Восстановление кровли второй школы после пожара, 17 июня 2019

Аекономика аминистрра: Аҟәатәи ашкол №2 аремонт мызкы аҩныҵҟала ихыркәшахоит

9
(ирҿыцуп 13:02 18.06.2020)
Аҟәатәи абжьаратә школ №2 аиҭашьақәыргыларазы аусурақәа мызқәак иаанкылан, урҭ мышқәак раԥхьа ихацыркхеит ҳәа лҳәеит Аекономика аминистр Кристина Озганԥҳа.

АҞӘА, рашәара 18 - Sputnik. Аекономика аминистр Кристина Озганԥҳа илҳәеит Пушкин ихьӡ зху Аҟәатәи ашкол №2 аремонт амза аҩныҵҟа ихыркәшахоит ҳәа. Абри атәы аанацҳауеит аминистрра асаит.

Аусбарҭа адыррақәа рыла, ашкол аиҭашьақәыргылара мҩаԥысуеит Аԥсны аҳәынҭбиуџьет аҟынтәи, асметатә хәыԥса - 72,9 миллион мааҭ. Иахьазы иазоужьуп 68 миллион. Аобиект азырхиоуп 80% рыла.

"Аиҳабыра ашкол аиҭарҿыцра азырхианы аобиект аҵара иазырхиатәуп ҳәа адҵа ҟарҵоит", - лҳәеит Кристина Озганԥҳа.

Уаанӡа лара Гәыматәи амҩа аиҭашьақәыргылара иахьаҿу днеины игәалҭеит аусурақәа шцо. Иазгәаҭан анардадаҩцәа Каманҟа узлацо амҩа аиҭашьақәыргыларазы аусурақәа рыграфик шеиларгаз. Ҿыц иадԥхьалан анардадаҩцәа. Иахьатәи аамҭазы Аԥсны Акапиталтә ргылара аусбарҭа аиҳабы ихаҭыԥуаҩ Демир Гамсаниа иажәақәа рыла, аусурақәа мызк аҩныҵҟа ихыркәшахоит.

Озганԥҳа иара убасгьы даҭааны илбеит Аинвестпрограмма 2017-2019 иаҵанакуа Тҟәарчалтәи ахәышәтәырҭаҿы аусурақәа рцашьа.

Мызкы аԥхьа анардадаҩ инаигӡаз аусурақәа аҽыԥныҳәа рыҭан. Уажәазы адәахьтәи аусурақәеи аҩныҵҟатәи аусурақәеи еиҭахацыркуп. Анардадаҩ арҽеирақәа мҩаԥигоит.

Арҭ аобиектқәа рзы асметатә документациа хиоуп лассы аекспертиза ҟаҵахоит ҳәа лҳәоит Кристина Озганԥҳа.

Иара убас шәаԥхьар ҟалоит:

9

Аԥсны 134-ҩык акоронавирус рыдырбалеит, аӡәы лыԥсҭазаара далҵит

8
(ирҿыцуп 19:13 22.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 3306-ҩык ыҟоуп. Урҭ рахьтә ргәы бзиахеит 1289-ҩык, рыԥсҭазаара иалҵит 33-ҩык.

АҞӘА, жьҭаара 22- Sputnik. Иҳаҩсыз уахыки-ҽнаки рыла COVID-19 рцәа иалоу иаламу аилкааразы атестқәа 445-ҩык ирзыҟаҵан, урҭ рахьтә 134-ҩык акоронавирус адиагноз рзышьақәырӷәӷәоуп ҳәа аанацҳауеит Ауааԥсыра акоронавирус рацәыхьчаразы аоперативтә штаб.

Жьҭаара 21 рзы Гәдоуҭатәи агоспиталь аҿы лыԥсҭазаара далҵит 61 шықәса зхыҵуаз акоронавирус адиагноз ззышьақәырӷәӷәаз апациент, лара аҿкчымазаратә ҟәша дҭашәеит жьҭаара 18 рзы. Иақәнагаз атерапиа шизымҩаԥыргозгьы лдунеи лыԥсахит.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 148-ҩык апациентцәа, урҭ рахьтә 123-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 27-ҩык, ибжьаратәуп - 62-ҩык, илҩаауп 11-ҩык апациентцәа. Гәдоуҭатәи агоспиталь уахыки-ҽнаки рыла иҭашәеит 11-ҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбало 21-ҩык апациентцәа. 20-ҩык рҭагылазаашьа бжьаратәуп ҳәа иԥхьаӡоуп, аӡәы-иҭагылазаашьа бааԥсуп.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

8
Атемақәа:
Ачымазара ҿкы – акоронавирус Аԥсни адунеи аҿи: иалкаау

Жьиба ацитрустә шәырқәа рзы: иҿала иҿамла есышықәса ихәшәтәлатәуп, аҩара рзымариоуп

4
(ирҿыцуп 18:42 22.10.2020)
Гагра араион Асычқәа ақыҭан иҟоу ацитрустә ааӡарҭа қьырала измоу Аркади Жьиба арадио Sputnik аефир аҿы еиҭеиҳәеит ашәырҵлақәа ишахәҭоу рааӡаразы ихымԥадатәны иҟоу.
Раионк аԥсҭазаараҟынтә: Жьиба ацитрустә шәырқәа рзы

"Ара еиҭаҳау ацитрустә шәырқәа асовет аамҭазы иаԥҵаз абаҳчақәа роуп. Аибашьра ашьҭахь дара рышьақәыргылара уадаҩын аҟнытә ажәлар ишаны ирырҭеит қьырала. Жәашықәсаҟа ҵуеит ҳхала нап адкыла иныҟәаҳгоижьҭеи. Аколнхара аҟынтә ииасыз 300 шьапы рҟынӡа сымоуп, иара ус схатәгьы 200 шьапы рҟынӡа ыҟоуп. Ацитрус анапы адукылар, ианахәҭоу ахәшә ауҭар, уацхраар, аҽаҩра уоуеит, аха иара акалашәа иҟоуп, шықәсык аҽаҩра бзиоуп, шықәсык ибжьанажьуеит. Аха иҿамла иҿала есышықәса ихәшәтәлатәуп, мамзар, иҩоит, уи рзымариоуп, избанзар, ақәра ду рымоуп шьҭа. Аиҭаҳатә аԥшаара уадаҩуп, иара ахәгьы маҷӡам, шықәсык зхыҵуа ашьаҭа 250 -500 мааҭ рҟынӡа инеиуеит", - еиҭеиҳәеит Жьиба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

4