Зрители

"Оскар", "Аҿар рыбжьы", "Цилиндр": акарантиншьҭахьтәи акультуратә афиша

17
(ирҿыцуп 17:48 18.06.2020)
Рашәара 15 инаркны Аԥсны акарантинтә уснагӡатәқәа рԥсыҽуп. Уажәшьҭарнахыс иҟалоит амассатә-культуратә, аспорттә, агәмырҿыӷьгатә, ацәыргақәҵатә уснагӡатәқәа рымҩаԥгара.

Аԥкырақәа раԥыхра акультура аусҳәарҭақәа рзы ныҳәак иаҩызахеит. Уажәшьҭарнахыс аҩны иҩнаханы иҟаз ҳуааԥсыра џьара инҭыҵны аԥсшьаразы алшара роуеит.

Асмаҭ Ҵәыџьԥҳа, Sputnik

Атеатртә мшқәа

Уаҵәы иаатуеит РУСДРАМ ашәқәа раԥхьатәи ахәаԥшыҩцәа рзы. Урҭ ирыдгалахоит акомедиа "Оскар". Атеатр адиректор Иракли Хынҭәба ишиҳәо ала, актиорцәа асценеи ахәаԥшцәеи гәхьааганы иҟоуп. Аха атеатр ахь анеира зегьы ирзалмыршар ауеит, 500 ҭыԥ ахьыҟоу 200 билеҭ ракәхоит ирҭиуа. Уи зыхҟьо асоциалтә дистанциа иахьықәныҟәатәу ауп.

"Ахәаԥшыҩцәа рыртәараҿы ҳара акапсулатә метод ҳхы иаҳархәоит. Ахәаԥшцәа рыбжьара аҭыԥ ҭацәқәа ҟалоит. Ауаа еицны иааизар, усҟан еидтәалар алшоит. Аха урҭ ргәыԥи даҽа гәыԥки рыбжьара иҭацәызароуп. Ҳара акоронавирус алаҵәараз ашәарҭара ыҟам ҳәа иҳазшьом, убри азы ҳахәаԥшцәа ршәарҭадаразы иахәҭоу мҩаԥаагоит", - иҳәеит иара.

Аԥсуа драматә театр акәзар, аԥхьарбарахь ааԥхьара ҟанаҵоит ԥхынгәы 7 рзы.

Ахәаԥшцәа ирыдгалахоит атрагикомедиа "Цилиндр" (италиатәи акомедиограф Едуарда де Филиппо ипиеса, арежиссер - Бенар Ақаҩба). Аԥхьарбарахь изымнеиуа ирылшоит аспектакль ԥхынгәы 8 рзы абара.

Ԥхынгәы 16 рзы асценахь ихынҳәуеит Ромеои Џьульеттеи. Пхынгәы 23 Аԥсны аҳәынҭқарратә абираҟ Амш азы Аҳәынҭқарратә хортә капелла атеатр аконцерттә зал аҿы ақәгылара мҩаԥнагоит. Ԥхынгәы 28 рзы иқәыргылахоит аспектакль "Семра" (Рушьбеи Смыр ипоема иалху, арежиссиорр - Мадина Аргәынԥҳа).

Амузыкатә еиндаҭларақәеи араионқәа рҿы аныҳәақәеи

Есышықәса Аԥсны имҩаԥысуеит аҿар рхы ахьԥыршәо аиндаҭлара "Аҿар рыбжьы". Сынтәа апандемиа иахырҟьаны уи аҿҳәара инахан, аха акарантин анахырх ԥхынгәы 15 рзы имҩаԥгахоит.

"Ҳара аиндаҭлара "Аҿар рыбжьы" хымԥада имҩаԥгатәны иаҳшьоит, избанзар ргәы ҭамгыло иазыԥшуп, традицианы иҟалахьеит. Ибжьаҳажьыр аҿар агәаҳәара рцәыӡыр алшоит. Ҳара иаҳхықәку урҭ аҟазара радҳәалараоуп", - иҳәеит Sputnik аҿы Жәлар рҟазара ацентр аиҳабы Нури Кәарҷиа.

Иара иазыԥхьагәеиҭоит араионтә ансамбльқәа реиндаҭлара ашәаҳәара аганахьала, аха макьаназы уи арыцхә шьақәыргылам. Жәларбжьаратәи афестивальқәа сынтәа имҩаԥымсыр алшоит иҟоу афинанстә ҭагылазаашьагьы инадҳәаланы.

