"Робинзониада" акарантинаамҭазы: Архип Лабахәуа ицәыргақәҵа мҩаԥысуеит Аҟәа

24
(ирҿыцуп 10:23 22.06.2020)
Ацәыргақәҵахь инагахоит аҽыԥхьакреи акарантини раамҭа еиднакылаз асахьаҭыхҩы ирҿиамҭақәа.

АҞӘА, рашәара 22 - Sputnik, Алиса Адлеиԥҳа. Рашәара 25-27 рзы Аԥсны аҳҭнықалақь аҿы имҩаԥысраны иҟоуп асахьаҭыхыҩ, аскульптор Архипа Лабахәуа ицәыргақәҵа "Робинзониада, мамзаргьы сара акарантинаамҭа шысхызгаз".

Лабахәуа иажәақәа рыла, ацәыргақәҵа иазирхиеит 20 рҟынӡа ахалаҽыԥхьакреи акарантини ртема еиднакыаз иусумҭақәа.

  • "Робинзониада" акарантинаамҭазы: Архип Лабахәуа ицәыргақәҵа мҩаԥысуеит Аҟәа
    © Foto / предоставлено Архипом Лабахуа
  • "Робинзониада" акарантинаамҭазы: Архип Лабахәуа ицәыргақәҵа мҩаԥысуеит Аҟәа
    © Foto / предоставлено Архипом Лабахуа
  • "Робинзониада" акарантинаамҭазы: Архип Лабахәуа ицәыргақәҵа мҩаԥысуеит Аҟәа
    © Foto / предоставлено Архипом Лабахуа
1 / 3
© Foto / предоставлено Архипом Лабахуа
"Робинзониада" акарантинаамҭазы: Архип Лабахәуа ицәыргақәҵа мҩаԥысуеит Аҟәа

"Сара акарантин аԥҟаррақәа зегьы срықәныҟәон. Аус адызулон Робинзон изку ацәыргақәҵа. Сара схаҭа схы Робинзон иакәны избон", - иҳәоит асахьаҭыхыҩ.

Ихаҭа иџьеишьо аобиектқәакгьы шыҟоу азгәеиҭеит асахьаҭыхыҩ. "Сара сзы аинтерес аҵоуп абас ҵакыла ихыркәшам аекспозициа ауаа ишрыдыркылаша", - ҳәа иҳәоит Архип Лабахәуа.

Ацәыргақәҵа еиҿкааҩыс иамоу иара автор ихаҭа иоуп.

"Зегь сара схарџь ала еиҿыскаауеит, ауаа агәахәара рысҭарц", - иҳәоит иара.

Аԥсны акарантин еиҳа ишыԥсыҽызгьы ауаа ааԥсеит, урҭ рыргәырӷьароуп иара ихықәкы.

Ацәыргақәҵа мҩаԥгахоит Амҳаџьыраа рыԥшаҳәаҿы хәыда-ԥсада, уаанӡатәи аԥхьарҭатә ҭыԥ аҿы.

Архип Зураб-иԥа Лабахәуа - асахьаҭыхыҩ, аскульптор, адизаинер. Лабахәуа - Аҟәа аԥшаҳәаҿы иқәгылоу Фазиль Искандер ифырхацәа рыскульптурақәеи, "Апингвин – философи" , "Аҵани" дравторуп.

Иара убас шәаԥхьар ҟалоит:

24
Верующие во время празднования дня Крещения Христова у источника Святого Василиска возле села Каман в Республике Абхазия

Аԥсны ауахәамақәа рыҟны Иаса Қьырса Иӡаахра иазку амҵаныҳәара мҩаԥыргоит

7
(ирҿыцуп 10:21 17.01.2021)
Иаса Қьырса Иӡаахра азгәарҭоит ажьырныҳәа 19 рзы. Аныҳәа азкуп Назареҭтәи Иаса Қьырса Иордан аӡы аҟны иӡаахра. Қьырса динаҭит Иоанн Анцәаиажәаҳәаҩ. Арҭ амшқәа рзы ауахәамақәа рҟны имҩаԥысуа аныҳәарақәа Аӡаахра иадҳәалоуп.

