Анапынҵа ԥарақәа азхом: Аҵәахбанк акредитқәа рыҭара макьана иалагом

11
(ирҿыцуп 18:29 24.06.2020)
Аԥсны Аҵәахбанк ауааԥсыра акредитқәа рзоужьра ааннакылеит ԥхынгәы 1, 2019 шықәса инаркны аԥарақәа разымхара инамаданы, нас хәажәкырамза инаркны еиҭахацнаркхьан, аха уажәшьҭа ҩаԥхьа иааннакылеит.

АҞӘА, рашәара 24 - Sputnik. Аԥсны Аҵәахбанк ауааԥсыра акредитқәа рзоужьра еиҭахацнаркуеит атәыла аекономика аҽарӷәӷәаны анапынҵа ԥарақәа анеиҳахалак ашьҭахь иҳәеит абанк ахантәаҩы Беслан Бараҭелиа.

"Аӡбра ҳадаҳкылеит акредиттә программақәа аанкылазарц, избанзар иахьа дҵа хаданы ҳаԥхьа иқәгылоу аклиент имаҵ ауроуп. Даҽакала иуҳәозар, ҳара иҳалшаӡом аԥара маҷны ианҳамоу аамҭазы акредитқәа шьоукы ирыҭаны, нас ҳбанкоматқәа ҭарцәны атәара. Убри азы раԥхьа атәанчаҩцәа, абиуџьет аусзуҩцәа ҳрызхыцроуп, алшара ҟалар, ҩаԥхьа апроект ҿыцқәа хацҳаркуеит", - иҳәеит иара.

Аԥсны Абанк ахантәаҩы ишиҳәаз ала, Аҵәахбанк аликвидра аганахьала аҭагылазаашьа еиҳа еиӷьхеит.

"Аҵәахбанк аҿы аҭагылазаашьа уадаҩуп, аха ҩба-хԥа шықәса раԥхьа изеиԥшраз аасҭа еиӷьуп. Жәашықәсала еиқәылоз апроблемақәа 1,5 миллиард мааҭ иаҟароу адефицит ахь икылнагеит. Усҟан еиқәылоз апроблемақәа макьана акыр шықәса абанк анырра арҭалоит", - иҳәеит Бараҭелиа.

Бараҭелиа иазгәеиҭеит абанк хыҵхырҭа хадас иамоу акредитазоужьра ауп ҳәа.

"Статистикала иааугозар, уажәы атәылаҿы аҭагылазаашьа шыуадаҩугьы, аԥкрақәа шыҟоугьы, анаплакқәа аус шырымуагьы, аклиентцәеи абанкоматқәеи рымаҵ аура аганахьала Аҵәахбанк аусура еиҳа иҭышәынтәалоуп ҵыԥх аасҭа. Уи зыбзоуроу хәыҷы-хәыҷла ари абанк ашьара ақәлара иахьаҿу ауп. Хымԥада, Амилаҭтә банк уи иацхраауеит, избанзар Аҵәахбанк аҟны атәанчахәқәеи ауалафахәқәеи ршәара апроцесс мҩаԥнагоит, уи зауа ауадаҩақәа рызцәырымҵларц азы адгылара ҟаҳҵоит", - инаҵишьит Бараҭелиа.

 

Аԥсны Аҵәахырҭатә банк ауааԥсыра акредитқәа рыҭара апроцесс ааннакылеит ԥхынгәы 1, 2019 шықәса инаркны аԥарақәа ахьазымхоз азы. Акредитқәа рзоужьра еиҭахацыркын ҳазҭоу ашықәс хәажәжкырамзазы, аха апандемиеи аҳәаақәеи раркра иахҟьаны ари апроцесс ҩаԥхьа иаанкылан.

 

Аԥкырақәа анаԥыххалак, атәылаҿ аекономикатә ҭагылазаашьа анеиӷьхалак акредитқәа роушьҭра еиҭахацыркхоит ҳәа азгәеиҭеит иара.

Иара убас шәаԥхьар ҟалоит:

11

Жәлар рдоуҳа: Ҭаниаԥҳа аԥсуаа аҵлақәа ишырзыҟаз атәы

2
(ирҿыцуп 17:28 05.08.2020)
Аҵлақәа ркульт ҳажәлар рытрадициатә культураҟны ҭыԥс иааннакыло, зымшьҭа бзиоу ма ицәгьоу ҳәа ирԥхьаӡо аҵлақәа арбану арадио Sputnik аефир аҟны еиҭалҳәеит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа.
Жәлар рдоуҳа: Ҭаниаԥҳа аԥсуаа аҵлақәа ишырзыҟаз атәы

Шәазыӡырҩла арубрика "Жәлар рдоуҳа" арадио Sputnik аефир аҟны.

