Ажәытәра иагом: 50 шықәса аимадара амаҵ азызуа Леонид Оҭырба изанааҭ далацәажәоит

164
(ирҿыцуп 01:12 27.06.2020)
Аҵыхәтәантәи аамҭақәа рзы астационартә ҭелқәа ахархәара рызҭо еиҳа имаҷхазаргьы, иҟоуп иахьа уажәраанӡа иззықәыргылоу, мамзаргьы ҿыц ишьақәзыргыло ауааԥсыра. Гагреи Пицундеи рабонентцәа рымаҵ зуа Леонид Оҭырба еиҭеиҳәеит ари азанааҭ ҷыда иаарласны иӡыр шалшо атәы.

Саида Жьиԥҳа, Sputnik

Леонид Сулҭан-иԥа Оҭырба Аацытәи ашкол даналга, ишәҟәқәа алеиҵоит Аҟәатәи атехникум автотехмаҵзуреи амашьынақәа рыҟаҵареи афакультет ахь, аха машәыршақә иқьаадқәа афымцатә еимадареи арадиофикациеи рыҟәшахьы иршьҭуеит, убас ала ари азанааҭ алихуеит.

"Атехникум аҿы аԥсшәа арҵаҩы Гыцԥҳак дыҟан. Сышәҟәқәа иашамкәа ииаргеит анысҳәа, уаҟәыҵ, сашьагьы иароуп дзылгаз, еиҳагьы еиӷьуп ҳәа ансабжьалга, ус инсыжьит. Егьараан уи аԥҳәыс дысгәалашәахьан, илҳәаз иашан", - азанааҭ шалихыз еиҭеиҳәоит Леонид Оҭырба.

Аҟәатәи атехникум ашьҭахь аамҭакы Гәдоуҭатәи аԥошьҭаҿы аус уны, Леонид Оҭырба Урыстәылаҟа дцоит. Тиумень, Новосибирск ақалақьқәа рҟны акраамҭа "Аимадараргылара" аҿы аџьабаа баны, аҩныҟа дхынҳәуеит. Аԥсны Аџьынџьтәылатә еибашьра ашьҭахь, ачымазара хьанҭа ихыганы, ҩаԥхьа иус дазыхынҳәуеит. 30 шықәса инарзынаԥшуа Гагреи Пицундеи рҭелтә еилахәырақәа рҿы кабельҟаҵаҩыси амонтиорси аус иуеит.

"Асовет Еидгыла ахаан сзанааҭ ахԥша аман, иахьа аӡра иаҿуп. Уамашәа ижәбаргьы, Гагра хҩык ҳауп абри аус иаҿу, зегьы иҳаиҳабу 80 шықәса ихыҵуеит, сара 69 шықәса, иҳаиҵбу 45, анцәа иџьшьаны уи уажәааигәа дҳадаҳкылеит. Аԥсшьарамшқәа раан Пицунда абонентцәа рымаҵ зуеит. Уаҟагьы сара сналаҵаны хҩык ҳаҟоуп, аӡәы сара дсықәлоуп, егьи жәабаҟа шықәса дҳаиҵбуп. Ауаа амобилтә еимадарахь ииасуа иалагеит, астационартәқәа ажәытәра иагеит ҳәа акабельҟаҵаҩи амонтиори рзанааҭ аҿар азхьаԥшуам. Аӡәыр ҳзааир, ҳаԥсы ахьынӡаҭоу идҳмырҵози, аԥышәа раҳамҭози", - игәалақәа иҳәоит Леонид Оҭырба.

Амонтиор иажәақәа рыла, "имодаӡам" ҳәа азырҳәозаргьы, аҩны иқәгылоу аҭел даара иманшәалоуп, аиҳарак имчымхоуи аҭаацәара рацәа ахьыҟоуи рзы.

"Мызкы 150 мааҭ роуп абонентә иишәо астационартә ҭел ахархәаразы. Насгьы Аԥсны ахьынӡанаӡааӡо арҭ аҭелқәа змоу рахь ԥықәсыларада дасуеит, убас амобилтә номерқәа рахь. Ахарџь рацәа инаҭом, ацәаҳәа акы ахьыр, акабельҟаҵаҩцәеи амонтиорцәеи ирлас иҟарҵоит. Иахьа ҳазҭагылоу аамҭа уадаҩ аан, ҳаргьы иџьаҳшьаратәы, ҿыц иқәзыргылар зҭаххаз ҟалеит. Имариоума нас амобилтә ҭелқәа ҭаацәаныла рныҟәгара, амамзаара ааины ианҳадгыла. Анцәа ҳааигәара иааумган, аха адгьылҵысрақәа раан раԥхьа еихәлацәо амобилтә ҭелқәа роуп, астационартәқәа рыла ирлас ацхыраара уаԥхьарц улшоит", - ҳәа наҵишьит аҭелтә еилахәыра аусзуҩ.

Леонид Оҭырба инапы злаку аус аҿы ацәгьоуцәа ирхырҟьаны изныкымкәа ауадаҩрақәа рԥылахьеит. Аибашьра ашьҭахь лассы-лассы аимадаратә цәаҳәақәа абҩа́́ (урысшәала иуҳәозар "медь") ргәылоуп азы иҵырхуан. Пицунда ахырхарҭаҿы зынӡа еибгоу цәаҳәак нырмыжьит. Руалафахәы шмаҷызгьы, акабельҟаҵаҩцәеи амонтиорцәеи ауаа ҭелтә еимадарада инымхарц азы, ӡынгьы-ԥхынгьы руалԥшьақәа нарыгӡон.

