Бжьаниа абизнес ацхрааразы адҵа инапы аҵаиҩит

23
(ирҿыцуп 23:13 17.06.2020)
Аслан Бжьаниа акоронавирустә инфекциа алаҵәоит ҳәа ашәарҭара аныҟоу аамҭазы анаплакратә усура асубиектқәа рыцхрааразы аусмҩаԥгатәқәа ирзырхоу адҵа инапы аҵаиҩит ахаша, рашәара 17 рзы.

АҞӘА, рашәара 17 - Sputnik. Аслан Бжьаниа акоронавирустә инфекциа алаҵәоит ҳәа ашәарҭара аныҟоу аамҭазы анаплакратә усура асубиектқәа рыцхрааразы аусмҩаԥгатәқәа ирзырхоу адҵа инапы аҵаиҩит ҳәа аанацҳауеит ахада исаит.

Адокумент инақәыршәаны, Аминистрцәа реилазаара рашәара 25, 2020 шықәсазы аус адуланы ашьақәырӷәӷәарахь инанашьҭроуп анаҩстәи аԥҟарақәа ҭышәынзыртәало актқәа:

  • Аԥсны Аҳәынҭқарра Аминистрцәа реилазаарала ишьақәыргылоу зусура аҿҳәара нҵәахьо ма мшаԥы 1 инаркны ԥхынгәы 1, 2020 шықәса рҟынӡа зыҿҳәара нҵәо аиуристтә хаҿқәеи ахатәхаҿқәеи рақәиҭтәратәи егьырҭ рдокументқәеи, убри ахыԥхьаӡараҿы хазы игоу аусура амҩаԥгарази, (ма) иалкаау ршьаҿақәа рзи ақәиҭтәра (алицензиа) ԥхынҷкәын 31, 2020 шықәса рҟынӡа аҿҳәара анахаразы;
  • ареспубликатә мазаразы қьыралатәи аиқәшаҳаҭрақәа рыла ақьыратә хәԥсаҟынтәи шьаҭанкыла рхы рақәиҭтәразы ма хәҭакахьала рхы рақәиҭтәразы.

Ԥхынгәы 1 аҟынӡа Аминистрцәа реилазаара аус адуланы ахада идыргалароуп аус зуа азакәанԥҵара анаҩсантәи ахәҭақәа рахь аиҭакрақәа ралагаларазы азакәанԥҵаратә актқәа рпроектқәа:

  • Аԥсны Аҳәынҭқарра аҵакыраҿы аҳәаанырцә тәылауааи атәылауаҩра змам ахаҿқәеи атәылаҟны рыҟазаара аҿҳәареи русура анагӡареи рҭышәныртәалара;
  • ашәахтәи аҳазалхратәи гәаҭарақәа ирыҵаркуа аусмҩаԥгатәқәа раанкылара, раԥыхра, ма рыҿҳәара анахара;
  • ашәахтәқәа, аизгақәа, абаџьқәа ршәареи егьырҭ аҳәынҭқарратә биуџьети ибиуџьеттәым афондқәеи рахь ралагаларазы илырхуа хымԥадатәи ашәарақәеи Аԥсны Аҳәынҭқарра азакәанԥҵарала ишьақәыргылоу рыҿҳәарақәа рыцҵара.

Адҵа шынарыгӡо ахылаԥшра инапы ианҵоуп атәыла аԥыза-министр.

Иара убас шәаԥхьар ҟалоит:

23
Верующие во время празднования дня Крещения Христова у источника Святого Василиска возле села Каман в Республике Абхазия

Аԥсны ауахәамақәа рыҟны Иаса Қьырса Иӡаахра иазку амҵаныҳәара мҩаԥыргоит

6
(ирҿыцуп 10:21 17.01.2021)
Иаса Қьырса Иӡаахра азгәарҭоит ажьырныҳәа 19 рзы. Аныҳәа азкуп Назареҭтәи Иаса Қьырса Иордан аӡы аҟны иӡаахра. Қьырса динаҭит Иоанн Анцәаиажәаҳәаҩ. Арҭ амшқәа рзы ауахәамақәа рҟны имҩаԥысуа аныҳәарақәа Аӡаахра иадҳәалоуп.

