Аҟәа иаатит ацәыргақәҵа "Робинзониада, мамзаргьы акарантин аамҭа шысхызгаз"

18
(ирҿыцуп 17:11 25.06.2020)
Аҽыԥхьакра аамҭаз зидеиа цәырҵыз ацәыргақәҵа Архип Лабахәуа иҩыза, ашәҟәыҩҩы Надежда Венедиктова илзикит.

АҞӘА, рашәара 25 –Sputnik, Мариа Ефимова. Рашәара 25-27 рзы Аԥсны аҳҭнықалақь амшынԥшаҳәаҿы иаатит асахьаҭыхыҩ, аскульптор Архипа Лабахәуа ицәыргақәҵа "Робинзониада, мамзаргьы сара акарантин аамҭа шысхызгаз".

© Sputnik / Томас Тхайцук
Ацәыргақәҵа "Робинзониада, мамзаргьы акарантинаамҭа шысхызгаз" аатит Аҟәа

Лабахәуа иажәақәа рыла, ацәыргақәҵа иазирхиеит 20 рҟынӡа ахалаҽыԥхьакреи акарантини ртема еиднакыаз иусумҭақәа.

"Асахьаҭыхыҩ изы ахалаҟазаара проблемам. Еиҳа угәы зызцо ҭагылазаашьоуп. Сара аҽыԥхьакра аамҭаз с-Робинзонны схы збон. Умацара ухы уаназаанхалак иҭуҵаауа уалагоит иааукәыршаны иҟоу адунеи, уҩны, уусурҭа ҭыԥ", - иҳәеит Лабахәуа.

© Sputnik / Томас Тхайцук
Ацәыргақәҵа "Робинзониада, мамзаргьы акарантинаамҭа шысхызгаз" аатит Аҟәа

Асахьаҭыхыҩ иҳәеит тематикатә композициақәак иара ихаҭа изгьы амаӡа шрыҵоу.

"Аинсталлиациақәа аус рыдулара ашьҭахь сара ахҳәаақәа рыҟаҵара салагеит. Фотосахьақәак лондонтәи сҩыза изысышьҭит иахиҳәаауа збарц. Иара мчыбжьык ашьҭахь ахҳәаақәа рыҭаны исызирхынҳәит. Ҳгәаанагарақәа зынӡа еиԥшымызт. Ахәаԥшҩы исырбар сҭаххеит аверсиақәа рыҩбагь. Обиектцыԥхьаӡа марқьаф ҟаԥшьылеи еиқәаҵәалеи ирыҵазҩит", - иҳәеит Лабахәуа.

© Sputnik / Томас Тхайцук
Ацәыргақәҵа "Робинзониада, мамзаргьы акарантинаамҭа шысхызгаз" аатит Аҟәа

Лабахәуа иажәақәа рыла, ацәыргақәҵа иҩыза, ашәҟәыҩҩы Надежда Венедиктова илзикит.

Ацәыргақәҵа мҩаԥысуеит рашәара 27 рҟынӡа. Анеира хәыда-ԥсадоуп.

© Sputnik / Томас Тхайцук
Ацәыргақәҵа "Робинзониада, мамзаргьы акарантинаамҭа шысхызгаз" аатит Аҟәа

Сип (Архип) ҭагылазаашьак аҟынтәи аҽа ҭагылазаашьак ахь аиасра иҽазишәоит. Иалагашьа акуп, иалгашьа аҽакуп. Ирацәаҩуп ауаа зыбзазара иалашьцылаз, аиҭакрагьы зҭахым", - лҳәоит Венедиктова.

Архип Зураб-иԥа Лабахәуа - асахьаҭыхыҩ, аскульптор, адизаинер. Лабахәуа - Аҟәа аԥшаҳәаҿы иқәгылоу Фазиль Искандер ифырхацәа рыскульптурақәеи, "Апингвин – философи" , "Аҵани" дравторуп.

© Sputnik / Томас Тхайцук
Ацәыргақәҵа "Робинзониада, мамзаргьы акарантинаамҭа шысхызгаз" аатит Аҟәа

Иара убас шәаԥхьар ҟалоит:

18

Асы ааигәахоит: Аԥсны ажьырныҳәа аҽеиҩшамҭа ашьҭахь амш зеиԥшрахо

2
(ирҿыцуп 13:25 17.01.2021)
Аԥсны аекологиеи аԥсабарахьчареи рзы Аҳәынҭкомитет иатәу аҳауагәаҭаратә ҟәша аспециалист хада Лариса Ахԥҳа уаанӡа ажьырныҳәамзазы иҟаҵаз амш азԥхьагәаҭаразы адыррақәа халырҭәааит.

АҞӘА, ажьырныҳәа 17 – Sputnik, Бадри Есиава. Аԥсны ақәабаа-сабаа, анаҩс маҷк асгьы леиуеит ажьырныҳәа 17-18 рзы лҳәеит Аԥсны аекологиеи аԥсабарахьчареи рзы Аҳәынҭкомитет иатәу аҳауагәаҭаратә ҟәша аспециалист хада Лариса Ахԥҳа.

