Аԥсны Ашәҟәыҩҩцәа реидгыла асаит

Аԥсны Ашәҟәыҩҩцәа реидгыла асаит аусура иалагеит

21
(ирҿыцуп 18:10 25.06.2020)
Аԥсны Ашәҟәыҩҩцәа реидгыла асаит аҿы иубар алшоит ҳаамҭазтәи ашәҟәыҩҩцәа, алитература аклассикцәа ирызку аинформациа, иара убасгьы аҟазаратә еиҿкаарақәа рышьақәгылара аҭоурых.

АҞӘА, рашәара 25 – Sputnik, Сариа Кәарцхьиаԥҳа. Аԥсны Ашәҟәыҩҩцәа реидгыла асаит аусура иалагеит рашәара 25 рзы ҳәа Sputnik акорреспондент илзеиҭеиҳәеит Аидгыла ахантәаҩы Вахтанг Аԥҳазоу.

Асаит аԥҵара аидеиа цәырҵит 2017 шықәса рзы Вахтанг Аԥҳазоуи Виачеслав Бигәааи "Аԥсуа шәҟәыҩҩцәа. Абиблиографиатә жәар" аус анадырулоз аамҭазы.

"Асаит аиҿкааразы аидеиа ҳазцәырҵит Урыстәылеи егьырҭ атәылақәеи рҿы ҳколлегацәа ишрымоу еиԥш. Ҩышықәса раԥхьа Виачеслав Бигәааи сареи аматериалқәа реизгара нап алаҳкит", – ҳәа азгәеиҭоит Аԥҳазоу.

Аԥсны Ашәҟәыҩҩцәа реидгыла асаит аҿы иубар алшоит ҳаамҭазтәи ашәҟәыҩҩцәа, алитература аклассикцәа рзы аинформациа, иара убасгьы аҟазаратә еиҿкаарақәа рышьақәгылара аҭоурых.

Аԥҳазоу ишиҳәаз ала, асаит ахатә ҷыдарақәа амоуп. Адаҟьа хадаҿы Ашәҟәыҩҩцәа реидгыла апериодикатә ҭыжьымҭақәа рзы ахышәқәа амоуп.

"Ари алитература-сахьаркыратә журнал "Алашара", агазеҭ "Аамҭа", ажурнал "Амцабз" роуп. Асаит аҿы иҟоу аҵыхәтәантәи ахәышықәса рзтәи аҭыжьымҭақәа рархив ауп. Ҳара уаанӡагьы иҳадҵаалон  архивтә ҭыжьымҭақәа рзы. Аԥсуа литература аинтерес змоу зегьы рзы асаит аҿы аматериалқәа ыҟоуп", - иҳәеит иара.

Асаит аҿы аинформациа хаҭәаалоит аҭыжьымҭа ҿыцқәа шыҟалалак.  Асаит аус ауеит ҩ-бызшәак рыла – аԥсышәалеи урысшәалеи.

Иара убас шәаԥхьар ҟалоит:

21
Хаџьера Аҩӡыԥҳа

Раԥхьатәи аԥсуа пианиноарҳәаҩы

24
(ирҿыцуп 11:23 24.01.2021)
Раԥхьатәи аԥсуа профессионалтә пианиноарҳәаҩы Хаџьера Аҩӡыԥҳа диит 1917 шықәса ажьырныҳәа 24 рзы.

Бадраҟ Аҩӡба, Sputnik.

Ҳафиз Аҩӡба иҩнаҭаҟны еициит ҩыџьа аҭыԥҳацәа – Мерии Хаџьереи. Урҭ рлахьынҵа раԥхьатәиқәаны иалнахит. Мери – раԥхьатәи аԥсуа ԥырҩы лакәхеит, Хаџьера – раԥхьатәи аԥсуа пианиноарҳәаҩы лакәхеит. Амузыкаҭҵааҩы Мери Ҳашԥҳа лажәақәа рыла Меригьы амузыкатә техникум дҭан, аскрипка аҟәшаҿы аҵара лҵон.

