟан Аԥсны ахада инапынҵақәа назыгӡоз Валери Бганба.

Уаанӡа Инал Арӡынбеи Аԥсны ахадеи реиԥылараан Аслан Бжьаниа иҳәеит аицлабра ацашьа дшацклаԥшло, адгылара шыҟаиҵало.

Иара убас шәаԥхьар ҟалоит:

27
Гурам Шоуа

Раионк аԥсҭазаараҟынтә: Шьоууа авирус змоу рзы ахәышәтәырҭақәа рҿы аҭыԥқәа раартразы

5
(ирҿыцуп 19:22 22.09.2020)
Гәылрыԥшьтәи арратә госпиталь аҳақьым хада Гәырам Шьоууа арадио Sputnik аефир аҿы еиҭеиҳәеит акороновирус змоу рзы Агәыӡера ахәышәтәырҭаҿы хазы аҭыԥқәа раартра аус шцо атәы.
Раионк аԥсҭазаараҟынтә: Шьоуа авирус змоу рзы ахәышәтәырҭақа рҿы аҭыԥқәа раартразы

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара мап ацәкра уҳәа убас. Иара уи адагьы, агәабзиарахьчара аминистрра жьҭаара 15 рҟынӡа анапы ианҵоуп Аԥсны, Аҟәа ақалақьи араионқәеи иахьрыҵанакуа иҟоу амедицинатә усҳәарҭақәа рҟны авирус змоу ахаҿқәа рнагарҭа ҭыԥқәа разырхиара.

"Ари ачымазара зыхьуа ҳзаанагоит, урҭ ҳрыхәаԥшуеит нас ишахәҭоу аҭыԥ иқәаҳҵоит, шьоукы аҩныҟа, шьоукы – Гәдоуҭаҟа, аха уи анализқәа рҭак анҳаулак ашьҭахь. Ахәышәтәырҭа атерапиа аҟәшаҿы архиара ҳаҿуп 40-ҩык рҭыԥ ари ачымазара зыхьуа рышьҭаҵаразы, аха макьана хаз аҟәша аашәырты ҳәа адҵа ҳмоуӡац. Иахьазы дҵас иҳамоу: ачымазаҩцәа ашоура змоу, Агәыӡера рыдкылара, нас ишахәҭоу аус рыдулароуп. Ахәышәтәырҭаҿы акоронавирус аҟынтә иахьазы анализ аҭак иазыԥшу ҳәа аӡәгьы дыҟам, зегьы аҩны итәоуп. Дара есымша аҭел ҳарзасуеит, рҭагылазаашьа еилаҳкаауеит. Анализ аҭак анааилак нас рыхәшәтәразы даҽа мҩак ылаҳхуеит. Аҩны рҽырхәышәтәуеит 16-ҩык рҟынӡа", - ҳәа еиҭеиҳәеит Шьоууа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

5

Акоронавирустә хҭыс ҿыцқәа даҽа 59 азгәаҭоуп Аԥсны

12
(ирҿыцуп 20:08 22.09.2020)
Иахьатәи аамҭазы Аԥсны иахьаҵанакуа акоронавирус 1054-ҩык ишрыхьхьоу аарԥшуп. Урҭ рахьтә 311-ҩык апациентцәа ргәы бзиахеит, быжьҩык акоронавирус зыхьуаз рыԥсҭазаара иалҵит.

АҞӘА, цәыббра 22 – Sputnik. Аԥсны даҽа 59-ҩык акоронавирус рцәа ишалаз аадырԥшит ҳәа аанацҳауеит Ауааԥсыра акоронавирус рацәыхьчаразы аоперативтә штаб. 

"Цәыббра 22 рзтәи адыррақәа рыла, иҳаҩсыз уахыки-ҽнаки рзы игәаҭан 198-ҩык ауааԥсыра, урҭ рахьтә адиагноз COVID-19 рзышьақәдырӷәӷәеит 59-ҩык", - ҳәа аарыцҳауеит аоперштаб аҟынтәи.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 98-ҩык апациентцәа, дара зегьы ари адиагноз рзышьақәырӷәӷәоуп, рҭагылазаашьа хьанҭоуп быжьҩык, ибжьаратәуп 31-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа шәрыԥхьар ҟалоит абра>>

12
Атемақәа:
Ачымазара ҿкы – акоронавирус Аԥсни адунеи аҿи: иалкаау