АҞӘА, ажьырныҳәа 17-Sputnik. Аиашахаҵаратә қьырсианра иаҵанакуа ауахәамақәа рҟны имҩаԥгахоит Иаса Қьырса Иӡаахра иазку анцәа имҵаныҳәара, абри атәы иҳәеит Аԥсны Аиашахаҵаратә уахәама аиҳабы аб Виссарион (Аԥлиа).

Арҭ амшқәа рзы ауахәамақәа рҟны имҩаԥысуа аныҳәарақәа Аӡаахра иадҳәалоуп. Ажәытәан Иаса Қьырса иирагьы иӡӡаахрагьы мышкы иазгәарҭон. Иара ихазы аҽӡаахра ԥсыхәа амамкәан иҟамызт. Аӡы иҽӡааихит, иҽҭишьит, уи ала адунеи аӡқәа зегьы ррыцқьаразы. Ари аныҳәазы ишыхьҭоугьы, изылшо, згәы иаҭаху аӡы иҭалоит ҩнуҵҟалагьы, цәеижьлагьы аҽрыцқьаразы.

Қьырса ныҳәа инаркны Аӡаахра аҟынӡа (ажьырныҳәа 7 инаркны 19-нӡа) иԥшьоу, ицқьоу амшқәа ҳәа ирышьҭоуп. Аныҳәа мышкы шыбжьоу чгара мшуп.

Аҽӡаахра амшныҳәаз Анцәа дхазҵо иргәаладыршәоит 30 шықәса ирҭагылаз Иаса Қьырса Галилеинтәи аӡиас Иордан ашҟа дышнеиз иҽӡааихырц азы. Иара аӡы данҭыҵуаз адунеи зегьы ирбарҭахеит Анцәа-Аб, Анцәа-Аԥа, аҳәыҳә асахьа зманы Иаса Қьырса ижәҩахыр иқәтәаз Анцәа-Иԥшьоу идоуҳа.

Аӡаахра амшныҳәа ақьырсианцәа иазгәарҭо иалагеит апостолтә аамҭақәа рзы. Ажәытәан Қьырсеи Анцәаибареи мышкны иҟан, аха аамҭақәак рыла ауахәама урҭ аныҳәақәа еиднагеит. Есышықәса Аӡаахра амш аҽни аухеи аиашахаҵаратә уахәамақәа рҟны аҵак дуӡӡа змоу аӡыԥшьара мҩаԥыргоит.

7
Линии электропередач

Аҟәа ахәҭак лашарада иаанхеит аҵла афымцацәаҳәақәа иахьрықәҳаз иахҟьаны

4
Аҭыԥ ахь инеит амашәыр ахҟьаԥҟьақәа аԥызхуа абригадақәа, афымцалашара амҽыша асааҭ 15:00 рҟынӡа инеиҭашьақәдыргыло рҳәеит.

АҞӘА, ажьырныҳәа 17 - Sputnik. Аҟәа адендропарк аҿы икаҳаз аҵла афымцацәаҳәақәа хәба аԥхасҭа рынаҭеит, уи иахҟьаны Синопи Турбазеи рыбжьара иҟоу араион фымцалашарада иаанхеит ҳәа аанацҳауеит АУН "Амшынеиқәафымцамч".

Иазгәаҭоуп аԥхасҭа шроуз 10-тәи, 11-тәи афидерқәа (аихшарҭатә цәаҳәақәа - азгә.).

Аҭыԥ ахь инеит амашәыр ахҟьаԥҟьақәа аԥызхуа абригадақәа, афымцалашара амҽыша асааҭ 15:00 рҟынӡа еиҭашьақәдыргылоит рҳәеит.

4