Бжьаниа Аҟәа авиаторцәа рбаҟа аартрахь Путин ааԥхьара ииҭеит

8
(ирҿыцуп 14:38 03.07.2020)
Аԥсны ахада дрылахәын Аџьынџьтәылатә еибашьар ду аан Аиааира 75-шықәса ахыҵра иазкны Москва имҩаԥысыз ауснагӡатәқәа.

АҞӘА, ԥхынгәы 3 - Sputnik. Аԥсны ахада Аслан Бжьаниа Владимир Путин ааԥхьара ииҭеит Аҟәа иқәдыргылаз Аџьынџьтәылатә еибашьраан иҭахаз авиаторцәа рбаҟа аартраз иазку ауснагӡатә ахь. Абри атәы Бжьаниа иҳәеит амаҵзура "Интерфакс" имҩаԥнагаз онлаин пресс-конференциаҿ.

Бжьаниа иажәақәа рыла, Москва, Аџьынџьтәылатә еибашьар ду аан Аиааира 75-шықәса ахыҵра иазкыз ауснагӡатәқәа раан иааркьаҿны аицәажәара рыман Владимир Путини иареи. Убасҟан иара ааԥхьара ҟаиҵеит абаҟа аартра далахәхарц азы.

Аџьынџьтәылатә еибашьра Ду аан иҭахаз авиаторцәа рбаҟа Аҟәа иқәыргылан рашәара 15 рзы. Аартра азыԥхьагәаҭоуп ԥхынгәы 24 рзы.
Аԥсны ахада иҳәеит  ԥхьаҟазы дшақәгәыӷуа урыстәылатәи иколлегеи иареи инарҭбаау реиԥылара.

"Сара ишыжәдыруеиԥш суаҩ ҿыцуп. Аизыҟазаашьақәа рышьақәыргылара апроцесс мҩаԥысуеит", - ҳәа иҳәеит Бжьаниа.

Иара иазгәеиҭеит аинырра бзиа шрымоу  Дмитри Козаки егьырҭ аицусура иалахәу аусҳәарҭақәа рхадацәеи иареи.

Иара убас шәаԥхьар ҟалоит:

 

 

8

Дагаргәылиа ашьха еиқәдырхаз атуристцәа рзы: рразҟы иакит аҭел иасыртә иахьыҟалаз

0
(ирҿыцуп 15:37 23.11.2020)
Аԥсны аҭагылазаашьа ҷыдақәа рминистрра аиқәырхаратә-аԥшааратә гәыԥ аиҳабы ихаҭыԥуаҩ Сандро Дагаргәылиа арадио Sputnik Аԥсны аефир аҟны еиҭеиҳәеит ашьхараҟны асы иҭанасыз ҩыџьа аурыс ԥсшьаҩцәа ацхыраара шрырҭаз.
Дагаргәылиа ашьха еиқәдырхаз аурыс туристцәа рзы: рразҟы иакит аҭел иасыртә иахьыҟалаз

"Аҭел ала адырра ҳауит ҩыџьа атуристцәа Цандрыԥшь ахахьы Ҳашԥсы асы ишҭанакыз. Хымш раҟара асы иҭакны иаман. Ҩымш аоперациа мҩаԥысуан, иаразнак ҳзымнеиӡеит, асы рацәаны ишьҭан. Аҩбатәи амш азы ашьыжь асааҭ 5 рзы асы рпо 15 километра ҳцеит. Ҳахьнеиз руаӡәы ишьапқәа хәыҷык иҵаахьан, аха ргәалаҟара бзиан. Аԥхьатәи амедицинатә цхыраара иҭаны илбааҳгеит, аҳәааҟны иганы иоуҳашьҭит. Ҳәарада, ауаа даара рхы иақәгәыӷуеит. Аминистрраҟны иахьцо ркоординатақәа ҳарҭар, шаҟа мшы ицо ҳәа адырра ҟарҵар, ианыхнымҳәлак ҳрызцоит. Ианцо иара убас ианаалак адырра ҳарҭароуп", - азгәеиҭеит Дагаргәылиа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

0

COVID-19 змоу апациентцәа рзы Гагратәи ахәышәтәырҭаҿы аҟәша ҷыдақәа аадыртуеит

1
(ирҿыцуп 15:38 23.11.2020)
Абҵара алагамҭаз Гагратәи ахәышәтәырҭа ахәыҷтәы ҟәшаҿы иазырхиан акоронавирустә инфекциа змоу рзы аҭыԥқәа.

АҞӘА, абҵара 23 - Sputnik, Бадри Есиава. Акоронавирустә инфекциа змоу рзы ахәышәтәырҭа актәи аихагылаҿы 18 ҭыԥ аздырхиоит ҳәа иҳәеит аҳақьым хада Виачеслав Аргәын.

"Амчыбжь нҵәаанӡа иазыԥхьагәаҳҭоит авирус змоу ачымазцәа рзы аҩбатәи аҟәшагьы аартра. Аҭыԥ-цҵақәа еиҿаҳкаауеит ахәышәтәырҭа актәи аихагылаҿы, уаанӡа аҿкчымазаратә ҟәша ахьыҟаз", - иҳәеит иара.

Аргәын иара убасгьы иҳәеит апациентцәа рыдкыларазы аҟәша ҿыц еиҭакын: хазтәи аҩналарҭа, ачымазцәеи аҳақьымцәеи рзы хаз-хазтәи ашьышьмаҭрақәа еиҿкаан. Убри аан иара игәаанагарала аӡынра ааир арҭ аҭыԥқәа азымхар ҟалоит.

Абҵара 23 азтәи адыррақәа рыла ахәышәтәырҭа иҭоуп 33 пациент адиагноз COVID-19 ззышьақәыргыло.

Иахьазы Аԥсны иаарԥшуп акоронавирус змоу 5380-ҩык. Ргәы бзиахахьеит 3616-ҩык. Рыԥсҭазаара иалҵит 68-ҩык.

Иара убас шәаԥхьар ҟалоит:

1
Атемақәа:
Ачымазара ҿкы – акоронавирус Аԥсни адунеи аҿи: иалкаау