Ҩ-нызқьҩык инареиҳаны Аԥсны ауааԥсыра COVID-19 амазааразы игәарҭахьеит

15
(ирҿыцуп 16:38 29.06.2020)
Аԥсны Агәабзиарахьчара аминистрра ареспубликаҿы аепидемиологиатә ҭагылазаашьа маншәалоуп ҳәа иашьоит.

АҞӘА, рашәара 29 - Sputnik. 2000-ҩык инархыҳәҳәо Аԥсны ауааԥсыра акоронавирустә инфекциа апандемиаамҭаз ачымазара амазааразы игәарҭеит ҳәа аҳәамҭа ҟаиҵеит Агәабзиарахьчара аминистр Ҭамаз Ҵахнакьиа Ауааԥсыра акоронавирус рацәыхьчаразы акоординациатә штаб аилатәараҿы.

"Агоспиталь аҿы зҽызхәышәтәуаз апациентцәа ргәабзиара шьақәгылоуп. Амчыбжь аҩныҵҟа рыҩныҟа иоушьҭхоит атест еиҭахыжьны. Иахьазы  "Аиҭар" ҩыџьа ауаа обсервациа иахысуеит. Урҭ медусзуҩцәоуп. Ахәшәқәа рзы гәаҟра ҳмоуит. Иахәҭоу зегь ҳамоуп", - ҳәа иҳәеит аминистр.

Аштаб аилатәара иалахәыз аԥыза-министр Александр Анқәаб  дазҵааит аԥкырақәа аԥырхыижьҭеи аҭагылазаашьа зеиԥшроузеи ҳәа.
Ҵахнакьиа иҳәеит  уи ашьҭахь х-хҭыск аҭыԥ шрымаз.

Аԥыза-министр иазгәеиҭеит ари аинформациа ауааԥсыра рҟынӡа ишнагатәу, избанзар авирус ыҟоуп ҳәа хазымҵо, акурорт сезон аиԥҟьаразы ихәыцуп ҳәа ргәы иаанагоит.

"Иахьа амшхәаԥштә азҵаараҿы иқәгылоуп аҵаара акурорттә сезон аҟаларазы.  Зегь шәгәаанагарақәа шәҳәа. Иаку гәаанагарак ҳазкылымсыкәа абри атема ҳалацәажәалоит", - ҳәа иҳәеит Анқәаб.

Аԥсны иҟаҵоу ашьаҿақәа зегьы зызку авирус алаҵәара алмыршароуп. Уажәы аҭагылазаашьа ҭышәынтәалоуп ҳәа лҳәеит асанитартә ҳақьым хада  Лиудмила Скорик.

Ус шакәугьы, Аԥсныҟа массала атуристцәа дәықәлар, ауааԥсыра рзы ашәарҭара аҵоуп ҳәа лҳәеит лара.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

15
Атемақәа:
Ачымазара ҿкы – акоронавирус Аԥсни адунеи аҿи: иалкаау (538)
Алиас Авидзба

Аҩӡба: аҭыԥҳацәа ахысшьа иаҳа ирлас ирыцааиуеит, аԥаҭԥаҭра рылаӡам

12
Ачадара иҟоу "Аԥсуа хысратә клуб" ашәарҭадаратә маҵзура аиҳабы Алиас Аҩӡба арадио Sputnik Аԥсны аефир аҿы еиҭеиҳәеит аҭыԥан ашәарҭара шеиҿкаау, насгьы избан аҭыԥҳацәа ахысраҿы алҵшәа бзиақәа заадырԥшуа.
Раионк аԥсҭазаараҟынтә: Аҩӡба "Аԥсуа хысратә клуб" аусура иазкны