"Ажьырныҳәа аҩбатәи азбжа еиҳарак шәшьызаауеит, избанзар ациклонқәа амч рымоуп. Ахьҭақәа ҟалеит, урҭ еиҳагьы рыҽдырӷәӷәоит. Амала иахьазы макьана ациклон ыҟоуп, уи аан аҳауа еиҳа иԥхоуп, антициклон аан аасҭа. Аха уажәшьҭа аҳауа хьшәашәақәа дәықәлеит ҳа ҳахь, аҩадантәи ахьшәашәара лбааит. Иара Амшын еиқәа аҿықә зегь амҽханакуеит. Уаха уи афронт ҳхысраны иҟоуп, уаҵәы ахәылԥазынӡа ақәабаа-сабаа, анаҩс асгьы леип ҳәа ҳгәыӷуеит амшын ага иахьаҵанакуа, аха ишьҭалаӡом", - ҳәа азгәалҭеит лара.

Лара лажәақәа рыла, амшын аҿықә аҟынтәи 5-10 километр инахыганы, амшын аҩаӡараҟынтәи 200 метра аҳаракыраҿы аҳауаԥхарра -2°С инаркны -5°С рҟынӡа илеир ҟалоит. 200 инаркны 500 метра рҟынӡа аҳаракыраҿы аҳауаԥхарра лаҟәуеит -6 инаркны -8°С рҟынӡа. Уи -8°С инаркны -10°С рҟынӡа илеиргьы ҟалоит. Ашьхараҿы -10°С инаркны -15°С рҟынӡа иазыԥшуп.

"Уажәаԥхьа иҟаҵаз азԥхьагәаҭара иаҿурԥшуазар, аҭагылазаашьа аҽаԥсахит. Алышәшәақәа аангылар ауп ажьырныҳәа 22 рзы, аха еиҳа ихьҭахоит. Амза нҵәаанӡа амш шәшьызаауеит. Макьана антициклон ҟалоит ҳәа ҳбом", - лҳәеит Ахԥҳа.

Ахәаша ажьырныҳәа 15 рзы Аԥсны араионқәак рҿы акырцх леит, аха аспециалист ишазгәалҭаз ала, уи акырцх акәӡамызт, асырҳәы акәын.

2
Верующие во время празднования дня Крещения Христова у источника Святого Василиска возле села Каман в Республике Абхазия

Аԥсны ауахәамақәа рыҟны Иаса Қьырса Иӡаахра иазку амҵаныҳәара мҩаԥыргоит

7
(ирҿыцуп 10:21 17.01.2021)
Иаса Қьырса Иӡаахра азгәарҭоит ажьырныҳәа 19 рзы. Аныҳәа азкуп Назареҭтәи Иаса Қьырса Иордан аӡы аҟны иӡаахра. Қьырса динаҭит Иоанн Анцәаиажәаҳәаҩ. Арҭ амшқәа рзы ауахәамақәа рҟны имҩаԥысуа аныҳәарақәа Аӡаахра иадҳәалоуп.

АҞӘА, ажьырныҳәа 17-Sputnik. Аиашахаҵаратә қьырсианра иаҵанакуа ауахәамақәа рҟны имҩаԥгахоит Иаса Қьырса Иӡаахра иазку анцәа имҵаныҳәара, абри атәы иҳәеит Аԥсны Аиашахаҵаратә уахәама аиҳабы аб Виссарион (Аԥлиа).

Арҭ амшқәа рзы ауахәамақәа рҟны имҩаԥысуа аныҳәарақәа Аӡаахра иадҳәалоуп. Ажәытәан Иаса Қьырса иирагьы иӡӡаахрагьы мышкы иазгәарҭон. Иара ихазы аҽӡаахра ԥсыхәа амамкәан иҟамызт. Аӡы иҽӡааихит, иҽҭишьит, уи ала адунеи аӡқәа зегьы ррыцқьаразы. Ари аныҳәазы ишыхьҭоугьы, изылшо, згәы иаҭаху аӡы иҭалоит ҩнуҵҟалагьы, цәеижьлагьы аҽрыцқьаразы.

Қьырса ныҳәа инаркны Аӡаахра аҟынӡа (ажьырныҳәа 7 инаркны 19-нӡа) иԥшьоу, ицқьоу амшқәа ҳәа ирышьҭоуп. Аныҳәа мышкы шыбжьоу чгара мшуп.

Аҽӡаахра амшныҳәаз Анцәа дхазҵо иргәаладыршәоит 30 шықәса ирҭагылаз Иаса Қьырса Галилеинтәи аӡиас Иордан ашҟа дышнеиз иҽӡааихырц азы. Иара аӡы данҭыҵуаз адунеи зегьы ирбарҭахеит Анцәа-Аб, Анцәа-Аԥа, аҳәыҳә асахьа зманы Иаса Қьырса ижәҩахыр иқәтәаз Анцәа-Иԥшьоу идоуҳа.

Аӡаахра амшныҳәа ақьырсианцәа иазгәарҭо иалагеит апостолтә аамҭақәа рзы. Ажәытәан Қьырсеи Анцәаибареи мышкны иҟан, аха аамҭақәак рыла ауахәама урҭ аныҳәақәа еиднагеит. Есышықәса Аӡаахра амш аҽни аухеи аиашахаҵаратә уахәамақәа рҟны аҵак дуӡӡа змоу аӡыԥшьара мҩаԥыргоит.

7