Ԥхынгәы 23 рзы Гагра иаздырхиоит Аԥсны жәлар Рџьынџьтәылатә еибашьраан иҭахаз рбаҟа аҿаԥхьа аконцерт амҩаԥгара.

Ԥхынгәы 24 рзы Гәылрыԥшь Аиааира ду 75-шықәса ахыҵра амш азгәарҭоит. Араион ахадара, ашколхәыҷқәа, Аԥсны иҟоу Россотрудничество ахаҭарнакцәа амаланыҟәатә еиԥхныҩлара мҩаԥыргоит, нас аибашьраан иҭахаз рбаҟа амҵан ашәҭшьыҵәрақәа шьҭарҵоит.

Ԥхынгәы 3 рзы Гәылрыԥшь Акультура ахан аҿы аушьҭымҭацәа аттестатқәа рыҭара ацеремониа мҩаԥгахоит.

Иара убас шәаԥхьар ҟалоит:

17

Аршба Тҟәарчал АҶА аҟәша аусура иазкны: ҳмашьынақәа еснагь аҭыҵра иазыхиоуп

1
(ирҿыцуп 19:39 05.08.2020)
Тҟәарчал араион аҿы иҟоу АҶА аҟәша аиҳабы Едуард Аршба арадио Sputnik Аԥсны аефир аҿы еиҭеиҳәеит амцарцәаратә ҟәшаҿы аусура шеиҿкаау, насгьы ауааԥысра рҟнытә ироуа азыҳәақәа ртәы.
Раионк аԥсҭазаараҟынтә: Аршба Тҟәарчал АҶА аҟәша аусура иазкны

"Тҟәарчал иаҵанакуа абылраҽацәыхьчаратә маҵзура еиқәшәоуп 32-ҩык аусзуҩцәа рыла, амцарцәагатә машьынақәа ракәзар, ҩба ҳамоуп. Амашьынакәа еиқәшәоуп, дара еснагь аҭыҵра иазыхианы игылоуп. Ашьыжь аусура иааиз амацарцәаҩцәа амашьынақәа гәарҭоит. Мышкы аус руеит быжьҩык, урҭ рахьынтә иҟоуп амцарцәаҩцәа, аҟарул аиҳабы, амашьынарныҟәцаҩ, аҭел иаҿатәоу. Амцарцәарақәа рыдагьы иҟоуп аҭагылазаашьақәа аҭыҵра анҳақәшәо ақалақь аҭахрақәа рзы. Иара уи адагьы ауааԥсыра рырахә-рышәахә џьара машәырк ахьзаргьы ианаҳзасуа ыҟоуп. Егьырҭ араионқәа рҿы џьа машәырк ҟалазаргьы, Тҟәарчалтәи амцарцәаратә ҟәша ацхырааразы иҭыҵуеит. Ус, Гал аӡхыҵра аныҟаз ауааԥысра ацхыраара рыҭаразы ааԥхьара ҳаман", - ҳәа еиҭеиҳәеит Аршба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

1

Акоронавирустә хҭыс ҿыцқәа ҩба аарԥшуп Аԥсны

2
(ирҿыцуп 19:13 05.08.2020)
Абри аамҭазы Гәдоуҭатәи ахәышәтәырҭаҿы ишьҭоуп акоронавирус зцәа иалоу 37-ҩык апациентцәа.

АҞӘА, нанҳәа 5 - Sputnik. Даҽа ҩыџьа Аԥсны ауааԥсыра акоронавирус рыдбалоуп ҳәа аанацҳауеит Ауааԥсыра акоронавирустә ҿкы рацәыхьчаразы аоперативтә штаб.

"Ииасыз уахыки-ҽнаки рыла акоронавирустә чымазара амазааразы агәаҭара иахысит 105-ҩык ауааԥсыра. Урҭ рахьтә адиагноз COVID-19 рзықәыргылоуп ҩыџьа. Ачымазцәа ирныруаз ауаа ргәаҭарақәа ирыцҵахоит", - ҳәа аҳәоит аштаб аацҳамҭа.

Иахьазы Аԥсны акоронавирус здырбалахьоу рхыԥхьаӡара 109-ҩык ыҟоуп. Урҭ рахьтә 37-ҩык ргәы бзиахеит, хҩык рыԥсҭазаара иалҵит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

2
Атемақәа:
Ачымазара ҿкы – акоронавирус Аԥсни адунеи аҿи: иалкаау