"Ахысҩы данаалаик, аинструктор раԥхьа атеориатә курс дахижьуеит, уи сааҭк инарзынаԥшуа ицоит. Акласс аҿы икыдуп афотоматериалқәа, урҭ рыла ахысҩы иҳамоу абџьар хкы аҟнытә иалихыр илшоит иара ииҭаху, уи аимыхшьа, аибыҭашьа ирбаны, акышьа, агылашьа иеилыркааны ахысырҭахь диаргоит. Уаҟагьы иара дицуп аинструктор. Ахысра аҽазыҟаҵара сааҭки, сааҭки бжаки аамҭа агоит. Абри аус зегьы аан ашәарҭадаратә маҵзура ахаҭарнакгьы дрыцуп. Араҟа ус баша ахысшьа ада, абџьар аныҟәгашьа, уи ахархәашьа акультурагьы аҭыԥ амоуп. Иааџьаушьаратә, иаауа рахьтә аҭыԥҳацәа рацәоуп. Иҟоуп лассф-лассы иаҳҭаауа. Шьоукы ахысра спортк аҳасабала иазнеиуеит, абџьар бзиа ирбоит. Иҳәатәуп, аҭыԥҳацәа рхысшьа ҽакала ишеиҿкаау, иаҳа ирлас ишрыцааиуа. Иҭышәынҭәалоуп аҟнытә, ироуа аинформациа иаҳа лассы ирыдыркылоит, аԥаҭԥаҭра рылаӡам, ҭынч ихысуеит", - ҳәа азгәеиҭеит Аҩӡба.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

12
Аԥсны Апарламент ахь аиҭалхрақәа рҿы абжьыҭара хыркәшоуп

Аԥсны Апарламент ахь аиҭалхрақәа рҿы абжьыҭара хыркәшоуп

15
Амҽыша, ԥхынгәы 12 рзы Аԥсны имҩаԥысит атәыла Апарламент аҟны иҭацәыз амандатқәа ԥшьба рахь аиҭалхрақәа.

АҞӘА, ԥхынгәы 12 - Sputnik. Аԥсны Апарламент ахь аиҭалхрақәа раан алхратә ҭыԥ хадақәа ԥшьба аркын асааҭ 20:00 рзы амҽыша, ԥхынгәы 12 рзы. Урҭ аусура иалагеит ашьыжь, асааҭ 8:00 рзы.

АКХ асааҭ 18:00 рызтәи адыррақәа рыла, алхратә ҭыԥқәа зегь рыҟны ауаа рааишьала алхрақәа шьақәгылеит.

Ибжьы аиҭеит Аԥсны ахада Аслан Бжьаниагьы, уи Тамшь ақыҭаҟны дахьҭаҩу аҭыӡҭыԥ ала иҟоу алхратә ҭыԥ даҭааит.

Азакәан ишаҳәо ала, алхратә ҭыԥқәа ркомиссиақәа алҵшәақәа ҩымш ирҭагӡаны реихшьаларазы азин рымоуп. Заанаҵтәи алҵшәақәа анрыларҳәалак ашьҭахь, абжьыҭара шымҩаԥысыз азы ашшыԥхьыӡқәа ҟалар, АКХ ҽнак ахи аҵыхәеи рыла урҭ рыднакылоит.

Бзыԥтәи алхратә ҭыԥ хада № 10 ала Жәлар Реизара адепутатрахь кандидатцәас иқәгылоуп Ҭамаз Леибеи Ҭемыр Беиеи; Оҭҳаратәи алхратә ҭыԥ хада №14 ала Жәлар Реизара адепутатрахь кандидатцәас иқәгылоуп Робесҭан Габлиеи Алмасхан Барцыци; Гәдоуҭатәи алхратә ҭыԥ хада №18 ала - Асҭамыр Ахбеи Алхас Ҳагбеи; Кындыӷтәи алхратә ҭыԥ хада №31 ала - Аидар Кәыҵниа, Гарри Кокаиа, Џьансыхә Адлеиба.

Аԥсны Жәлар Реизарахь алхрақәа мҩаԥысуеит ԥхынгәы 12 рзы иҭацәыз амандатқәа ԥшьба рахь - атәыла ахадас иалырхыз Аслан Бжьаниа, аԥыза-министрс иҟарҵаз Александр Анқәаб, Аҩнуҵҟатәи аусқәа рминистрс иҟарҵаз Дмитри Дбар, Гагра араион ахадас иҟарҵаз Иури Хагәышь рҭыԥқәа рахь.

15