Абри анҵамҭа атексттә версиа шәаԥхьар ҟалоит абра:

2

Урыстәылеи Аԥсни рҳәаа аадыртызар аахыс 92 нызқьҩык ауаа ахысхьеит

7
(ирҿыцуп 16:52 05.08.2020)
Аԥсни Урыстәылеи рҳәаа ахысразы официалла аԥкырақәа аԥырхит нанҳәа 1 азы.

АҞӘА, нанҳәа 5 - Sputnik, Асмаҭ Ҵәыџьԥҳа. Урыстәылеи Аԥсни рыбжьара аҳәаа аадыртызар аахыс 92 нызқьи 61-ҩык аҳәаа иахысит ҳәа аанацҳауеит Шәачатәи аҳазалхырҭа апресс-маҵзура.

Нанҳәа 1-5 ирылагӡаны  аушьҭырҭатә ҭыԥ "Адлер" ала ииасит 18 821  транспорттә хархәага.

Урҭ рҟынтәи: 17 614  автомашьына ласы, 751 еидарамҩангага, 456 автобус.

"Иалшо ауснагӡатәқәа зегьы мҩаԥаагоит аҳазалхратә хылаԥшра арласразы, аҳәаа аамҭарацәада ахысразы. Наҟ-ааҟ аус руеит 23 цәаҳәа.  Убри аан еизҳауеит апассаџьырцәеи атранспорти рхыԥхьаӡара", - ҳәа азгәарҭеит апресс-маҵзураҿы.

Иахьа, нанҳәа 5 рзы Шәача ақалақь ахадараҿы Шәача ахада Алексеи Копаигородски амчратә структурақәеи атуристтә усхк анаплакқәеи алархәны Аԥсни Урыстәылеи рҳәааҿ аҭагылазаашьеи аҳәаахьчаратә ҭыԥ "Адлер" аусура аиӷьтәышьеи рзы аилацәажәара мҩаԥигеит.

Уаанӡа, Урыстәылеи Аԥсни рыбжьара аҳәаа аадыртызар, нанҳәа 1-3 рыла 30 нызқьҩык аҳәаа ихысит ҳәа аанацҳаит Шәачатәи аҳазалхырҭа апресс-маҵзура.

7
Аптечка

Россотрудничество Ливан арыцҳара иақәшәаз рзы ахәшәқәа реизгара хацнаркит

3
(ирҿыцуп 18:03 05.08.2020)
Ливан аҭыԥ змаз аԥжәара иахҟьаны, аҵыхәтәантәи адыррақәа рыла, шәҩык ауааԥсыра ҭахеит, ԥшь-нызқьҩык рҟынӡа аахақәа роуит. Иҟоуп иара убас хабарда ибжьаӡыз. Аџьар Ҟаԥшь ливантәи аилазаара адырра ҟанаҵеит 60-ҩык рҭагылазаашьа акыр ихьанҭоуп ҳәа.

АҞӘА, нанҳәа 5 -  Sputnik. Россотрудничество алаҳәара ҟанаҵеит аҿаҳәага материалқәеи зыда ԥсыхәа ыҟам ахәшәқәеи еизгазарц Беирут арыцҳара иақәшәаз рзы ҳәа аанацҳауеит Ливантәи ареспубликаҿ иҟоу Россотрудничество ахаҭарнакра.

Ахәшәқәа рнагара ҟалоит Беирут иҟоу Урыстәылатәи акультуратә центр ахь.

"Еизгахо ахәшәқәа зегьы Ливантәи ареспублика Агәабзиарахьчара аминистррахь инашьҭхоит", - ҳәа ҳәоуп адырраҭараҿы.

Уи адагьы изҭаху зегьы ирымоуп алшара ааха зауз рзы ашьа арҭарц.

Уаанӡа, Ливантәи ареспублика Агәабзиарахьчара аминистр Хамад Хасан аҳәамҭа ҟаиҵахьан аԥжәараан ахәышәтәырҭақәа ԥшьба шьаҭанкыла ишырхәашоу азы. Уа ишьҭаз ачымазцәа егьырҭ ахәышәтәырҭақәа рахь ииагахеит. Уи еиҳагьы иаруадаҩит аҭагылазаашьа ҳәа иҳәеит иара.

Иара убас шәаԥхьар ҟалоит:

3