"Ҳафиз Аҩӡба иҭаацәа рыхшара апатриотизмра рыларааӡон, аԥсуара рыларааӡон", — лҳәоит Мери Ҳашԥҳа.

Раԥхьатәи аԥсуа композитор Константин Ковачи аԥсуа милаҭтә культура аусзуҩы Кандрат Ӡиӡариеи ареспублика ахы-аҵыхәа иахысны иалрыԥшаауан ашәаҳәара, акәашара рганахьала аҟыбаҩ злаз ахәыҷқәа. Убас иалкааз рыгәҭа дыҟан Хаџьерагьы.

"Усҟан атехникум аҟны рҵаҩцәаны иҟан Москватәи амузыкантцәа, Мариа Ливенцова, аиҳәшьцәа Бубноваа реиԥш иҟақәаз", — ҳәа лгәалалыршәоит ҳашԥҳа.

Аџьынџьтәылатә еибашьраан ахәцәа рҿаԥхьа дықәгылон, аконцертқәа мҩаԥылгон.

1946 шықәса рзы Хаџьера дцоит Львовҟа, дҭалоит Львовтәи аконсерваториа, афортопиано аҟәша. 1951 — 1965 шықәсқәа раан Львовтәи амузыкатә ҵараиурҭа анапхгаҩыс аус луан.

"1965 шықәса инаркны, 1979 шықәса рзы атәанчарахьы дцаанӡа Хаџьера аус луан абри аҵараиурҭаҿы рҵаҩыс. Лара активла далахәын Аԥсны амузыка аҿиар", - лҳәоит Ҳашԥҳа.

Хаџьера ллепертуар иалан: Моцарт, Шуман, Рахманинов, Прокофьев уҳәа еицырдыруаз акомпозиторцәа рырҿиамҭақәа.

Лыԥсҭазаара далҵит 1997 шықәса рзы.

24

Ҷыҭанаа амаинингқәа рызҵааразы: рҿыхра мацара азхаӡом

5
(ирҿыцуп 11:12 24.01.2021)
Аҟәа араион ахада Алхас Ҷыҭанаа арадио Sputnik аефир аҿы еиҭеиҳәеит амаинингқәа рҿыхразы ицо аусуреи, уи алҵшәа аманы иҟаларцаз иҟаҵатәуи ртәы иҳәеит.
Раионк аԥсҭаазараҟынтә: Ҷыҭанаа амаинингқәа рызҵааразы

"Аусурақәа амаинингқәа рҿыхразы ҳаҿуижьҭеи акрааҵуеит. Аха уадаҩрас иҟоу акоуп, аҿыхрада уаҳа азин ҳамаӡам. Акы аҿыхны егьы аҿы унеиаанӡа, иаҿырхыз аҿаркуеит. Азинтә усбарҭақәа ироур алшара ԥҟарада аус зуа афермақәа рмаругақәа рымхразы, убри лҵшәаны иҟалоит, уи азы административтә кодекс алагалақәа аҭахуп. Шьҭа ҩымз раҟара ҵуеит ари азҵаара аганахьала аусурақәа цоижьҭеи уахгьы-ҽынгьы. Афермақәа дуқәа иаҿаҳхыз амаругақәа доусы рыҩныҟақәа рахь иргеит. Амаҵурҭақәа, аҩнаҵаҟақәа, аҭуанқәа рҿы иқәыргылан аусура иаҿуп. Убри ауадаҩрақәа ҳазцәырнагоит. Ауаҩы иҿы унеины аҿыхра ҟалом, уи аҩыза азин ҳамам. Арцәара уи ус мариоуп, амаинингқәа ахьыҟоу зегьы еилкааны иҳамоижьҭеи акрааҵуеит, аха иурцәеит - иаҿаркит, убри аҟнытә акгьы аҽаԥсахӡом", - еиҭеиҳәеит Ҷыҭанаа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

5