Набережная Сухума

Sputnik амчыбжь: аԥкрақәа рырԥсыҽра, АКХ аҿы аҭаҩра ахыркәшара, "Аԥсны агәадура"

6
(ирҿыцуп 10:28 15.06.2020)
Аҵыхәтәантәи абжьымш рыҩныҵҟала Аԥсны еиуеиԥшым ахҭысқәа жәпакы ҟалеит. Урҭ ртәы – Sputnik аматериал аҿы.

Ииасыз амчыжь азы акоронавирус иазкыз аԥкырақәа акыр аԥырхит ареспубликаҿ, Аԥсны АКХ аҿы ихыркәшахеит Апарламент ахь адепутатцәа ркандидатурақәа ықәзыргыло аполитикатә партиақәеи аԥшьгаратә гәыԥқәеи ашәҟәы рҭагалара, ихыркәшахеит "Аԥсны агәадура" алахәхаразы арзаҳалқәа рынашьҭра.

Sputnik

Аҳәаа аркуп

Ихадоу жәабжьхеит ахада Аслан Бжьаниа ԥхынгәы 1 аҟынӡа аԥсуа-аурыс ҳәаа аркызарц инапы зҵаиҩыз Аусдҵа.

Иара убри аусдҵала ишыҟоу иааныжьын 14-мштәи акарантин авирус ахьыҟоу аҟынтәи иаауа рзы.

Макьаназ азин ыҟам аҳәааҿтәи баџьдатәи адәқьанқәа русуреи заанаҵы асанаториақәеи асасааирҭақәеи рҿы аҭыԥқәа рҿаҵареи.

Уи аҭакс рашәара 13 рзы Аԥсны ауааԥсыра ргәыԥк аушьҭырҭатә ҭыԥ "Ԥсоу" амитинг ҟарҵеит аҳәаа аартызарц азы. Гагра араион ахада Иури Хагәышь иажәақәа рыла, дара реиҳараҩык Цандрыԥшь инхо, аҳәааҿ аус зуа роуп.

Уи адагьы ԥхынгәы 1 аҟынӡа аус руӡом ахәыҷбаҳчақәа.

Уажәшьҭарнахыс аус рулоит инеиԥынкылан аџьармыкьақәа, имҩаԥгахар алшоит амассатәи, акультуратәи уснагӡатәқәа, русура хацдыркуеит аспортзалқәа, СПА-салонқәа, асаунақәа, амассажтә салонқәа, астоматологиатә кабинетқәа.

Имҩаԥгахалар ҟалоит ачарақәа, аныҳәақәа. Иаартхоит азалқәа, аресторанқәа егьырҭ аобиектқәа.

Убри аан иахьазы Аԥсны COVID-19 рыдбалоуп 37-ҩык, Гәдоуҭатәи ахәышәтәырҭа иҭоуп жәҩык, 27-ҩык ргәы бзиахеит, аӡәы дыԥсит.

Александр Анқәаб: Аԥсни Урыстәылеи рҳәаа макьана иаркызароуп

Жә-гәыԥк

Апарламент ахь адепутатцәа ркандидатура ықәзыргыло апартиақәеи аԥшьгаратә гәыԥқәеи рҭаҩра мҩаԥысуан лаҵара 23 инаркны рашәара 12 рҟынӡа.

Аԥсны АКХ ихнаркәшеит Апарламент ахь адепутатцәа ркандидатура ықәзыргыло апартиақәеи аԥшьгаратә гәыԥқәеи рҭаҩра. АКХ аҿы иҭарҩит акандидатурақәа жәба. Аполитикатә партиақәа ркандидатцәа ықәыдмыргылаӡеит. Кындыӷтәи алхратә ҭыԥ хада №31 аҟнытә Жәлар реизара адепутатрахь Аидар Кәыҵниа, Гарри Кокаиа, Џьансыхә Адлеиба кандидатс рықәыргыларазы аԥшьгаратә гәыԥқәа ҭарҩит Аԥсны АКХ аҿы.

Гәдоуҭатәи алхратә ҭыԥ хада №18 ала ашәҟәы иҭагалоуп Асҭамыр Ахбеи Алхас Ҳагбеи.

Бзыԥтәи алхратә ҭыԥ хада № 10 аҿы Ҭамаз Леибеи Ҭемыр Беиеи рықәыргыларазы аԥшьгаратә гәыԥқәа ҭаҩуп.

