Госкомитет Республики Абхазия по репатриации

Агәаҭаратә палата иаанарԥшит арепатриациа афонд аҟны ихықәкылатәым аԥараныхра аҭыԥ шамаз

25
(ирҿыцуп 19:18 18.06.2020)
Аԥшьаша, рашәара 18 рзы имҩаԥысыз Апарламент аилатәараҿы адепутатцәа ирыдыркылеит 2018 шықәсазы Арепатриациа афонд абиуџьет шынагӡаз азы ақәҵара.

АҞӘА, рашәара 18 – Sputnik. Аԥсны Агәаҭаратә палата иаанарԥшит арепатриациа афонд аҟны ихықәкылатәым аԥарахархәара аҭыԥ шамаз ҳәа аҳәамҭа ҟалҵеит Абиуџьети, акредиттә еиҿкаарақәеи, ашәахтәқәеи, афинансқәеи рзы аилак ахантәаҩы Натали Смыр.

"Ҳнапаҿы иаҳку аҳасабырбақәа ишаҳдырбо еиԥш, Агәаҭаратә палата иаанарԥшит арепатриациа афонд аҟны ихықәкылатәым, ихырҳагам аԥарахархәара аҭыԥ шамаз. 2018 шықәсазы ирепатриантцәам рзы иаахәан х-миллионки 800 нызқьи мааҭ ҳәа ауаҭахи ҩбеи бжаки миллион мааҭ ҳәа аҩни", – лҳәеит лара.

Ауаҭах изаахәан уаанӡатәи Аԥсны Ашәарҭадаратә хеилак амаӡаныҟәгаҩ Муҳамед Кьылба ҳәа азгәалҭеит адепутат.

Афинанстә еилагарақәа рахьтә Агәаҭаратә палата иалнакааит убасгьы миллионк мааҭ инареиҳаны изықәхарџьхаз апальмақәа раахәара, урҭ Аҳәынҭеилакы ашҭаҿы еиҭаҳан.  

Адепутат иацылҵеит убасгьы, арепатриант истатус змам ауааԥсырагьы афонд аҟынтә аматериалтә цхыраара шрыҭаз.

Арепатриациа афонд аиҳабы Енвер Чамагәуа адепутатцәа рызҵаарақәа рҭак ҟаҵауа иҳәеит, иахьазы амчра змоу азакәанԥҵара инақәршәаны, Арепатриациазы аҳәынҭқарратә еилакы иҟанаҵо азыҳәарала шакәу афонд аԥара шоунажьуа.

Аԥсны Жәлар реизара – Апарламент аилатәара мҩаԥысит аԥшьашы, хәажәкыра 18 рзы.

Иара убас шәаԥхьар ҟалоит:

 

25

Аԥсны 134-ҩык акоронавирус рыдырбалеит, аӡәы лыԥсҭазаара далҵит

6
(ирҿыцуп 19:13 22.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 3306-ҩык ыҟоуп. Урҭ рахьтә ргәы бзиахеит 1289-ҩык, рыԥсҭазаара иалҵит 33-ҩык.

АҞӘА, жьҭаара 22- Sputnik. Иҳаҩсыз уахыки-ҽнаки рыла COVID-19 рцәа иалоу иаламу аилкааразы атестқәа 445-ҩык ирзыҟаҵан, урҭ рахьтә 134-ҩык акоронавирус адиагноз рзышьақәырӷәӷәоуп ҳәа аанацҳауеит Ауааԥсыра акоронавирус рацәыхьчаразы аоперативтә штаб.

Жьҭаара 21 рзы Гәдоуҭатәи агоспиталь аҿы лыԥсҭазаара далҵит 61 шықәса зхыҵуаз акоронавирус адиагноз ззышьақәырӷәӷәаз апациент, лара аҿкчымазаратә ҟәша дҭашәеит жьҭаара 18 рзы. Иақәнагаз атерапиа шизымҩаԥыргозгьы лдунеи лыԥсахит.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 148-ҩык апациентцәа, урҭ рахьтә 123-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 27-ҩык, ибжьаратәуп - 62-ҩык, илҩаауп 11-ҩык апациентцәа. Гәдоуҭатәи агоспиталь уахыки-ҽнаки рыла иҭашәеит 11-ҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбало 21-ҩык апациентцәа. 20-ҩык рҭагылазаашьа бжьаратәуп ҳәа иԥхьаӡоуп, аӡәы-иҭагылазаашьа бааԥсуп.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

6
Атемақәа:
Ачымазара ҿкы – акоронавирус Аԥсни адунеи аҿи: иалкаау

Жьиба ацитрустә шәырқәа рзы: иҿала иҿамла есышықәса ихәшәтәлатәуп, аҩара рзымариоуп

4
(ирҿыцуп 18:42 22.10.2020)
Гагра араион Асычқәа ақыҭан иҟоу ацитрустә ааӡарҭа қьырала измоу Аркади Жьиба арадио Sputnik аефир аҿы еиҭеиҳәеит ашәырҵлақәа ишахәҭоу рааӡаразы ихымԥадатәны иҟоу.
Раионк аԥсҭазаараҟынтә: Жьиба ацитрустә шәырқәа рзы

"Ара еиҭаҳау ацитрустә шәырқәа асовет аамҭазы иаԥҵаз абаҳчақәа роуп. Аибашьра ашьҭахь дара рышьақәыргылара уадаҩын аҟнытә ажәлар ишаны ирырҭеит қьырала. Жәашықәсаҟа ҵуеит ҳхала нап адкыла иныҟәаҳгоижьҭеи. Аколнхара аҟынтә ииасыз 300 шьапы рҟынӡа сымоуп, иара ус схатәгьы 200 шьапы рҟынӡа ыҟоуп. Ацитрус анапы адукылар, ианахәҭоу ахәшә ауҭар, уацхраар, аҽаҩра уоуеит, аха иара акалашәа иҟоуп, шықәсык аҽаҩра бзиоуп, шықәсык ибжьанажьуеит. Аха иҿамла иҿала есышықәса ихәшәтәлатәуп, мамзар, иҩоит, уи рзымариоуп, избанзар, ақәра ду рымоуп шьҭа. Аиҭаҳатә аԥшаара уадаҩуп, иара ахәгьы маҷӡам, шықәсык зхыҵуа ашьаҭа 250 -500 мааҭ рҟынӡа инеиуеит", - еиҭеиҳәеит Жьиба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

4