Ишеилкаахаз ала, иахьа Гагра араион аҿы акабельҟаҵаҩыси монтиорси иҟоу реиҳараҩык абыргцәа роуп. Дара есыҽны рыԥсҭазаара ашәарҭара иҭаргыланы, аԥхасҭа змоу аҭелтә цәаҳәақәа рыԥшаарц азы аҵла ҳаракқәеи ашьаҟақәеи ирхалоит. Изныкымкәа аахақәагьы роухьеит.

Астационартә ҭелқәа змоу зны-зынла џьара ҳасуеит ҳәа ҳлымҳа ианадаҳкыло, ауаа реицәажәабжь ҳаҳауеит. Мамзар аномер арбаны ҳахьасуа акәымкәа ҽаџьара ҳақәшәоит. Ас еиԥш иҟоу аҭагылазаашьа зыхҟьо акабельқәа ацәаакыра анрылслак иахьеиқәыло ауп. Зехьынџьареиԥш, аҭелтә еилахәыраҿгьы ауадаҩрақәа цәырҵуеит. Аха иузмырҽеиуа иҟоузеи, аус зуруа дҟалар…

Иара убас шәаԥхьар ҟалоит:

164

Џьапуа COVID-19 иахҟьаз аԥкрақәа рзы: аҽынкыларазы иҟаҳҵаз алаҳәара анхацәа адгылеит

3
(ирҿыцуп 12:41 26.09.2020)
Отаԥ ақыҭа ахада Шьалодиа Џьапуа арадио Sputnik аефир аҿы еиҭеиҳәеит жьҭаара 5 инаркны атәылаҿы иалагалахо аԥкрақәа рзы ажәабжь анхацәа ишрыдыркылаз атәы.
Џьопуа COVID-19 иахҟьаны аԥкрақәа ралагаларазы: аҽынкылараз ҳаҳәара анхаҩцәа адгылеит

Аԥсны ахада Ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уи инақәыршәаны 2020 шықәса жьҭаара 5 инаркны Аԥсны аҵакыраҿы: массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара алмыршахароуп, иара убасгьы ачарақәеи егьырҭ аныҳәатә уснагӡатәқәеи аанкылатәхоит. Аԥсыжрақәа рҿы акәзар, ауаа рхыԥхьаӡара армаҷра азԥхьагәаҭатәуп.

"Инарҭбааны ачароуразы, инарҭбааны ацәашьхәыҟаҵаразы аҽынкылара шаҭаху зегьы адырра рымоуп, ауаа уаанӡеиԥш еинианы аԥшьгарақәа ҟарымҵарцаз ирацәаны аицәажәарақәа мҩаԥаагахьеит, абыргцәа адгаланы. Уи ззеилымкаауа ҳәа нхаҩы дыҟаӡам, аҽынкыларазы иҟаҳҵаз алаҳәара зегьы ақәшаҳаҭуп. Ачымазара ҳқыҭаҟынтә макьана аӡәгьы имыхьыцт, иара ари аамҭа иалагӡаны агәаҟра ӷәӷәагьы ҟамлацт", - ҳәа азгәеиҭеит Џьапуа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

3

Анаплакҩы Ԥлиа апандемиа аамҭазы иусзуҩцәа рзы: сыҩнапык рыларԥаны искызаауеит.РЕЗЕРВ

0
(ирҿыцуп 12:38 26.09.2020)
Анаплакҩы Давид Ԥлиа арадио Sputnik аефир аҟны еиҭеиҳәеит апандемиа аамҭазы аԥкрақәа шынарыгӡо, аусутә агхара инапаҵаҟа аус зуа ишырныԥшуа атәы.
Анаплакҩы Ԥлиа апандемиа аамҭазы иусзуҩцәа рзы: сыҩнапык рыларԥаны искызаауеит

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны ауаажәларратә крыфарачаратә обиектқәа хымԥада аишәақәа рыбжьара метраки бжаки еиҵамкәа адистанциа аздырхиароуп, амаҵзуратә персонал ахыхьчагатә хархәагақәа ныҟәыргозароуп.

"Ас еиԥш иҟоу аԥҟара анрыдыркыла, иҟаҳҵари, ҳхы ақәҳаршәароуп…Уи усҟангьы иҟаҳҵеит (мшаԥымзазы иалагалаз аԥкрақәа ртәы –аред.), уажәгьы ауаа рсоциалтә дистанциа ҟаҳҵартә еиԥш аамҭа ҳамоуп, акрахьырфо азал дууп", - иҳәеит Ԥлиа.

Убри аан иара иазгәеиҭеит ауадаҩрақәа цәырҵыр шауа аус ахьыруа ашколқәа рыкрыфарҭақәа рҟны.

Анаплакҩы иазгәеиҭеит апандемиа русура акыр ишаныԥшыз, аха иагьа ус акәзаргьы иусуцәа уалафахәыда ишааныимыжьуа.

"Сҭаацәа ирыгыжьны аԥара сшәозаргьы, сусуцәа нхартә еиԥш, аус руртә еиԥш схы ныҟәазгароуп. Ҳара аԥхын иҳадаҳкыло, нас ӡын аусура иамҳхо асистема ыҟаӡам ҳа ҳҿы. Сара даара зегьы срықәгәыӷуеит (инапаҵаҟа аус зуа рзы), убри аҟынтә сыҩнапык рыларԥаны ишыску жәдыруазааит",- иҳәеит Ԥлиа.

Шәазыӡырҩы аудио. иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

0