Аиааира 75-шықәса ахыҵра ахьӡала маланыҟәала аиԥхныҩлара мҩаԥган Аҟәа

14
(ирҿыцуп 09:39 25.06.2020)
Акциа "Сабду аиааиразы ҭабуп ҳәа иасҳәоит" мҩаԥысит Аԥсны иҟоу Урыстәыла Ацҳаражәҳәарҭа, Аԥсны иҟоу Россотрудничество ахаҭарнакра рыдгыларала, жәларбжьаратәи аиҿкаара "Аиааира аволантиорцәеи" Москва Аҩни рлахәыларала.

АҞӘА, рашәара 25 – Алиса Адлеиԥҳа. Аџьынџьтәылатә еибашьра Ду аҟны Аиааира 75-шықәса ахыҵра ахьӡала маланыҟәала аиԥхныҩлара мҩаԥган Аҟәа. Акциа рҽаладырхәит 30-ҩык рҟынӡа ареспублика ауааԥсыра, Аԥсны иҟоу Урыстәыла Ацҳаражәҳәарҭеи, Аԥсны иҟоу Россотрудничество ахаҭарнакреи русзуҩцәа.

Акциа хацыркын Москва Аҩны аҿаԥхьаҟынтә Москва имҩаԥысуаз Аиааира апарад аамҭа иақәыршәаны.

Акциа "Сабду аиааиразы ҭабуп ҳәа иасҳәоит" алахәылацәа аҭааит 429-ҩык аибашьцәа Агәыӡератәи Рмемориал ахь инеиит, уаантәи Гәылрыԥшь иҟоу 1992-1993 шықәсқәа рзтәи Аԥсны жәлар Рџьынџьтәылатә еибашьраан иҭахаз рбаҟахьы инеиит.

Акциа хыркәшахеит Амҳаџьыраа рыԥшаҳәаҿы иҟоу Кавказ ахьчаҩцәа рбаҟаҟны.

"Раԥхьатәи амаршрут Алада Ешыра иалсны Афонынӡа инаӡон. Аха ари амаршрут амч ӷәӷәа аҭахын алахәылацәа рҟынтәи уи адагьы алахәылацәа рымҩаҿы аԥсыжырҭақәеи абаҟақәеи ыҟамызт азы амаршрут еиҭакын", - иҳәеит Аԥсны иҟоу Россотрудничество анапхгаҩы ицхырааҩ Евгени Павлов.

Аиԥхныҩлара иалахәыз зегь иреиҵбыз 7-шықәса ихыҵуан. Иҟан зымч мхаз, афиниш аҟынӡа изымнаӡаз.

Иҿыцны автоеиԥхныҩлара иалахәхеит жәаҩык рҟынӡа. Егьырҭ алахәылацәа уаанӡагьы иалахәхахьан.

© Sputnik
Велопробег посвященный Великой Отечественной войне 1941-1945

"Сара исгәаԥхеит. Ҵыԥх аасҭа сынтәа аинтерес ацын. Ауаагьы еиҳа ирацәан", - иҳәеит алахәылацәа руаӡәк.

Акциа ахыркәшамҭаз Москва Аҩны аҿаԥхьа алахәылацәа зегьы аҳамҭақәа рзыԥшын.

"Сабду аиааиразы ҭабуп ҳәа иасҳәоит" ҳәа зыхьӡу маланыҟәала аиԥхныҩлара аантәуп Аԥсны имҩаԥыргоижьҭеи.

Иара убас шәаԥхьар ҟалоит:

 

 

14
Атемақәа:
Аџьынџьтәылатә еибашьра ду аҟны Аиааира 75 шықәса ахыҵра (72)

Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

11
(ирҿыцуп 20:13 19.09.2020)
Ачарақәа рура аамҭа ахыгахоит иааиуа амзазы. Ас еиԥш аҭагылазаашьа ачараурҭатә хыбрақәа рыԥшәмацәеи ачара аҿҳәара ԥызҵәахьоу ауааи зҭанаргыло ауадаҩрақәа ртәы арадио Sputnik аефир аҟны еиҭеиҳәеит абанкеттә зал аиҳабы Авҭандил Ҷедиа.
Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

Аҳәынҭқарра ахада Аслан Бжьаниа аусԥҟа ҭижьит "Аԥсны Аҳәынҭқарра ауааԥсыра ргәабзиара акоронавирустә инфекциа COVID-19 ацәыхьчаразы хаз игоу уснагӡатәқәак рышьақәыргыларазы" ҳәа. Аԥкрақәа азинмчы роуеит жьҭаара 5 инаркны. Урҭ инарықәыршәаны, ачарақәа рымҩаԥгара аанкылатәхоит.

"Ашықәс нҵәаанӡа 20-25 чара ҳәа ашәҟәы ианҵаны иҳамоуп. Аԥарагьы ԥароуп, аха ачымазара ыҟазар, аҳәынҭқарра ахада иҭижьыз аусԥҟа ажәлар ацныҟәоит ҳәа ауп ишыздыруа, ус ауп ишеилыскаауа. Ажәлар чмазаҩхар, ирыцҳашьатәуп. Ауаа кредитла аԥара ргеит, ачара иазыԥшын, аха иҟауҵои. Ачара ахьыруа ахыбрақәа рҟны 40-45 рҟынӡа ҽнак иҭыҵуа ауаа аус руеит… Ачарақәа рыҿҳәара ԥҵәоуп. Октиабр азы ашәҟы ианыз сентиабр ахь рҽанырҵар рҭаххеит, агәыҭҟьара иҟоу збоит, аҩашагьы ачарақәа ҟарҵо иалагеит", - иҳәеит Ҷедиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

11

Даҽа 53-ҩык Аԥсны ауааԥсыра акоронавирус рыдбалоуп

5
(ирҿыцуп 18:24 19.09.2020)
Иахьатәи аамҭазы Аԥсны иахьаҵанакуа 878-ҩык акоронавирус шрылоу шьақәдыргылахьеит. Урҭ рахьтә 240-ҩык апациентцәа ргәы бзиахахьеит, быжьҩык рыԥсҭазаара иалҵит.

АҞӘА, цәыббра 19 - Sputnik. Даҽа 53-ҩык Аԥсны ауааԥсыра акоронавирустә чымазара шрылоу шьақәырӷәӷәахеит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

"Иҳаҩсыз уахыки-ҽнаки рыла акоронавирустә инфекциа рылоу ирыламу аилкааразы игәаҭан 195-ҩык ауааԥсыра, урҭ рахьтә ачымазара рыдбалоуп 53-ҩык", - ҳәа аҳәоит аацҳамҭа.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 81-ы апациентцәа, урҭ рахьтә 78-ҩык ари адиагноз рзышьақәырӷәӷәоуп, рҭагылазаашьа хьанҭоуп фҩык, ибжьаратәуп 13-ҩык. Ргәы бзиаханы ахәышәтәырҭаҟнытә иоушьҭуп хәҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа шәрыԥхьар ҟалоит абра>>

5
Атемақәа:
Ачымазара ҿкы – акоронавирус Аԥсни адунеи аҿи: иалкаау