Бжьаниеи Аԥсны иҟоу Урыстәыла ахаҭарнакцәеи Аиҩызаразы аиқәшаҳаҭра иалацәажәеит

19
(ирҿыцуп 14:55 17.06.2020)
Аԥсны ахада Аслан Бжьаниеи Аԥсны иҟоу Урыстәыла ахаҭарнакцәеи Аиҩызареи астратегиатә партниорреи рзы аиқәшаҳаҭра атәылахьчареи ашәарҭадареи рызҵаарақәа ирызку ахәҭа анагӡашьа иалацәажәеит.

АҞӘА, рашәара 17 – Sputnik. Аслан Бжьаниа Аԥсны иҟоу Урыстәыла Ацҳаражәҳәарҭа, Афедералтә шәарҭадаратә маҵзура аусбарҭа, Атәылахьчареи Аҩнуҵҟатәи аусқәа рминистррақәеи рхаҭарнакцәа идикылеит рашәара 17 рзы.

"Ҳаизыҟазаашьақәа ирымоу аиҩызаратә шьаҭа азгәаҭо, иазысыԥхьаӡоит Аԥсны аҵакыраҿ иҟоу Урыстәыла ахаҭарнакцәеи ҳареи аинырра ӷәӷәа ҳамазароуп ҳәа. Иааиуа амчыбжь азы Аиааира апарад алахәхаразы Москваҟа сцоит. Уахь сцаанӡа исҭахын ҩ-ганктәи аусеицура иазку азҵаарақәак ҳрылацәажәарц", - иҳәеит ахада.

Аслан Бжьаниа ажәалагала ҟаиҵеит 2014 шықәса рзы напы зҵаҩыз Аиқәшаҳаҭра аԥҟарақәак ирылацәажәарц.

"Ирацәоуп инагӡоу ауснагӡатәқәа, иҟоуп макьана ҳазхьымӡац. Аиқәшаҳаҭра азырхан ҳаизыҟазаашьақәа аимпульс ҿыц рыҭара. Иара аусура Аԥсны аиԥш Урыстәыла ауааԥсыра рызгьы хра аманы иҟоуп", - азгәеиҭеит иара.

© Sputnik
Аԥсны Ахада Аслан Бжьаниеи Аԥсны иҟоу Урыстәыла Ацҳаражәҳәаҩ Алексеи Двинианини

Аԥсны иҟоу Урыстәыла Ацҳаражәҳәаҩ Алексеи Двинианин иазгәеиҭеит урыстәылатәи аган шазыхиоу аҳәынҭқаррабжьаратә документқәа зегьы рылацәажәара.

"Иазгәасҭар сҭахуп Адәныҟаполитикатә ԥшьгамҭақәа рганахьала напы зҵаҩу аиқәшаҳаҭра иахәҭаку Аԥсни Урыстәылеи рыдәныҟаполитикатә усҳәарҭақәа рыбжьара амеморандум ԥкырак амамкәа аус шауа. Сгәы иаанагоит атәылахьчара, ашәарҭадара, асоциал-економикатә ҿиара рганахьалагьы аиқәшаҳаҭра аҭагылазаашьақәа нагӡахоит ҳәа", - иҳәеит Ацҳаражәҳәаҩ.

Аслан Бжьаниа ажәалагала ҟаиҵеит аиқәшаҳаҭра ахәбатәи ахәҭаҷ – атәылахьчареи ашәарҭадареи рзеиԥш ҵакыра атәы иалацәажәарц, ажәадгалагьы ҟаиҵеит еидҵоу азеиԥш гәыԥ аԥҵазарц.

"Ари аиԥш агәыԥ аԥҵатәуп аҳәынҭқарратә ҳәаа аицыхьчаразы. Агәыԥ аԥҵоуп, аха аматериал-техникатә еиқәыршәара аганахьала инагӡам азҵаарақәа", - иҳәеит ахада, иагьациҵеит Аԥсни Урыстәылеи рхадацәа рнапы зҵаҩу аиқәшаҳаҭра анагӡара аҵак ду шамоу.

Абри ашьҭахь аиԥылара иацырҵеит ажурналистцәа аламырхәӡакәа.

Аиԥылара иалахәын Аԥсны иҟоу Урыстәыла Ацҳаражәҳәаҩ Алексеи Двинианин, Афедералтә шәарҭадаратә маҵзура Аҳәаахьчаратә усбарҭа аиҳабы Алексеи Трубецкои, Урыстәылатәи абыжьбатәи арратә база адҵаҟаҵаҩ Олег Сеньков, Ацҳаражәҳәарҭа абжьгаҩцәа Александр Опарини Владислав Нечипоренкои, Аԥсны иҟоу Урыстәыла ААР ахаҭарнак Станислав Апсаваи.

