Милена Барциц

Иосиф Пригожин Аԥснытәи ашәаҳәаҩ қәыԥш лзы продиусерс дҟалоит

62
(ирҿыцуп 13:43 23.06.2020)
Аԥсуа шәаҳәаҩ қәыԥш Милена Барцыцԥҳа "Детская Новая волна", ателееицлабрақәа "Голос. Дети", "Битва талантов" дрылахәын.

АҞӘА, рашәара 23 – Sputnik, Асмаҭ Ҵәыџьԥҳа. Аԥсуа шәаҳәаҩ қәыԥш Милена Барцыцԥҳа Гнесинаа рыхьӡ зху Аестрадатәи аџьазтәи ҟазара ирызку Амузыкатә ҵараиурҭахь дыргоит амузыкатә продиусер Иосиф Пригожин иҟаиҵаз аҳәарала. Абри атәы аанацҳауеит асоциалтә платформа "Аԥсны аԥеиԥш" Facebook аҟны аофициалтә даҟьаҿы.

Уи адагьы, Пригожин дақәшаҳаҭхеит ашәаҳәаҩ лыпродиусерси лырҵаҩыси иҟаларазы.

Милена лажәақәа рыла, лара Гнесинаа рыхьӡ зху Академиа аҭалара акыраамҭа лҽазыҟалҵон, апроект "Аԥсны аԥеиԥш" анапхгаҩцәеи апродиусер Иосиф Пригожини раԥшьгамҭа акәзар, оумашәа илбеит.

"Сара абри академиа аҭалара даара исҭахын, избанзар уа аус зуа зегьы зус здыруа, зыквалификациа ҳараку ҟазауаауп", - ҳәа азгәалҭеит лара.

Иосиф Пригожин арадио Sputnik иазеиҭеиҳәеит иара гәахәара дула абаҩхатәра злоу аҿарацәа дышрыдгыло, дышрыцхраауа, уи аҩыза алшара аныҟоу.

"Ари аӡӷаб асцена ду ахь ацәырҵра лыԥхыӡ иалоуп, лара "Голос" далахәын, лыԥсҭазаара зегьы ашәаҳәара иазылкыр лҭахуп. Ари лҩыза ауаа маҷҩуп иахьатәи аамҭазы, аиаша шәасҳәап", - ҳәа азгәеиҭеит ашәаҳәаҩ қәыԥш лыпродиусер, иагьациҵеит Аԥсны ахьӡ ҭызго аҿарацәа шаҭаху.

Иара инаҵшьны иҳәеит зҟазара ҵаулоу ауаа дышрыцхраауа, аха урҭ мчыла иара игәы иақәшәо ахырхарҭа ацҵара шрыдимгало.

Аԥсуа шәаҳәаҩ қәыԥш Милена Барцыцԥҳа "Детская Новая волна", ателееицлабрақәа "Голос. Дети", "Битва талантов" дрылахәын. Лара Аԥсны агәыразра ацҳаражәҳәаҩыс дыҟоуп.

 

62

Акоронавирустә хҭыс ҿыцқәа ҩба аарԥшуп Аԥсны

2
(ирҿыцуп 19:13 05.08.2020)
Абри аамҭазы Гәдоуҭатәи ахәышәтәырҭаҿы ишьҭоуп акоронавирус зцәа иалоу 37-ҩык апациентцәа.

АҞӘА, нанҳәа 5 - Sputnik. Даҽа ҩыџьа Аԥсны ауааԥсыра акоронавирус рыдбалоуп ҳәа аанацҳауеит Ауааԥсыра акоронавирустә ҿкы рацәыхьчаразы аоперативтә штаб.

"Ииасыз уахыки-ҽнаки рыла акоронавирустә чымазара амазааразы агәаҭара иахысит 105-ҩык ауааԥсыра. Урҭ рахьтә адиагноз COVID-19 рзықәыргылоуп ҩыџьа. Ачымазцәа ирныруаз ауаа ргәаҭарақәа ирыцҵахоит", - ҳәа аҳәоит аштаб аацҳамҭа.

Иахьазы Аԥсны акоронавирус здырбалахьоу рхыԥхьаӡара 109-ҩык ыҟоуп. Урҭ рахьтә 37-ҩык ргәы бзиахеит, хҩык рыԥсҭазаара иалҵит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

2
Атемақәа:
Ачымазара ҿкы – акоронавирус Аԥсни адунеи аҿи: иалкаау

Жәлар рдоуҳа: Ҭаниаԥҳа аԥсуаа аҵлақәа ишырзыҟаз атәы

2
(ирҿыцуп 17:28 05.08.2020)
Аҵлақәа ркульт ҳажәлар рытрадициатә культураҟны ҭыԥс иааннакыло, зымшьҭа бзиоу ма ицәгьоу ҳәа ирԥхьаӡо аҵлақәа арбану арадио Sputnik аефир аҟны еиҭалҳәеит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа.
Жәлар рдоуҳа: Ҭаниаԥҳа аԥсуаа аҵлақәа ишырзыҟаз атәы

Шәазыӡырҩла арубрика "Жәлар рдоуҳа" арадио Sputnik аефир аҟны.

Абри анҵамҭа атексттә версиа шәаԥхьар ҟалоит абра:

2