Аԥсны Алхратә комиссиа хадаҟны ашәҟәы иҭарҩит Оҭҳаратәи алхратә ҭыԥ хада №14 аҟнытә Жәлар Реизара адепутатрахь Габлиа Робесҭани Алмасхан Барцыци кандидатс рықәыргыларазы аԥшьгаратә гәыԥқәа.

Азакәанԥҵаратә мчраҿы амандатқәа ԥшьба ҭацәуп, атәыла ахада Аслан Бжьаниа, аԥыза-министр Александр Анқәаб, Аҩныҵҟатәи аусқәа рминистр Дмитри Дбар, Гагра араион ахада инапынҵақәа назыгӡо Иури Хагәышь рҭыԥқәа.

Аԥсны АКХ Апарламент ахь акандидатцәа рҭаҩра хнаркәшеит

Аҩбатәи атур иазхәыцны: Аԥсны АКХ адепутатцәа ралхра иадҳәалахо ахарџьқәа аԥхьаӡеит

"Аԥсны агәадура"

Абри амчыбжь азы ихыркәшахеит аиндаҭлара "Аԥсны агәадура" алахәхаразы арзаҳалқәа рыдкылара. Убри аан иалахәхар зҭахыз убри аҟара ирацәан, рашәара 10 аҟынтәи рашәара 12 рахь ииаган аҿҳәара.

Зынӡа ашәҟәы рыҽҭарҩит 150-ҩык. Нанҳәа ма цәыббра рзы акоронавирустә ҭагылазаашьа иаҿырԥшны имҩаԥгахоит аҩбатәи аетап – ахаҭалатә ҿцәажәара.

Убри ашьҭахь афиналбжахь инеиуеит 25-ҩык алахәылацәа. Аицлабра аиҿкааҩцәа афинал аҟны иалырхуеит хәҩык аиааира згаз аҿар рхаҭарнакцәа, урҭ зегьы аҳәынҭқарратә усбарҭақәа рыҟны асура иаладыргоит. Аусура иалагаанӡа Москва аҳәынҭқарратә усбарҭақәа рыҟны астажировка иахысуеит.

"Аԥсны агәадура" - анапхгараҭаҿы аус зур зылшо аҿар реицлаброуп, уи хықәкыс иамоуп Аԥсны Аҳәынҭқарраҿы абаҩхатәра злоу аҿар раарԥшреи рыдгылареи. Аиҿкааҩцәа ргәы излаҭаркыз ала, ари аицлабра анапхгаҩцәа ҿарацәа рзы социалтә цхыраагӡахоит, шьаҭасгьы иазыҟалоит ламыс злоу, зус здыруа абиԥара ҿа рыбзоурала аҳәынҭқарратә аппарат арҿыцра.

Акадр ҿыцқәа

Ииасыз амчыбжь азы акадр ҿыцқәа аҭан. Аслан Бжьаниа адәныҟаекономикатә усқәа рзы ицхырааҩыс ихьӡ иҳәеит Валери Папба, иабжьгаҩыс – Григори Ԥлиа.

Абри аԥхьа Аслан Бжьаниа ицхырааҩыс дҟаҵан Ахрик Аҩӡба.

Уи адагьы Рамаз Џьапуа "Аԥсныбылтәы" адиректор хада инапынҵақәа назыгӡо ҳәа иаҭаразы аусдҵа лнапы аҵалҩит Аекономика аминистр Кристина Озган.

Раули Какалиа АУН "Аԥсныҩынтәхархәара" адиректорс иҟаҵаразы аусдҵа лнапы аҵалҩит аԥыза-министр ихаҭыԥуаҩ, аекономика аминистр Кристина Озган.

Асоциалтә ҳақәа рҿы ицәырҵит аинформациа Аԥсны Абанк ахантәаҩы Беслан Бараҭелиа закәаншьаҭада 40 миллион мааҭ "Аԥсныбылтәы" иатәу Гәдоуҭатәи анефттә база иазоуижьит уажәы атәанчаҩцәа рԥаратә-хсаалақәа рҟынтәи аԥарақәа анырхуеит акредит ахарҭәааразы ҳәа.

Амилаҭтә банк апресс-релиз аҿы иаҳәоит "Сухум-Банк" акредит аҭан иара аклиент – "Аԥсныбылтәы" Гәдоуҭатәи анефттә база акредит анаҭарц азы ҳәа. Акредит ашәара аҿҳәара еиқәшаҳаҭрала ишьақәыргылан: 2017 шықәса, абҵарамза.

