Аԥсуа хымхәацәа-ампутантцәа ашьапылампыл маҷ азы ахәмаррақәа рҽырзыҟарҵоит

11
(ирҿыцуп 13:52 02.07.2020)
Аҿари аспорти русқәа рзы Аҳәынҭқарратә еилакы аиҿцәажәарақәа мҩаԥнагоит Урыстәыла имҩаԥысуа жәларбжьаратәи атурнирқәеи аиҩызаратә хәмаррақәеи Аԥснытәи акоманда алахәразы.

АҞӘА, ԥхынгәы 2 – Sputnik, Ренат Ԥачалиа. Аԥсуа хымхәацәа-ампутантцәа ашьапылампыл маҷ ахәмаррақәа рзы аҽазыҟаҵарақәа мҩаԥыргараны иҟоуп ԥхынгәы 3 рзы Пицунда ҳәа Sputnik иазеиҭеиҳәеит Аҿари аспорти русқәа рзы Аҳәынҭқарратә еилакы ахантәаҩы Џьамал Гәбаз.

"Сара Ашьапылампыл афедерациаҿы аус анызуаз иҳалшоз ала ахымхәацәа-ампутантцәа ркоманда ҳацхраауан. Акомандаҿы ихәмаруеит аибашьра аветеранцәа. Урҭ ҳаҭыр дула ирызнеилатәуп. Акоманда иалахәу шнапыдоугьы, ишшьапыдоугьы аспорт иалахәуп. Асеиԥш ахымҩаԥгашьа аҿар рзы иҿырԥшыга дууп", - иҳәеит Гәбаз.

Хәышықәса инарзынаԥшуа ахымхәацәа-ампутантцәа ашьапылампыл маҷ азы жәларбжьаратәи атурнирқәа ирылахәымызт. Убри аан аиҩызаратә хәмаррақәа мҩаԥнагон Урыстәыла, Чечниа, Узбекисҭан ркомандақәа ирыцыхәмаруа.

"Аҿари аспорти русқәа рзы Аҳәынҭқарратә еилакы ахь азыҳәа наҳашьҭит сынтәа аԥаразоужьра ҳзеиҿнакаарц. Аиашаз, иҟоу аҭагылазаашьа иаҿырԥшны ас ирласны аҭак ҳауеит ҳәа ҳаҟамызт. Иахьазы зегь рыла ҳахиоуп. Ҳгәыӷуеит атәыла анҭыҵҟагьы ҳцаны жәларбжьаратә атурнирқәа ҳрылахәхап ҳәа", - иҳәеит акоманда алахәыла Сергеи Барганџьиа.

Урыстәыла ахымхәацәа ршьапылампылтә клубқәа Реидгылеи ҳареи аилацәажәарақәа ҳамоуп ҳкоманда атурнирқәа ралархәразы иҳәеит Џьамал Гәбаз.

"Урыстәыла Ахымхәацәа ршьапылампылтә клубқәа реидгыла ахада Ахиллес Маврофидии сареи ҭелла ҳаицәажәон. Иара шьҭрала Аԥснытәиуп. Аҳәаа анаадыртлак, Аԥсныҟа даараны дыҟоуп, ара ҳаилацәажәоит Урыстәыла имҩаԥгахо атурнирқәеи ахәмаррақәеи рылахәхаразы алшарақәа иҟоу", - иҳәеит Гәбаз. Иара ҭабуп ҳәа ахиҳәааит Аԥсны ахада Аслан Бжьаниа аҽазыҟаҵарақәа рымҩаԥгаразы иҟаиҵаз ацхырааразы.

Аԥсуа хымхәацәа-ампутантцәа ркоманда 11-ҩык ахәмарыҩцәа алахәуп. Урҭ рыбжьара иҟоуп аибашьра аветеранцәа. Ашьапылампыл маҷ адагьы дара рҽаладырхәлоит аҽы-спорттә хәмаррақәа, аԥқьаҭасразы атурнирқәа.

