Ашьапылампыл азы Аԥсны ачемпионат нанҳәазы имҩаԥысуеит

11
Изаамҭанытәиу 27-тәи ачемпионати Атәыла ахраҿеи рзы 2019 шықәса рзы иҟалараны иҟаз ачемпионат афинанстә проблемақәа ирыхҟьаны 2020 шықәса рахь ииаган.

АҞӘА, рашәара 16 – Sputnik. Зыҿҳәара ахыгаз ахәмаррақәа мҩаԥгахоит нанҳәамза алагамҭазы. Абри азы аӡбра рыдкылан Ашьапылампыл азы афедерациаҿ ҳәа Sputnik иазеиҭеиҳәеит Афедерациа ахада Џьума Кәарцхьиа.

"Иҟоуп апроблемақәа змоу акомандақәа. Аха урҭ рыӡбара алшоит. Ачемпионат ҩ-еикәыршаракны имҩаԥысуеит. Иара убасгьы Ахраҿаз ахәмаррақәа мҩаԥгахоит. Ачемпионат жьҭаарамзазы ихыркәшахоит", - иҳәеит иара.

27-тәи ачемпионати Атәыла ахраҿеи рзы ахәмаррақәа ирылахәхоит быжь-командак: "Риҵа", "Афон", "Ерцахә", "Самырзаҟан", "Динамо", "Нарҭ", "Гагра".

"Иҟоуп акомандақәа зԥаразоужьра араионтә биуџьетқәа рҿы иарбоу, иҟоуп зхала зызҵаарақәа зыӡбо. Ҳара урҭ акомандақәа ҳрыцхраауеит", - иҳәеит Афедерациа ахада.

26-тәи ачемпионат иалахәын ф-командак – "Нарҭ", "Гагра", "Риҵа" "Афон", "Самырзаҟан", "Динамо".

Изаамҭанытәиу 27-тәи ачемпионати Атәыла ахраҿеи рзы 2019 шықәса рзы иҟалараны иҟаз ачемпионат афинанстә проблемақәа ирыхҟьаны 2020 шықәса рахь ииаган.

Иара убас шәаԥхьар ҟалоит:

11
Верующие во время празднования дня Крещения Христова у источника Святого Василиска возле села Каман в Республике Абхазия

Аԥсны ауахәамақәа рыҟны Иаса Қьырса Иӡаахра иазку амҵаныҳәара мҩаԥыргоит

6
(ирҿыцуп 10:21 17.01.2021)
Иаса Қьырса Иӡаахра азгәарҭоит ажьырныҳәа 19 рзы. Аныҳәа азкуп Назареҭтәи Иаса Қьырса Иордан аӡы аҟны иӡаахра. Қьырса динаҭит Иоанн Анцәаиажәаҳәаҩ. Арҭ амшқәа рзы ауахәамақәа рҟны имҩаԥысуа аныҳәарақәа Аӡаахра иадҳәалоуп.

АҞӘА, ажьырныҳәа 17-Sputnik. Аиашахаҵаратә қьырсианра иаҵанакуа ауахәамақәа рҟны имҩаԥгахоит Иаса Қьырса Иӡаахра иазку анцәа имҵаныҳәара, абри атәы иҳәеит Аԥсны Аиашахаҵаратә уахәама аиҳабы аб Виссарион (Аԥлиа).

Арҭ амшқәа рзы ауахәамақәа рҟны имҩаԥысуа аныҳәарақәа Аӡаахра иадҳәалоуп. Ажәытәан Иаса Қьырса иирагьы иӡӡаахрагьы мышкы иазгәарҭон. Иара ихазы аҽӡаахра ԥсыхәа амамкәан иҟамызт. Аӡы иҽӡааихит, иҽҭишьит, уи ала адунеи аӡқәа зегьы ррыцқьаразы. Ари аныҳәазы ишыхьҭоугьы, изылшо, згәы иаҭаху аӡы иҭалоит ҩнуҵҟалагьы, цәеижьлагьы аҽрыцқьаразы.

Қьырса ныҳәа инаркны Аӡаахра аҟынӡа (ажьырныҳәа 7 инаркны 19-нӡа) иԥшьоу, ицқьоу амшқәа ҳәа ирышьҭоуп. Аныҳәа мышкы шыбжьоу чгара мшуп.

Аҽӡаахра амшныҳәаз Анцәа дхазҵо иргәаладыршәоит 30 шықәса ирҭагылаз Иаса Қьырса Галилеинтәи аӡиас Иордан ашҟа дышнеиз иҽӡааихырц азы. Иара аӡы данҭыҵуаз адунеи зегьы ирбарҭахеит Анцәа-Аб, Анцәа-Аԥа, аҳәыҳә асахьа зманы Иаса Қьырса ижәҩахыр иқәтәаз Анцәа-Иԥшьоу идоуҳа.

Аӡаахра амшныҳәа ақьырсианцәа иазгәарҭо иалагеит апостолтә аамҭақәа рзы. Ажәытәан Қьырсеи Анцәаибареи мышкны иҟан, аха аамҭақәак рыла ауахәама урҭ аныҳәақәа еиднагеит. Есышықәса Аӡаахра амш аҽни аухеи аиашахаҵаратә уахәамақәа рҟны аҵак дуӡӡа змоу аӡыԥшьара мҩаԥыргоит.

6
Линии электропередач

Аҟәа ахәҭак лашарада иаанхеит аҵла афымцацәаҳәақәа иахьрықәҳаз иахҟьаны

4
Аҭыԥ ахь инеит амашәыр ахҟьаԥҟьақәа аԥызхуа абригадақәа, афымцалашара амҽыша асааҭ 15:00 рҟынӡа инеиҭашьақәдыргыло рҳәеит.

АҞӘА, ажьырныҳәа 17 - Sputnik. Аҟәа адендропарк аҿы икаҳаз аҵла афымцацәаҳәақәа хәба аԥхасҭа рынаҭеит, уи иахҟьаны Синопи Турбазеи рыбжьара иҟоу араион фымцалашарада иаанхеит ҳәа аанацҳауеит АУН "Амшынеиқәафымцамч".

Иазгәаҭоуп аԥхасҭа шроуз 10-тәи, 11-тәи афидерқәа (аихшарҭатә цәаҳәақәа - азгә.).

Аҭыԥ ахь инеит амашәыр ахҟьаԥҟьақәа аԥызхуа абригадақәа, афымцалашара амҽыша асааҭ 15:00 рҟынӡа еиҭашьақәдыргылоит рҳәеит.

4