Амилаҭтә банк адыррала, акредит иарбоу аамҭазы инагӡаны ишәан. Ури аан иара процент ҳасабла 7 164 036 мааҭ афеида аиуит.

6
Гурам Шоуа

Раионк аԥсҭазаараҟынтә: Шьоууа авирус змоу рзы ахәышәтәырҭақәа рҿы аҭыԥқәа раартразы

6
(ирҿыцуп 19:22 22.09.2020)
Гәылрыԥшьтәи арратә госпиталь аҳақьым хада Гәырам Шьоууа арадио Sputnik аефир аҿы еиҭеиҳәеит акороновирус змоу рзы Агәыӡера ахәышәтәырҭаҿы хазы аҭыԥқәа раартра аус шцо атәы.
Раионк аԥсҭазаараҟынтә: Шьоуа авирус змоу рзы ахәышәтәырҭақа рҿы аҭыԥқәа раартразы

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара мап ацәкра уҳәа убас. Иара уи адагьы, агәабзиарахьчара аминистрра жьҭаара 15 рҟынӡа анапы ианҵоуп Аԥсны, Аҟәа ақалақьи араионқәеи иахьрыҵанакуа иҟоу амедицинатә усҳәарҭақәа рҟны авирус змоу ахаҿқәа рнагарҭа ҭыԥқәа разырхиара.

"Ари ачымазара зыхьуа ҳзаанагоит, урҭ ҳрыхәаԥшуеит нас ишахәҭоу аҭыԥ иқәаҳҵоит, шьоукы аҩныҟа, шьоукы – Гәдоуҭаҟа, аха уи анализқәа рҭак анҳаулак ашьҭахь. Ахәышәтәырҭа атерапиа аҟәшаҿы архиара ҳаҿуп 40-ҩык рҭыԥ ари ачымазара зыхьуа рышьҭаҵаразы, аха макьана хаз аҟәша аашәырты ҳәа адҵа ҳмоуӡац. Иахьазы дҵас иҳамоу: ачымазаҩцәа ашоура змоу, Агәыӡера рыдкылара, нас ишахәҭоу аус рыдулароуп. Ахәышәтәырҭаҿы акоронавирус аҟынтә иахьазы анализ аҭак иазыԥшу ҳәа аӡәгьы дыҟам, зегьы аҩны итәоуп. Дара есымша аҭел ҳарзасуеит, рҭагылазаашьа еилаҳкаауеит. Анализ аҭак анааилак нас рыхәшәтәразы даҽа мҩак ылаҳхуеит. Аҩны рҽырхәышәтәуеит 16-ҩык рҟынӡа", - ҳәа еиҭеиҳәеит Шьоууа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

6

Акоронавирустә хҭыс ҿыцқәа даҽа 59 азгәаҭоуп Аԥсны

12
(ирҿыцуп 20:08 22.09.2020)
Иахьатәи аамҭазы Аԥсны иахьаҵанакуа акоронавирус 1054-ҩык ишрыхьхьоу аарԥшуп. Урҭ рахьтә 311-ҩык апациентцәа ргәы бзиахеит, быжьҩык акоронавирус зыхьуаз рыԥсҭазаара иалҵит.

АҞӘА, цәыббра 22 – Sputnik. Аԥсны даҽа 59-ҩык акоронавирус рцәа ишалаз аадырԥшит ҳәа аанацҳауеит Ауааԥсыра акоронавирус рацәыхьчаразы аоперативтә штаб. 

"Цәыббра 22 рзтәи адыррақәа рыла, иҳаҩсыз уахыки-ҽнаки рзы игәаҭан 198-ҩык ауааԥсыра, урҭ рахьтә адиагноз COVID-19 рзышьақәдырӷәӷәеит 59-ҩык", - ҳәа аарыцҳауеит аоперштаб аҟынтәи.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 98-ҩык апациентцәа, дара зегьы ари адиагноз рзышьақәырӷәӷәоуп, рҭагылазаашьа хьанҭоуп быжьҩык, ибжьаратәуп 31-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа шәрыԥхьар ҟалоит абра>>

12
Атемақәа:
Ачымазара ҿкы – акоронавирус Аԥсни адунеи аҿи: иалкаау