Лифт в Агудзерском госпитале никогда не работал

Агәабзиарахьчара аминистрра Агәыӡератәи агоспиталь аҭагылазаашьа ахҳәаа анаҭеит

8
(ирҿыцуп 15:45 15.06.2020)
Агәыӡератәи арратә госпиталь аҳақьым хада Зураб Ачба Аԥсны ахадеи аԥыза-министри рахь аҳәара ҟаиҵеит агоспиталь аҭагылазаашьа бааԥс лабҿаба ирбарц азы иаҭаарц.

АҞӘА, рашәара 15 – Sputnik. Араионтә хәышәтәырҭақәа хәшәыла реиқәыршәара Агәабзиарахьчара аминистрра анапы ианӡам ҳәа иҳәеит Sputnik аинтервиу азҭаз аминистрра хәшәылеи медицинатә хархәагалеи реиқәыршәаразы аҟәша аиҳабы Ахра Аџьба.

Уаанӡа Агәыӡератәи арратә госпиталь аҳақьым хада Зураб Ачба иазгәеиҭахьан агоспитальи Гәылрыԥшьтәи араионтә хәышәтәырҭеи еидызкыло амедусҳәарҭа хәшәыла Атәылахьчара аминистрра еиқәнаршәоит ҳәа.

"Агәабзиарахьчара аминистрра ахаан акгьы ҳарҭаӡомызт, егьырҭ ахәышәтәырҭақәа ишрырҭо еиԥш - маругоума, хәшәума, акгьы, ахьаахҽыгақәеи, арыҩшьыгақәеи (анаркоз - аред.), ахәыҷтәы лаҵақәеи рыда", - иҳәеит Зураб Ачба.

Ари аҳәамҭа ахҳәаа азуа Ахра Аџьба иазгәеиҭеит абиуџьет ашьақәыргылара иаҿырԥшны араионтә хәыәштәырҭақәа араионтә еиҳабыра еиқәдыршәалароуп ҳәа.

"Уа ҩ-усбарҭак еидуп – араионтә хәышәтәырҭеи агоспитальи. Дара-дара еихыршоит аҟәшақәа, апалатақәа, аиарақәа. Абиуџьет ашьақәыргылара иаҿырԥшны араионтә хәышәтәырҭақәа араионтә еиҳабыра еиқәдыршәалароуп. Ҳара ареспубликатә хәышәтәырҭақәа роуп ҳнапы иану, – иҳәеит Аџьба. – Ареанимациатә уснагӡатәқәа, ахьаахҽра, анаркоз рзы ирҭаху раҳҭоит. Егьырҭ ахәшәқәа рзы дара рхатә биуџьет рымоуп".

Убри аан Агәабзиарахьчара аминистрра иуадаҩу аҭагылазаашьақәа раан, иаҳҳәап акарантин аан араионтә хәышәтәырҭақәа ацхыраара рырҭоит.

"2020 шықәса хәажәкырамзызы мацара акоронавирус ахәышәтәраз мацара миллионки 15 нызқьмааҭ рыхә раҳҭеит. Арахь иаҵанакуеит: арзҩыдагақәа, асабардақәа, анапҭырԥақәа, ахәшәқәа", - ́́хәа азгәеиҭеит аминистрра ахаҭарнак.

Ахра Аџьба иҳәеит аинсулин, ахьаахҽыгақәа, алаҵақәа рыла 2017- 2018 шықәсқәа рзы ахәышәтәырҭа ишазоужьыз ҩ-миллионки 800 нызқьи мааҭ, 2019 шықәса рзы – 4 миллионки 200 нызқьи мааҭ.

Аԥсны Атәылахьчара аминистрра Арратә госпиталь хада Гәылрыԥшь араион Агәӡера аҳаблан игылоуп. Уи аԥҵан жьҭаара 20, 1995 шықәсазы уа иҟаз Аҟәатәи афизика-техникатә институт Амедсанхәҭа аҭыԥан. 2010 шықәсазы ҳақьым хадас даҭан Зураб Ачба.

Иара убас шәаԥхьар ҟалоит:

8

Аԥсны ахада мчыбжьык аамҭа риҭеит афымцалашара ахархәара аларҟәразы

4
(ирҿыцуп 19:11 22.01.2021)
Аԥсны ахада Аслан Бжьаниа ажьырныҳәа 22 рзы аилацәажәара мҩаԥигеит ареспубликаҿы иҟоу аенергетикатә кризис иазкны.

АҞӘА, ажьырныҳәа 22 – Sputnik, Бадраҟ Аҩӡба. Мчыбжьык аҩнуҵҟала араионқәа рҿы афымцалашара ахархәара аларҟәра алымшар, араионқәа рхадацәа, амилициа, апрокурорцәа лахь рыҭахоит. Егьи иааиуа ашәахьазы аҭагылазаашьа аҽеиҭанамкыр – русура иамххоит ҳәа иҳәеит Аԥсны ахада Аслан Бжьаниа ажьырныҳәа 22 рзы аилацәажәараҿ.