Иара убас шәаԥхьар ҟалоит:

11

COVID-19 рзықәыргылоуп даҽа жәҩык Аԥсны ауааԥсыра

20
(ирҿыцуп 20:02 10.08.2020)
Апандемиа ҟалеижьҭеи Аԥсны ачымазара здырбалахьоу рхыԥхьаӡара 143-ҩык ыҟоуп. Урҭ рахьтә 45-ҩык ргәы бзиахеит, хҩык рыԥсҭазаара иалҵит.

АҞӘА, нанҳәа 10 - Sputnik. Аҵыхәтәантәи уахыки-ҽнаки рыла акоронавирустә чымазара амазааразы агәаҭара иахысит 55-ҩык ауааԥсыра, адиагноз COVID - 19 рзықәыргылоуп жәҩык ҳәа аанацҳауеит Ауааԥсыра акоронавирустә ҿкы рацәыхьчаразы аоперативтә штаб.

Абыржәтәи аамҭазы Гәдоуҭатәи ахәышәтәырҭа хадаҿы ишьҭоуп акоронавирус зцәа иалоу 36-ҩык апациентцәа. Згәабзиара ҭышәынтәалаз апациентцәа быжьҩык ахәышәтәырҭа илыҩҩауп.

Ауааԥсыра акоронавирустә ҿкы рацәыхьчаразы аоперативтә штаб ажәлар рахь ааԥхьара ҟанаҵоит ачымазара рымкырц азы ахыхьчаратә ԥҟарақәа ирықәныҟәаларц: асоциалтә дистанциа укызароуп, унапқәа сапынла лассы-лассы иӡәӡәалатәуп, еиҳаракгьы адәахьынтә аҩны уанааилак ашьҭахь.

Аԥсны агәабзиарахьчара аминистрра аҭел ҷыда:

  • Аҟәа 925 – 10 – 06; 995 – 02 – 07; 935 – 30 – 71
  • Очамчыра 925 -10 – 09
  • Тҟәарчал 925 -10 – 03
  • Гал 925 -10 – 07
  • Гагра 925 -10 – 05
  • Гудоуҭа 925 -10 – 02
  • Агуӡера 925 -10 – 04

Акоронавирус иадҳәалоу ажәабжьқәа зегьы шәрыԥхьар ҟалоит абра>>

20
Атемақәа:
Ачымазара ҿкы – акоронавирус Аԥсни адунеи аҿи: иалкаау
Руслан Хашиг

Ҳашыг Белоруссиа ажурналистцәа раанкыларазы: аҳәынҭқарра зырԥхашьо хҭысуп

12
(ирҿыцуп 19:22 10.08.2020)
Аԥсны ажурналистцәа реидгыла ахантәаҩы Руслан Ҳашыг арадио Sputnik аефир аҿы Белоруссиа ажурналистцәа раанкылара ахҭыс ахҳәаа азыҟаиҵеит.
Ҳашыг Белоруссиа ажурналистцәа раанкыларазы: аҳәынҭқарра зырԥхашьо хҭысуп

"XXI ашәышықәсазы ас еиԥш иҟоу ахҭысқәа, аҳәынҭқарра ахьӡи аҳаҭыри лазырҟәуа акакәны иҟоуп. Аинтернет аҟны иаҳбо авидеонҵамҭақәа ақәыӡбара акәым, хаҭала згәы иалсыз рацәаҩуп, уи рбеижьҭеи Аԥсны ажурналистцәа реидгылахь аҭел иасуан, еилыркааз ажәабжь ҳзеиҭарҳәон. Ҳара ари ахҭыс ҳакәыӡбеит, ааԥхьарагьы ҟаҳҵеит белоруссиатәи аҳәынҭқарра анапхгареи белоруссиатәи ажурналистцәеи рахь ауаа раужьразы. Ииҩбахаз - хаҭала издыруаз ажурналистцәа рахь аҭел ҳасны агәҭынчымра ааҳарԥшит. Алхра аламҭалази алхра ашьҭахи еснагь адунеи аҿы иаҳбац аибырххарақәа ыҟоуп, аха уи ахҭысқәа имҩаԥысуа ауаа иреилзыркаауа ажурналистцәа рахь амч ахархәара, хаҭала Семен Пегов иҭагылазаашьа, ихдырра ицәыӡыртә аҟынӡа инагара, ари аҳәынҭқарра зырԥхашьо ҳҭысуп", - азгәеиҭеит Ҳашыг.

