Аԥсны Атәылахьчара аминистрраҿы аныҳәатә уснагӡатә мҩаԥгоуп

8
(ирҿыцуп 13:14 24.06.2020)
Аџьынџьтәылатә еибашьра Ду аҟны Аиааира 75 шықәса ахыҵра иазку ауснагӡатәқәа акоронавирустә пандемиа иахырҟьаны лаҵара 9 аҟынтәи рашәара 24 ахь ииаган.

АҞӘА, рашәара 24 - Sputnik, Сариа Кәарцхьиаԥҳа. Аџьынџьтәылатә еибашьра Ду Аиааира 75 шықәса ахыҵра иазку ауснагӡатә мҩаԥган Аԥсны Атәылахьчара аминистрраҿы. Атәылахьчара аминистр Владимир Ануа иазгәеиҭеит иахьа, рашәара 24 рзы Москва, Ашҭа ҟаԥшь аҟны ишымҩаԥысуа Аџьынџьтәылатә еибашьра Ду Аиааира 75 шықәса ахыҵра иазку апарад. Ануа иҳәеит 75 шықәса раԥхьа имҩаԥгаз апарадгьы абри амш азы ишымҩаԥысуаз.

"75 шықәса раԥхьа имҩаԥган аҭоурыхтә парад, ҳажәлар риааира иасимволыз. Апарад иалахәын 35 000-ҩык. Иахьа, 75 шықәса рышьҭахь Ашҭа ҟаԥшь аҿы имҩаԥысуеит арратә парад. Аныҳәатә уснагӡатәқәа сасцәақәак раҳасаб ала ирылахәуп Аԥсны ахада Аслан Гьаргь-иԥа Бжьаниа зхадараҿы дыҟоу атәыла ахаҭарнакцәа", - иҳәеит иара.

Аминистр иазгәеиҭеит Аџьынџьтәылатә еибашьра ду алахәылацәа рфырхаҵара хашҭшьа шамам.

"Арҭ иԥышәагаз ашықәс еиқәаҵәақәа раан ҳџьынџьуаа зықьҩыла амцашыра иалагылан. 55,5 нызқьҩык Аԥсны аԥацәеи аԥҳацәеи рҟынтәи 17 нызқьҩык рышьҭахьҟа изыхнымҳәит", - иҳәеит иара.

Аџьынџьтәылатә еибашьра ду Аԥснытәи аветеранцәа Реидгыла ахантәаҩы ихаҭыԥуаҩ Закан Нанба иазгәеиҭеит аибашьра аҭоурых иашаҵәҟьа аиқәырхара иамоу аҵак ду.

Аџьынџьтәылатә еибашьра Ду Аиааира 75 шықәса ахыҵра иазку ауснагӡатәқәа акоронавирустә пандемиа иахырҟьаны лаҵара 9 аҟынтәи рашәара 24 ахь ииаган.

Рашәара 24 рзы Аԥсны иҟоу Урыстәылатәи арратә округ аррамаҵзурауаа аидарамҩангага машьына иангыланы Аԥсны иалсуеит аибашьратә ашәақәа ҳәо.

Аԥсны ахада Аслан Бжьаниа Аџьынџьтәылатә еибашьра Ду Аиааира 75 шықәса ахыҵра иазку апарад далахәуп.

8
Атемақәа:
Аџьынџьтәылатә еибашьра ду аҟны Аиааира 75 шықәса ахыҵра (72)

Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

11
(ирҿыцуп 20:13 19.09.2020)
Ачарақәа рура аамҭа ахыгахоит иааиуа амзазы. Ас еиԥш аҭагылазаашьа ачараурҭатә хыбрақәа рыԥшәмацәеи ачара аҿҳәара ԥызҵәахьоу ауааи зҭанаргыло ауадаҩрақәа ртәы арадио Sputnik аефир аҟны еиҭеиҳәеит абанкеттә зал аиҳабы Авҭандил Ҷедиа.
Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

Аҳәынҭқарра ахада Аслан Бжьаниа аусԥҟа ҭижьит "Аԥсны Аҳәынҭқарра ауааԥсыра ргәабзиара акоронавирустә инфекциа COVID-19 ацәыхьчаразы хаз игоу уснагӡатәқәак рышьақәыргыларазы" ҳәа. Аԥкрақәа азинмчы роуеит жьҭаара 5 инаркны. Урҭ инарықәыршәаны, ачарақәа рымҩаԥгара аанкылатәхоит.

"Ашықәс нҵәаанӡа 20-25 чара ҳәа ашәҟәы ианҵаны иҳамоуп. Аԥарагьы ԥароуп, аха ачымазара ыҟазар, аҳәынҭқарра ахада иҭижьыз аусԥҟа ажәлар ацныҟәоит ҳәа ауп ишыздыруа, ус ауп ишеилыскаауа. Ажәлар чмазаҩхар, ирыцҳашьатәуп. Ауаа кредитла аԥара ргеит, ачара иазыԥшын, аха иҟауҵои. Ачара ахьыруа ахыбрақәа рҟны 40-45 рҟынӡа ҽнак иҭыҵуа ауаа аус руеит… Ачарақәа рыҿҳәара ԥҵәоуп. Октиабр азы ашәҟы ианыз сентиабр ахь рҽанырҵар рҭаххеит, агәыҭҟьара иҟоу збоит, аҩашагьы ачарақәа ҟарҵо иалагеит", - иҳәеит Ҷедиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

11

Даҽа 53-ҩык Аԥсны ауааԥсыра акоронавирус рыдбалоуп

5
(ирҿыцуп 18:24 19.09.2020)
Иахьатәи аамҭазы Аԥсны иахьаҵанакуа 878-ҩык акоронавирус шрылоу шьақәдыргылахьеит. Урҭ рахьтә 240-ҩык апациентцәа ргәы бзиахахьеит, быжьҩык рыԥсҭазаара иалҵит.

АҞӘА, цәыббра 19 - Sputnik. Даҽа 53-ҩык Аԥсны ауааԥсыра акоронавирустә чымазара шрылоу шьақәырӷәӷәахеит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

"Иҳаҩсыз уахыки-ҽнаки рыла акоронавирустә инфекциа рылоу ирыламу аилкааразы игәаҭан 195-ҩык ауааԥсыра, урҭ рахьтә ачымазара рыдбалоуп 53-ҩык", - ҳәа аҳәоит аацҳамҭа.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 81-ы апациентцәа, урҭ рахьтә 78-ҩык ари адиагноз рзышьақәырӷәӷәоуп, рҭагылазаашьа хьанҭоуп фҩык, ибжьаратәуп 13-ҩык. Ргәы бзиаханы ахәышәтәырҭаҟнытә иоушьҭуп хәҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа шәрыԥхьар ҟалоит абра>>

5
Атемақәа:
Ачымазара ҿкы – акоронавирус Аԥсни адунеи аҿи: иалкаау