Аурыс ҳәаанырцә тәылауаҩшәҟәқәа рыԥсахразы абжьгарҭақәа Аԥсны араионқәа рҿгьы иҟалоит

© Sputnik / Илья Питалев / Амедиаҵәахырҭахь аиасраМосковская типография Гознака
Московская типография Гознака - Sputnik Аҧсны
Анапаҵаҩра
Урыстәыла аҳәаанырцә тәылауаҩшәҟәқәа рыԥсахразы аконсультациатә пунктқәа русзуҩцәа атәыла араионқәа рахь рнеира азԥхьагәаҭоуп мызкахь ҩынтә.

АҞӘА, ԥхынгәы 1 – Sputnik, Бадри Есиава. Урыстәыла аҳәаанырцә тәылауаҩшәҟәқәа рыԥсахразы иахәҭаны иҟоу адокументқәа реиқәыршәаразы аконсультациақәа мҩаԥыргалоит атәыла араионқәа зегьы рҿы ҳәа лҳәеит Урыстәыла аҳәаанырцә тәылауаҩшәҟәқәа рыԥсахреи Урыстәыла атәылауаҩра аиуреи рзы апункт анапхгаҩы Фаина Герман.

Аусурақәа актәи ретап мҩаԥгахоит Тҟәарчал, ԥхынгәы 4 рзы. Адокументқәа рыдыркылоит араион Ахадара ахыбраҿы.

"Ҳара иҳаӡбеит араионқәа рахь анеира еиҿаҳкаарц ауаа рус армариаразы. Иҳаӡбеит Тҟәарчал араион ала ҳалагарц. Уи азы ҳара аҳәара ҳарҭеит араион ахадара. Акабинет ҳарҭоит атәылауаа рыдкыларазы", - лҳәеит Герман.

Урыстәыла аҳәаанырцә тәылауаҩшәҟәқәа рыԥсахразы аконсультациатә пунктқәа русзуҩцәа атәыла араионқәа рахь рнеира азԥхьагәаҭоуп мызкахь ҩынтә, аха аграфик макьана ишьақәыргылам. Тҟәарчал ашьҭахь иазԥхьагәаҭоуп Очамчыреи Гәдоуҭеи араионқәа.

Очереди на оформление документов в Сухуме, ул. Званба д. 9 - Sputnik Аҧсны
Атәылауаҩшәҟәы азы ахынҭаҩынҭара: аконсультациатә пункт аҿы агәаран зыҟалаз

Герман илҳәеит ауаа ҩынтә-хынтә Аҟәаҟа аара рықәымшәарц азы асеиԥш зеиҿыркааз.

Аконсультациатә пункт Аминистрцәа реилазаара анапаҵаҟа иҟоуп, уи анапы иануп ирҭаауа ауаа Урыстәыла аҳәаанырцә тәылауаҩшәҟәқәа рыԥсахреи Урыстәыла атәылауаҩра аиуреи рзы абжьгарақәа рзыҟаҵара.

Акоронавирустә инфекциа аламырҵәаразы акарантин аамҭаан Аҟәа, Ажәанба имҩа №9 аҿы иҟоу аҳәаанырцә тәылауаҩшәҟәқәа реиҿкааразы апункт аус ауамызт. Лаҵара 12 рзы аусура хацнаркит. Уи аахыс аиҿкаараҿ ирыдыркылеит 3365-ҩык.

Ажәабжьқәа зегьы
0