Аиустициа аминистрс дҟаҵоуп Анри Барцыц

Анапаҵаҩра
Мшаԥы 24 рзы алхрақәа рышьҭахь уаанӡатәи Аминистрцәа реилазаара анапынҵақәа шьҭанаҵеит. Ахада ҿыц Аслан Бжьаниа хымз рыҩнуҵҟа Аминистрцәа реилазаара ҿыц шьақәирӷәӷәар ауп.

АҞӘА, ԥхынгәы 6 - Sputnik. Аслан Бжьаниа Аԥсны аиустициа аминистрс дҟаиҵеит Анри Барцыц ҳәа аанацҳауеит ахада ипресс-маҵзура.

Анри Барцыц диит абҵара 6, 1990 шықәса рзы Аԥснытәи АССР Гәдоуҭа ақалақь аҿы.

2007 – 2012 шш. – Москватәи аҳәынҭқарратә иуристтә университет астудент.

2012 – 2015 шш. – Москватәи аҳәынҭқарратә иуристтә университет аконституциатәи амуниципалтәи зин акафеда аспирантураҿ аҵара иҵон.

Еидырҵаз, еиҭаркыз: Аԥсны аиҳабыра реилазаашьа ҿыц - Sputnik Аҧсны
Еидырҵаз, еиҭаркыз: Аԥсны аиҳабыра реилазаашьа ҿыц

2017 шықәса рзы – аиуристтә ҭҵаарадыррақәа ркандидат ҳәа аҭҵаарадырратә ҩаӡара иоуит.

2018 шықәса раахыс аҭҵаарадырратә гранттә проектқәа рлахәыла.

Авторс дрымоуп 20 инарзынаԥшуа аҭҵаарадырратә статиақәа. Абакалаврцәеи амагистрцәеи рзы арҵагақәа рыцавтор.

2013 – 2014 шш. – Урыстәыла аҵареи аҭҵаарадырреи рминистрра аҵарауааи аҭҵаарадырра-педагогикатә усзуҩцәеи аттестациа рзуразы Адепартамент азинтә ҟәша аиуристконсультант.

2014 шықәса инаркны иахьанӡа – Москватәи аҳәынҭқарратә иуристтә университет аконституциатәи амуниципалтәи зин акафедра арҵаҩы, арҵаҩы еиҳабы.

2017 – 2019 шш. – Иреиҳаӡоу аҵара Афедералтә ҳәынҭқарратә биуџьеттә ҵаратә усбарҭа Москватәи аҳәынҭқарратә иуристтә университет аконституциатәи амуниципалтәи зини ркафедра аиҳабы ихаҭыԥуаҩ.

Дҭаацәароуп. Ҩыџьа ахшара драбуп.

Уаанӡа Аԥсны аиустициа аминистрс дыҟан Марина Ԥлиаԥҳа.

Ажәабжьқәа зегьы
0