Белоруссиатәи амчрақәа рахь ааԥхьара ҟалҵеит иара убас RT, МИА "Россия сегодня" рредактор хада Маргарита Симониан. Лара Белоруссиа аиҳабыреи ҷыдала Александр Лукашенкои рахь ааԥхьара ҟалҵеит Семион Пегов дызлоу иаанкылоу ажурналистцәа рхы иақәиҭыртәырц.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

  • Аԥсны ажурналистцәа Реидгыла иақәыӡбоит Белоруссиа ажурналистцәа раанкылара
  • Семион Пегов дахьыҟоу еилкаахеит

12
Семен Пегов

Минск иаанкылаз урыстәылатәи ажурналист Семион Пегов доушьҭуп

4
(ирҿыцуп 21:50 10.08.2020)
Ажурналист Семион Пегов Минск, нанҳәа 9 рзтәи аилаҩеиласрақәа раан дшаанкылаз атәы рылаирҵәеит "Комсомольская правда" акорреспондент Александр Коц.

АҞӘА, нанҳәа 10 - Sputnik. Минск иаанкылаз урыстәылатәи ажурналист Семион Пегов азинеилагаҩцәа ахьҭаркуа Ацентр аҟынтә доушьҭуп, абри атәы аанацҳауеит Sputnik Беларусь Telegram-канал.

Белоруссиа иҟоу Урыстәыла ацҳаражәҳәаҩ адырра ҟаиҵахьан, Семион Пегов аҩаша аҩныҟа дхынҳәырц шилшо.

Белоруссиа алхрақәа мҩаԥысит нанҳәа 9 рзы. Алхырҭатә ҭыԥқәа шадыркызҵәҟьа, Минск зиншьаҭада аҿагыларатә акциақәа ирылагеит Белоруссиа ақалақьқәак рҿы.

Ажурналист Семион Пегов Минск дааныркылеит нанҳәа 9 ауха. "Комсомольская правда" арратә корреспондент Александр Коц иӡыригеит
Пегов дшааныркылоз акадырқәа.

Белоруссиатәи амчрақәа рахь ааԥхьара ҟалҵеит RT, МИА "Россия сегодня" рредактор хада Маргарита Симониан. Лара Белоруссиа аиҳабыреи ҷыдала Александр Лукашенкои рахь ааԥхьара ҟалҵеит Семион Пегов дызлоу иаанкылоу ажурналистцәа рхы иақәиҭыртәырц.

Аԥсны ажурналистцәа Реидгыла Белоруссиа амчрақәа рахь ааԥхьара ҟанаҵеит Минск имҩаԥысуаз аҿагыларатә акциақәа раан иаанкыло ажурналистцәа рхы рақәиҭтәразы.

Семион Пегов – апоет, урыстәылатәи афедералтә телеканалқәа рырратә корреспондент, апроект WarGonzo аиҿкааҩ. Диит 1985 шықәса рзы. Иҩымҭақәа кьыԥхьын альманахқәа "Под часами", "Персона", "Современники". Пушкин ихьӡ зху афестиваль "С веком наравне-2008" алауреат, ашәҟәыҩҩцәа ҿарацәа р-Форум "Липки-2011"алахәыла. Семион Пегов 2008 - 2013 шықәсқәа рзы Аҟәа, ателекеилахәыра "Абаза-ТВ" аҟны аус иуан, "Нужная газета", "Чегемская правда", "Новый день" иҩымҭақәа ркьыԥхьуан.

Иара убас шәаԥхьар ҟалоит:

 

4