Аслан Бжьаниа Аҟәа ауааԥсыра ақалақь амш рыдиныҳәалеит

22
(ирҿыцуп 17:27 04.07.2020)
Ԥхынгәымза раԥхьатәи асабшаҽны иазгәарҭоит Аҟәа ақалақь амш. Ари аныҳәа амш алхразы 2015 шықәса абҵарамзазы имҩаԥган Жәларбжьаратәи аҭҵаарадырра-практикатә конференциа "Ажәытә Диоскуриада".

АҞӘА, ԥхынгәы 4 - Sputnik. Аԥсны ахада Аслан Бжьаниа Аҟәа ауааԥсыра рықалақь амш рыдиныҳәалеит.

"Ақалақь амш – зегьы еицаҳзеиԥшу ныҳәоуп – ара инхо реиԥш, араҟа аус зуагьы, аҵара зҵогьы, изызҳауа, агәҭыхақәа зауа, зықалақь бзиа избо уҳәа зегьы еицыртәуп", – ҳәа аҳәоит ахада ипресс-маҵзура ирыланарҵәаз адныҳәалара атекст аҿы.

Адныҳәалараҿы иазгәаҭоуп, Аҟәа азқьышықәсақәа иргәылсуа аҭоурых ду шамоу, араҟа ишааихьаз абырзенцәа, аурымцәа, византиаа, османцәа уҳәа. Убас акырынтә аҽаԥсаххьан ақалақь ахьӡгьы – Диоскуриа инаркны  Сухум-Кале аҟынӡа.

"Ииасыз ашықәсқәа рыла Аҟәа ахаҿра аҽеиҭанакит, акыр иаҳа иманшәалахеит, иԥшӡахеит. Шәара аҳҭнықалақь ауааԥсыра иҭабуп ҳәа шәасҳәарц сҭахуп, акыршықәса инеиԥынкыланы ақалақь ашәҭыкакаҷра ахьӡала аџьабаа ахьыжәбо азы. Хазы иҭабуп ҳәа расҳәоит Аԥсны жәлар рџьынџьтәылатә еибашьра аветеранцәа, ҳаҳҭнықалақь ахақәиҭреи аҭынчреи азырбаз", – ҳәа азгәеиҭеит ахада.

Аслан Бжьаниа иациҵеит "Аҟәа ауааԥсыра активла ақалақь аԥсҭазаара иалахәуп, уи абзазара иадҳәалоу хра злоу азҵаарақәа рыла еснагь ргәаанагара рҳәоит, есыҽнытәи русурала аиааира ҿыцқәа руасхыр шьҭарҵоит" ҳәа.

"Ҳара даара ҳгәы аладууп ҳақалақь аҭоурых хьӡырҳәагеи иахьатәи уи амш лашеи. Уацәтәи уи аԥеиԥшгьы лашазарц азы доусы иҳалшо зегь шыҟаҳҵо агәра згоит", – иҳәеит атәыла ахада.

Аҟәа – ижәытәӡатәиу ақалақьқәа ируакуп, 2500 шықәса инареиҳаны иахыҵуеит.

Аҟәа ақалақь амш азгәарҭоит ԥхынгәымза раԥхьатәи асабшазы. Абри аҩыза аӡбамҭа рыдыркылеит аҳҭнықалақь ахадара акомиссиа ҷыда аилатәаран 2016 шықәса, ажьырныҳәа 28 рзы.

Иара убас шәаԥхьар ҟалоит:

 

 

22
Гурам Шоуа

Раионк аԥсҭазаараҟынтә: Шьоууа авирус змоу рзы ахәышәтәырҭақәа рҿы аҭыԥқәа раартразы

6
(ирҿыцуп 19:22 22.09.2020)
Гәылрыԥшьтәи арратә госпиталь аҳақьым хада Гәырам Шьоууа арадио Sputnik аефир аҿы еиҭеиҳәеит акороновирус змоу рзы Агәыӡера ахәышәтәырҭаҿы хазы аҭыԥқәа раартра аус шцо атәы.
Раионк аԥсҭазаараҟынтә: Шьоуа авирус змоу рзы ахәышәтәырҭақа рҿы аҭыԥқәа раартразы

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара мап ацәкра уҳәа убас. Иара уи адагьы, агәабзиарахьчара аминистрра жьҭаара 15 рҟынӡа анапы ианҵоуп Аԥсны, Аҟәа ақалақьи араионқәеи иахьрыҵанакуа иҟоу амедицинатә усҳәарҭақәа рҟны авирус змоу ахаҿқәа рнагарҭа ҭыԥқәа разырхиара.

"Ари ачымазара зыхьуа ҳзаанагоит, урҭ ҳрыхәаԥшуеит нас ишахәҭоу аҭыԥ иқәаҳҵоит, шьоукы аҩныҟа, шьоукы – Гәдоуҭаҟа, аха уи анализқәа рҭак анҳаулак ашьҭахь. Ахәышәтәырҭа атерапиа аҟәшаҿы архиара ҳаҿуп 40-ҩык рҭыԥ ари ачымазара зыхьуа рышьҭаҵаразы, аха макьана хаз аҟәша аашәырты ҳәа адҵа ҳмоуӡац. Иахьазы дҵас иҳамоу: ачымазаҩцәа ашоура змоу, Агәыӡера рыдкылара, нас ишахәҭоу аус рыдулароуп. Ахәышәтәырҭаҿы акоронавирус аҟынтә иахьазы анализ аҭак иазыԥшу ҳәа аӡәгьы дыҟам, зегьы аҩны итәоуп. Дара есымша аҭел ҳарзасуеит, рҭагылазаашьа еилаҳкаауеит. Анализ аҭак анааилак нас рыхәшәтәразы даҽа мҩак ылаҳхуеит. Аҩны рҽырхәышәтәуеит 16-ҩык рҟынӡа", - ҳәа еиҭеиҳәеит Шьоууа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

6

Акоронавирустә хҭыс ҿыцқәа даҽа 59 азгәаҭоуп Аԥсны

12
(ирҿыцуп 20:08 22.09.2020)
Иахьатәи аамҭазы Аԥсны иахьаҵанакуа акоронавирус 1054-ҩык ишрыхьхьоу аарԥшуп. Урҭ рахьтә 311-ҩык апациентцәа ргәы бзиахеит, быжьҩык акоронавирус зыхьуаз рыԥсҭазаара иалҵит.

АҞӘА, цәыббра 22 – Sputnik. Аԥсны даҽа 59-ҩык акоронавирус рцәа ишалаз аадырԥшит ҳәа аанацҳауеит Ауааԥсыра акоронавирус рацәыхьчаразы аоперативтә штаб. 

"Цәыббра 22 рзтәи адыррақәа рыла, иҳаҩсыз уахыки-ҽнаки рзы игәаҭан 198-ҩык ауааԥсыра, урҭ рахьтә адиагноз COVID-19 рзышьақәдырӷәӷәеит 59-ҩык", - ҳәа аарыцҳауеит аоперштаб аҟынтәи.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 98-ҩык апациентцәа, дара зегьы ари адиагноз рзышьақәырӷәӷәоуп, рҭагылазаашьа хьанҭоуп быжьҩык, ибжьаратәуп 31-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа шәрыԥхьар ҟалоит абра>>

12
Атемақәа:
Ачымазара ҿкы – акоронавирус Аԥсни адунеи аҿи: иалкаау