АҞӘА, ажьырныҳәа 17-Sputnik. Аиашахаҵаратә қьырсианра иаҵанакуа ауахәамақәа рҟны имҩаԥгахоит Иаса Қьырса Иӡаахра иазку анцәа имҵаныҳәара, абри атәы иҳәеит Аԥсны Аиашахаҵаратә уахәама аиҳабы аб Виссарион (Аԥлиа).

Арҭ амшқәа рзы ауахәамақәа рҟны имҩаԥысуа аныҳәарақәа Аӡаахра иадҳәалоуп. Ажәытәан Иаса Қьырса иирагьы иӡӡаахрагьы мышкы иазгәарҭон. Иара ихазы аҽӡаахра ԥсыхәа амамкәан иҟамызт. Аӡы иҽӡааихит, иҽҭишьит, уи ала адунеи аӡқәа зегьы ррыцқьаразы. Ари аныҳәазы ишыхьҭоугьы, изылшо, згәы иаҭаху аӡы иҭалоит ҩнуҵҟалагьы, цәеижьлагьы аҽрыцқьаразы.

Қьырса ныҳәа инаркны Аӡаахра аҟынӡа (ажьырныҳәа 7 инаркны 19-нӡа) иԥшьоу, ицқьоу амшқәа ҳәа ирышьҭоуп. Аныҳәа мышкы шыбжьоу чгара мшуп.

Аҽӡаахра амшныҳәаз Анцәа дхазҵо иргәаладыршәоит 30 шықәса ирҭагылаз Иаса Қьырса Галилеинтәи аӡиас Иордан ашҟа дышнеиз иҽӡааихырц азы. Иара аӡы данҭыҵуаз адунеи зегьы ирбарҭахеит Анцәа-Аб, Анцәа-Аԥа, аҳәыҳә асахьа зманы Иаса Қьырса ижәҩахыр иқәтәаз Анцәа-Иԥшьоу идоуҳа.

Аӡаахра амшныҳәа ақьырсианцәа иазгәарҭо иалагеит апостолтә аамҭақәа рзы. Ажәытәан Қьырсеи Анцәаибареи мышкны иҟан, аха аамҭақәак рыла ауахәама урҭ аныҳәақәа еиднагеит. Есышықәса Аӡаахра амш аҽни аухеи аиашахаҵаратә уахәамақәа рҟны аҵак дуӡӡа змоу аӡыԥшьара мҩаԥыргоит.

6
Линии электропередач

Аҟәа ахәҭак лашарада иаанхеит аҵла афымцацәаҳәақәа иахьрықәҳаз иахҟьаны

3
Аҭыԥ ахь инеит амашәыр ахҟьаԥҟьақәа аԥызхуа абригадақәа, афымцалашара амҽыша асааҭ 15:00 рҟынӡа инеиҭашьақәдыргыло рҳәеит.

АҞӘА, ажьырныҳәа 17 - Sputnik. Аҟәа адендропарк аҿы икаҳаз аҵла афымцацәаҳәақәа хәба аԥхасҭа рынаҭеит, уи иахҟьаны Синопи Турбазеи рыбжьара иҟоу араион фымцалашарада иаанхеит ҳәа аанацҳауеит АУН "Амшынеиқәафымцамч".

Иазгәаҭоуп аԥхасҭа шроуз 10-тәи, 11-тәи афидерқәа (аихшарҭатә цәаҳәақәа - азгә.).

Аҭыԥ ахь инеит амашәыр ахҟьаԥҟьақәа аԥызхуа абригадақәа, афымцалашара амҽыша асааҭ 15:00 рҟынӡа еиҭашьақәдыргылоит рҳәеит.

3