"Зегь иаразнакы, аамҭа мгакәа иҟаҵатәуп. Ари апроблема аӡбара Аекономика аминистрреи Аҩнуҵҟатәи аусқәа рминистреи рымацара рықәҵара иашаӡам. Ақыҭақәа рхадацәа зегьы ирдыруеит досу инапы злаку. Мчыбжьык ахы-аҵыхәала аҭагылазаашьа шәнапахьы иаажәгароуп", - ҳәа иҳәеит аҳәынҭқарра ахада.

Иара иажәақәа рыла аенергетика аусхк аҟны аҭагылазаашьа ҷыда ыҟоуп.

"Акризис алҵразы аҭагылазаашьа ҷыдақәа ҳадаҳкылароуп. Сара иҟоу ауп исҳәо", - ҳәа иҳәеит ахада.

2019 шықәса абри аамҭа иаҿырԥшны 2020 шықәса рзы афымцалашара ахархәара иааизакны 21 процент ихалеит. Тҟәарчали Тҟәарчал араиони рҿы – 62 процент, Очамчыра араион - 56 процент, Аҟәа араион - 47 процент, Гәылрыԥшь араион - 31 процент ҳәа арбагақәа рыӡбахә иҳәеит ахада.

"Араионқәа рҿы аштабқәа аԥҵахоит. Урҭ напхгара рыҭареи азеиԥш хылаԥшреи мҩаԥыргоит араионқәа рхадацәа. Аштаб иалахәхоит: амилициа аиҳабы, апрокурор, аенергетик. Иахьа хәылбыҽханӡа шәара шәусурақәа рахь шәнеины, аиԥыларақәа мҩаԥыжәгоит. Ари азҵаара зус алоу аминистрцәа русзуҩцәа иахәҭоу адҵақәа рырҭоит. Аштаб актәи аилатәара анымҩаԥыжәгалак, уаха аԥыза-министр инапынҵақәа назыгӡои ахада Иусбарҭа аиҳаби адырра рышәҭоит аштаб аилатәара шымҩаԥысыз азы", - ҳәа иҳәеит ахада.

Бжьаниа Тҟәарчал араион ахаҭарнак диазҵааит араион аҿы афымцалашара ахархәара азҳара мзызс иамои ҳәа.

"Шәраион аҿы афымцалашара ахархәара азҳара мзызс иаиузеи? Анаплак ҿыцқәа аусура иалагама?" - ҳәа дҵааит Аслан Бжьаниа. Уи аҭак иҭан закәаншьаҭада афымцацәаҳәақәа рыҽрыԥшьра шакәу мзызс иҟоу.

Абри аҩыза азҵаара иҭан Гәылрыԥшь араион ахада Аслан Бараҭелиагьы. Уи иҭакгьы амаининг фермақәа ирыхҟьеит акәын.

Аилацәажәара иалахәын Ашәарҭадаратә хеилак амаӡаныҟәгаҩ Сергеи Шамба, Аҩнуҵҟатәи аусқәа рминистр Дмитри Дбар, "Амшынеиқәафымцамч" адиректор хада Михаил Логәуа, ареспублика ақалақьқәеи араионқәеи рхаҭарнакцәа.

Иара убас шәаԥхьар ҟалоит:

4
Атемақәа:
Аԥсны аенергетика апроблемақәа

Аԥсуа ҳазалхыҩцәа амаининг хархәагақәа аҳәаа рахыгара аԥдырҟәҟәааит

7
(ирҿыцуп 18:42 22.01.2021)
Акриптовалиута аиуразы амаининг азы аусурақәа Аԥсны иахьаҵанакуа иаанкылоуп 2021 шықәса рашәарамза акы азынӡа Аминистрцәа реилазаара аусԥҟа инақәыршәаны, иара абри аамҭазы азин ыҟам амаининг хархәагақәагьы ареспубликахь ралагалара.

АҞӘА, ажьырныҳәа 22 - Sputnik. Аԥсуа ҳазалхыҩцәа амаининг хархәагақәа быжьба аҳәаа рахыгара аԥдырҟәҟәааит ҳәа аанацҳауеит Аԥсны Аҳазалхратә еилакы.

"Ажьырныҳәа 19 2021 шықәсазы аҳазалхратә хылаԥшра азонаҿы аҳазалхырҭатә ҭыԥ "Ԥсоу" амаҵзурауаҩ иааникылеит автотранспорттә хархәага, Урыстәылатәи Афедерациа атәылауаҩ зыԥсҟы икыз. Автомашьына агәаҭараан аидараҭраҿы иԥшаан Аԥсны залагалара азин ыҟам амаининг хархәагақәа быжь-цырак", - ҳәа аҳәоит Аԥсны АЕ адырраҭараҿы.

Абри административтә зинеилагара аганахьала аус нашьҭуп Аԥсны Аҳәынҭқарра Аҳазалхратә еилакы аҳазалхратә ҭҵаарақәа рыҟәшахьы.

Иара убас шәаԥхьар ҟалоит:

7