Иара убас шәаԥхьар ҟалоит:

19

Раионк аԥсҭазаараҟынтә: Гамгьиа авирус змоу Гал рыхәышәтәразы

30
(ирҿыцуп 20:03 28.09.2020)
Гал араион ахәышәтәырҭа хада аҳақьым хада Асҭамыр Гамгьиа арадио Sputnik аефир аҿы еиҭеиҳәеит акоронавирус змоу рзы Галтәи ахәышәтәырҭаҿы хазы аҭыԥқәа раартра аус шцо атәы.
Раионк аԥсҭазаараҟынтә: Гамгиа авирус змоу Гал рыхәшәтәразы

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара мап ацәкра. Иара уи адагьы, агәабзиарахьчара аминистрра жьҭаара 15 рҟынӡа анапы ианҵоуп Аԥсны, Аҟәа ақалақьи араионқәеи иахьрыҵанакуа иҟоу амедицинатә усҳәарҭақәа рҟны авирус змоу ахаҿқәа рнагарҭа ҭыԥқәа разырхиара.

"Амза 15 рҟынӡа еиқәыршәатәуп аҟәша. Иҳаԥшааит аҭыԥ. Усҟан ацхыраара лас астанциа ахьыҟаз аҭыԥ аҿы 10 каруаҭк алаҳхырц азы. Асмета ҟаҳҵеит, иаҭаху азы ашәҟәқәа ҳҩит, иааиуа амшқәа рзы иҳашьҭуеит. Иаарласны ашоура змоу зегьы убри аҟәшахьы инаганы, акоронавирус азы анализқәа ҟарҵаанӡа уа иҟалоит. Аҳақьымцәа уаҟа аус зуло алҳаԥшаахьеит, амедиаҳәшьцәа ракәзар, урҭгьы ҟалоит. Иааиуа амзазы Гәдоуҭатәи ахәышәтәарҭахь иҳашьҭраны иҟоуп бригадак, урҭ еиқәҳаршәахьеит. Сгәы ианаагоит аҳақьымцәа уаарыдтәалан ишрыхәҭоу аинформациа дара рҟынӡа инаугар, аҿкы ахәышәтәра ҳҭахым ҳәа зҳәо даара имаҷхоит. Аибашьраан доусы иара иус идыруан, уажәы аҭынч ԥсҭазаараҿгьы џьара гәаҟрак ҟалар, аҳақьымцәа ирдыруазароуп дара рыда ажәлар ԥсыхәа шрымам", - ҳәа еиҭеиҳәеит Гамгьиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

 

30

Аҭара ақыҭан иаадыртит Аԥсны Аџьынџьтәылатә еибашьраҿы иҭахаз рбаҟа

13
(ирҿыцуп 19:21 28.09.2020)
Цәыббра 30 рзы Аԥсны иазгәарҭоит 1992-1993 шықәсқәа рызтәи Аԥсныжәлар Рџьынџьтәылатә еибашьраҿы Аиааира 27 шықәса ахыҵра.

АҞӘА, цәыббра 28 – Sputnik. Очамчыра араион Аҭара ақыҭан имҩаԥган Аԥсныжәлар Рџьынџьтәылатә еибашьраҿы иҭахаз рбаҟа аартра ацеремониа.

Аԥсны ахада Аслан Бжьаниа ипресс-маҵзура ишаанацҳаз ала, ахада ихатә ԥараны 220 нызқь мааҭ алеигалеит иҭахаз рбаҟа аиҭашьақәыргыларазы.

Аҭара ақыҭан иаадыртит Аџьынџьтәылатә еибашьраҿы иҭахаз рбаҟа

Ацеремониа атәыла ахада идагьы иалахәын ахада Иусбарҭа анапхгаҩы Алхас Кәыҵниа, ихаҭыԥуаҩ Зураб Қаџьаиа, Очамчыра араион ахадара, Атәылахьчара аминистрра ахаҭарнакцәа, Апарламент адепутатцәа, Нхыҵ Кавкази Алада Урыстәылеи рҟынтәи хатәгәаԥхарала еибашьуаз, ауаажәларра рхаҭарнакцәа, ақыҭа ауааԥсыра.

Уаанӡатәи адыррақәа рыла, 1992-1993 шықәсқәа рызтәи Аԥсныжәлар Рџьынџьтәылатә еибашьраҿы аиааира 27 шықәса ахыҵра иазкыз ауснагӡатәқәа рыхәҭак аԥыхуп аепидемиологиатә ҭагылазаашьа иахырҟьаны.

Иара убас шәаԥхьар ҟалоит:

 

13